|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 3
Sūkta 41
|
1. Info |
| To: | indra | |
| From: | viśvāmitra gāthina | |
| Metres: | 1st set of styles: gāyatrī (2, 3, 5, 9); nicṛdgāyatrī (4, 7, 8); yavamadhyāgāyatrī (1); virāḍgāyatrī (6) 2nd set of styles: gāyatrī |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
03.041.01 (Mandala. Sukta. Rik)
3.3.03.01 (Ashtaka. Adhyaya. Varga. Rik)
03.04.019 (Mandala. Anuvāka. Rik)
Samhita Devanagari Accented
आ तू न॑ इंद्र म॒द्र्य॑ग्घुवा॒नः सोम॑पीतये ।
हरि॑भ्यां याह्यद्रिवः ॥
Samhita Devanagari Nonaccented
आ तू न इंद्र मद्र्यग्घुवानः सोमपीतये ।
हरिभ्यां याह्यद्रिवः ॥
Samhita Transcription Accented
ā́ tū́ na indra madryágghuvānáḥ sómapītaye ǀ
háribhyām yāhyadrivaḥ ǁ
Samhita Transcription Nonaccented
ā tū na indra madryagghuvānaḥ somapītaye ǀ
haribhyām yāhyadrivaḥ ǁ
Padapatha Devanagari Accented
आ । तु । नः॒ । इ॒न्द्र॒ । म॒द्र्य॑क् । हु॒वा॒नः । सोम॑ऽपीतये ।
हरि॑ऽभ्याम् । या॒हि॒ । अ॒द्रि॒ऽवः॒ ॥
Padapatha Devanagari Nonaccented
आ । तु । नः । इन्द्र । मद्र्यक् । हुवानः । सोमऽपीतये ।
हरिऽभ्याम् । याहि । अद्रिऽवः ॥
Padapatha Transcription Accented
ā́ ǀ tú ǀ naḥ ǀ indra ǀ madryák ǀ huvānáḥ ǀ sóma-pītaye ǀ
hári-bhyām ǀ yāhi ǀ adri-vaḥ ǁ
Padapatha Transcription Nonaccented
ā ǀ tu ǀ naḥ ǀ indra ǀ madryak ǀ huvānaḥ ǀ soma-pītaye ǀ
hari-bhyām ǀ yāhi ǀ adri-vaḥ ǁ
03.041.02 (Mandala. Sukta. Rik)
3.3.03.02 (Ashtaka. Adhyaya. Varga. Rik)
03.04.020 (Mandala. Anuvāka. Rik)
Samhita Devanagari Accented
स॒त्तो होता॑ न ऋ॒त्विय॑स्तिस्ति॒रे ब॒र्हिरा॑नु॒षक् ।
अयु॑ज्रन्प्रा॒तरद्र॑यः ॥
Samhita Devanagari Nonaccented
सत्तो होता न ऋत्वियस्तिस्तिरे बर्हिरानुषक् ।
अयुज्रन्प्रातरद्रयः ॥
Samhita Transcription Accented
sattó hótā na ṛtvíyastistiré barhírānuṣák ǀ
áyujranprātárádrayaḥ ǁ
Samhita Transcription Nonaccented
satto hotā na ṛtviyastistire barhirānuṣak ǀ
ayujranprātaradrayaḥ ǁ
Padapatha Devanagari Accented
स॒त्तः । होता॑ । नः॒ । ऋ॒त्वियः॑ । ति॒स्ति॒रे । ब॒र्हिः । आ॒नु॒षक् ।
अयु॑ज्रन् । प्रा॒तः । अद्र॑यः ॥
Padapatha Devanagari Nonaccented
सत्तः । होता । नः । ऋत्वियः । तिस्तिरे । बर्हिः । आनुषक् ।
अयुज्रन् । प्रातः । अद्रयः ॥
Padapatha Transcription Accented
sattáḥ ǀ hótā ǀ naḥ ǀ ṛtvíyaḥ ǀ tistiré ǀ barhíḥ ǀ ānuṣák ǀ
áyujran ǀ prātáḥ ǀ ádrayaḥ ǁ
Padapatha Transcription Nonaccented
sattaḥ ǀ hotā ǀ naḥ ǀ ṛtviyaḥ ǀ tistire ǀ barhiḥ ǀ ānuṣak ǀ
ayujran ǀ prātaḥ ǀ adrayaḥ ǁ
03.041.03 (Mandala. Sukta. Rik)
3.3.03.03 (Ashtaka. Adhyaya. Varga. Rik)
03.04.021 (Mandala. Anuvāka. Rik)
Samhita Devanagari Accented
इ॒मा ब्रह्म॑ ब्रह्मवाहः क्रि॒यंत॒ आ ब॒र्हिः सी॑द ।
वी॒हि शू॑र पुरो॒ळाशं॑ ॥
Samhita Devanagari Nonaccented
इमा ब्रह्म ब्रह्मवाहः क्रियंत आ बर्हिः सीद ।
वीहि शूर पुरोळाशं ॥
Samhita Transcription Accented
imā́ bráhma brahmavāhaḥ kriyánta ā́ barhíḥ sīda ǀ
vīhí śūra puroḷā́śam ǁ
Samhita Transcription Nonaccented
imā brahma brahmavāhaḥ kriyanta ā barhiḥ sīda ǀ
vīhi śūra puroḷāśam ǁ
Padapatha Devanagari Accented
इ॒मा । ब्रह्म॑ । ब्र॒ह्म॒ऽवा॒हः॒ । क्रि॒यन्ते॑ । आ । ब॒र्हिः । सी॒द॒ ।
वी॒हि । शू॒र॒ । पु॒रो॒ळाश॑म् ॥
Padapatha Devanagari Nonaccented
इमा । ब्रह्म । ब्रह्मऽवाहः । क्रियन्ते । आ । बर्हिः । सीद ।
वीहि । शूर । पुरोळाशम् ॥
Padapatha Transcription Accented
imā́ ǀ bráhma ǀ brahma-vāhaḥ ǀ kriyánte ǀ ā́ ǀ barhíḥ ǀ sīda ǀ
vīhí ǀ śūra ǀ puroḷā́śam ǁ
Padapatha Transcription Nonaccented
imā ǀ brahma ǀ brahma-vāhaḥ ǀ kriyante ǀ ā ǀ barhiḥ ǀ sīda ǀ
vīhi ǀ śūra ǀ puroḷāśam ǁ
03.041.04 (Mandala. Sukta. Rik)
3.3.03.04 (Ashtaka. Adhyaya. Varga. Rik)
03.04.022 (Mandala. Anuvāka. Rik)
Samhita Devanagari Accented
रा॒रं॒धि सव॑नेषु ण ए॒षु स्तोमे॑षु वृत्रहन् ।
उ॒क्थेष्विं॑द्र गिर्वणः ॥
Samhita Devanagari Nonaccented
रारंधि सवनेषु ण एषु स्तोमेषु वृत्रहन् ।
उक्थेष्विंद्र गिर्वणः ॥
Samhita Transcription Accented
rārandhí sávaneṣu ṇa eṣú stómeṣu vṛtrahan ǀ
ukthéṣvindra girvaṇaḥ ǁ
Samhita Transcription Nonaccented
rārandhi savaneṣu ṇa eṣu stomeṣu vṛtrahan ǀ
uktheṣvindra girvaṇaḥ ǁ
Padapatha Devanagari Accented
र॒र॒न्धि । सव॑नेषु । नः॒ । ए॒षु । स्तोमे॑षु । वृ॒त्र॒ऽह॒न् ।
उ॒क्थेषु॑ । इ॒न्द्र॒ । गि॒र्व॒णः॒ ॥
Padapatha Devanagari Nonaccented
ररन्धि । सवनेषु । नः । एषु । स्तोमेषु । वृत्रऽहन् ।
उक्थेषु । इन्द्र । गिर्वणः ॥
Padapatha Transcription Accented
rarandhí ǀ sávaneṣu ǀ naḥ ǀ eṣú ǀ stómeṣu ǀ vṛtra-han ǀ
ukthéṣu ǀ indra ǀ girvaṇaḥ ǁ
Padapatha Transcription Nonaccented
rarandhi ǀ savaneṣu ǀ naḥ ǀ eṣu ǀ stomeṣu ǀ vṛtra-han ǀ
uktheṣu ǀ indra ǀ girvaṇaḥ ǁ
03.041.05 (Mandala. Sukta. Rik)
3.3.03.05 (Ashtaka. Adhyaya. Varga. Rik)
03.04.023 (Mandala. Anuvāka. Rik)
Samhita Devanagari Accented
म॒तयः॑ सोम॒पामु॒रुं रि॒हंति॒ शव॑स॒स्पतिं॑ ।
इंद्रं॑ व॒त्सं न मा॒तरः॑ ॥
Samhita Devanagari Nonaccented
मतयः सोमपामुरुं रिहंति शवसस्पतिं ।
इंद्रं वत्सं न मातरः ॥
Samhita Transcription Accented
matáyaḥ somapā́murúm rihánti śávasaspátim ǀ
índram vatsám ná mātáraḥ ǁ
Samhita Transcription Nonaccented
matayaḥ somapāmurum rihanti śavasaspatim ǀ
indram vatsam na mātaraḥ ǁ
Padapatha Devanagari Accented
म॒तयः॑ । सो॒म॒ऽपाम् । उ॒रुम् । रि॒हन्ति॑ । शव॑सः । पति॑म् ।
इन्द्र॑म् । व॒त्सम् । न । मा॒तरः॑ ॥
Padapatha Devanagari Nonaccented
मतयः । सोमऽपाम् । उरुम् । रिहन्ति । शवसः । पतिम् ।
इन्द्रम् । वत्सम् । न । मातरः ॥
Padapatha Transcription Accented
matáyaḥ ǀ soma-pā́m ǀ urúm ǀ rihánti ǀ śávasaḥ ǀ pátim ǀ
índram ǀ vatsám ǀ ná ǀ mātáraḥ ǁ
Padapatha Transcription Nonaccented
matayaḥ ǀ soma-pām ǀ urum ǀ rihanti ǀ śavasaḥ ǀ patim ǀ
indram ǀ vatsam ǀ na ǀ mātaraḥ ǁ
03.041.06 (Mandala. Sukta. Rik)
3.3.04.01 (Ashtaka. Adhyaya. Varga. Rik)
03.04.024 (Mandala. Anuvāka. Rik)
Samhita Devanagari Accented
स मं॑दस्वा॒ ह्यंध॑सो॒ राध॑से त॒न्वा॑ म॒हे ।
न स्तो॒तारं॑ नि॒दे क॑रः ॥
Samhita Devanagari Nonaccented
स मंदस्वा ह्यंधसो राधसे तन्वा महे ।
न स्तोतारं निदे करः ॥
Samhita Transcription Accented
sá mandasvā hyándhaso rā́dhase tanvā́ mahé ǀ
ná stotā́ram nidé karaḥ ǁ
Samhita Transcription Nonaccented
sa mandasvā hyandhaso rādhase tanvā mahe ǀ
na stotāram nide karaḥ ǁ
Padapatha Devanagari Accented
सः । म॒न्द॒स्व॒ । हि । अन्ध॑सः । राध॑से । त॒न्वा॑ । म॒हे ।
न । स्तो॒तार॑म् । नि॒दे । क॒रः॒ ॥
Padapatha Devanagari Nonaccented
सः । मन्दस्व । हि । अन्धसः । राधसे । तन्वा । महे ।
न । स्तोतारम् । निदे । करः ॥
Padapatha Transcription Accented
sáḥ ǀ mandasva ǀ hí ǀ ándhasaḥ ǀ rā́dhase ǀ tanvā́ ǀ mahé ǀ
ná ǀ stotā́ram ǀ nidé ǀ karaḥ ǁ
Padapatha Transcription Nonaccented
saḥ ǀ mandasva ǀ hi ǀ andhasaḥ ǀ rādhase ǀ tanvā ǀ mahe ǀ
na ǀ stotāram ǀ nide ǀ karaḥ ǁ
03.041.07 (Mandala. Sukta. Rik)
3.3.04.02 (Ashtaka. Adhyaya. Varga. Rik)
03.04.025 (Mandala. Anuvāka. Rik)
Samhita Devanagari Accented
व॒यमिं॑द्र त्वा॒यवो॑ ह॒विष्मं॑तो जरामहे ।
उ॒त त्वम॑स्म॒युर्व॑सो ॥
Samhita Devanagari Nonaccented
वयमिंद्र त्वायवो हविष्मंतो जरामहे ।
उत त्वमस्मयुर्वसो ॥
Samhita Transcription Accented
vayámindra tvāyávo havíṣmanto jarāmahe ǀ
utá tvámasmayúrvaso ǁ
Samhita Transcription Nonaccented
vayamindra tvāyavo haviṣmanto jarāmahe ǀ
uta tvamasmayurvaso ǁ
Padapatha Devanagari Accented
व॒यम् । इ॒न्द्र॒ । त्वा॒ऽयवः॑ । ह॒विष्म॑न्तः । ज॒रा॒म॒हे॒ ।
उ॒त । त्वम् । अ॒स्म॒ऽयुः । व॒सो॒ इति॑ ॥
Padapatha Devanagari Nonaccented
वयम् । इन्द्र । त्वाऽयवः । हविष्मन्तः । जरामहे ।
उत । त्वम् । अस्मऽयुः । वसो इति ॥
Padapatha Transcription Accented
vayám ǀ indra ǀ tvā-yávaḥ ǀ havíṣmantaḥ ǀ jarāmahe ǀ
utá ǀ tvám ǀ asma-yúḥ ǀ vaso íti ǁ
Padapatha Transcription Nonaccented
vayam ǀ indra ǀ tvā-yavaḥ ǀ haviṣmantaḥ ǀ jarāmahe ǀ
uta ǀ tvam ǀ asma-yuḥ ǀ vaso iti ǁ
03.041.08 (Mandala. Sukta. Rik)
3.3.04.03 (Ashtaka. Adhyaya. Varga. Rik)
03.04.026 (Mandala. Anuvāka. Rik)
Samhita Devanagari Accented
मारे अ॒स्मद्वि मु॑मुचो॒ हरि॑प्रिया॒र्वाङ्या॑हि ।
इंद्र॑ स्वधावो॒ मत्स्वे॒ह ॥
Samhita Devanagari Nonaccented
मारे अस्मद्वि मुमुचो हरिप्रियार्वाङ्याहि ।
इंद्र स्वधावो मत्स्वेह ॥
Samhita Transcription Accented
mā́ré asmádví mumuco háripriyārvā́ṅyāhi ǀ
índra svadhāvo mátsvehá ǁ
Samhita Transcription Nonaccented
māre asmadvi mumuco haripriyārvāṅyāhi ǀ
indra svadhāvo matsveha ǁ
Padapatha Devanagari Accented
मा । आ॒रे । अ॒स्मत् । वि । मु॒मु॒चः॒ । हरि॑ऽप्रिय । अ॒र्वाङ् । या॒हि॒ ।
इन्द्र॑ । स्व॒धा॒ऽवः॒ । मत्स्व॑ । इ॒ह ॥
Padapatha Devanagari Nonaccented
मा । आरे । अस्मत् । वि । मुमुचः । हरिऽप्रिय । अर्वाङ् । याहि ।
इन्द्र । स्वधाऽवः । मत्स्व । इह ॥
Padapatha Transcription Accented
mā́ ǀ āré ǀ asmát ǀ ví ǀ mumucaḥ ǀ hári-priya ǀ arvā́ṅ ǀ yāhi ǀ
índra ǀ svadhā-vaḥ ǀ mátsva ǀ ihá ǁ
Padapatha Transcription Nonaccented
mā ǀ āre ǀ asmat ǀ vi ǀ mumucaḥ ǀ hari-priya ǀ arvāṅ ǀ yāhi ǀ
indra ǀ svadhā-vaḥ ǀ matsva ǀ iha ǁ
03.041.09 (Mandala. Sukta. Rik)
3.3.04.04 (Ashtaka. Adhyaya. Varga. Rik)
03.04.027 (Mandala. Anuvāka. Rik)
Samhita Devanagari Accented
अ॒र्वांचं॑ त्वा सु॒खे रथे॒ वह॑तामिंद्र के॒शिना॑ ।
घृ॒तस्नू॑ ब॒र्हिरा॒सदे॑ ॥
Samhita Devanagari Nonaccented
अर्वांचं त्वा सुखे रथे वहतामिंद्र केशिना ।
घृतस्नू बर्हिरासदे ॥
Samhita Transcription Accented
arvā́ńcam tvā sukhé ráthe váhatāmindra keśínā ǀ
ghṛtásnū barhírāsáde ǁ
Samhita Transcription Nonaccented
arvāńcam tvā sukhe rathe vahatāmindra keśinā ǀ
ghṛtasnū barhirāsade ǁ
Padapatha Devanagari Accented
अ॒र्वाञ्च॑म् । त्वा॒ । सु॒ऽखे । रथे॑ । वह॑ताम् । इ॒न्द्र॒ । के॒शिना॑ ।
घृ॒तस्नू॒ इति॑ घृ॒तऽस्नू॑ । ब॒र्हिः । आ॒ऽसदे॑ ॥
Padapatha Devanagari Nonaccented
अर्वाञ्चम् । त्वा । सुऽखे । रथे । वहताम् । इन्द्र । केशिना ।
घृतस्नू इति घृतऽस्नू । बर्हिः । आऽसदे ॥
Padapatha Transcription Accented
arvā́ńcam ǀ tvā ǀ su-khé ǀ ráthe ǀ váhatām ǀ indra ǀ keśínā ǀ
ghṛtásnū íti ghṛtá-snū ǀ barhíḥ ǀ ā-sáde ǁ
Padapatha Transcription Nonaccented
arvāńcam ǀ tvā ǀ su-khe ǀ rathe ǀ vahatām ǀ indra ǀ keśinā ǀ
ghṛtasnū iti ghṛta-snū ǀ barhiḥ ǀ ā-sade ǁ