|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 3
Sūkta 47
|
1. Info |
| To: | indra | |
| From: | viśvāmitra gāthina | |
| Metres: | 1st set of styles: nicṛttriṣṭup (1-3); triṣṭup (4); virāṭtrisṭup (5) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
03.047.01 (Mandala. Sukta. Rik)
3.3.11.01 (Ashtaka. Adhyaya. Varga. Rik)
03.04.060 (Mandala. Anuvāka. Rik)
Samhita Devanagari Accented
म॒रुत्वाँ॑ इंद्र वृष॒भो रणा॑य॒ पिबा॒ सोम॑मनुष्व॒धं मदा॑य ।
आ सिं॑चस्व ज॒ठरे॒ मध्व॑ ऊ॒र्मिं त्वं राजा॑सि प्र॒दिवः॑ सु॒तानां॑ ॥
Samhita Devanagari Nonaccented
मरुत्वाँ इंद्र वृषभो रणाय पिबा सोममनुष्वधं मदाय ।
आ सिंचस्व जठरे मध्व ऊर्मिं त्वं राजासि प्रदिवः सुतानां ॥
Samhita Transcription Accented
marútvām̐ indra vṛṣabhó ráṇāya píbā sómamanuṣvadhám mádāya ǀ
ā́ sińcasva jaṭháre mádhva ūrmím tvám rā́jāsi pradívaḥ sutā́nām ǁ
Samhita Transcription Nonaccented
marutvām̐ indra vṛṣabho raṇāya pibā somamanuṣvadham madāya ǀ
ā sińcasva jaṭhare madhva ūrmim tvam rājāsi pradivaḥ sutānām ǁ
Padapatha Devanagari Accented
म॒रुत्वा॑न् । इ॒न्द्र॒ । वृ॒ष॒भः । रणा॑य । पिब॑ । सोम॑म् । अ॒नु॒ऽस्व॒धम् । मदा॑य ।
आ । सि॒ञ्च॒स्व॒ । ज॒ठरे॑ । मध्वः॑ । ऊ॒र्मिम् । त्वम् । राजा॑ । अ॒सि॒ । प्र॒ऽदिवः॑ । सु॒ताना॑म् ॥
Padapatha Devanagari Nonaccented
मरुत्वान् । इन्द्र । वृषभः । रणाय । पिब । सोमम् । अनुऽस्वधम् । मदाय ।
आ । सिञ्चस्व । जठरे । मध्वः । ऊर्मिम् । त्वम् । राजा । असि । प्रऽदिवः । सुतानाम् ॥
Padapatha Transcription Accented
marútvān ǀ indra ǀ vṛṣabháḥ ǀ ráṇāya ǀ píba ǀ sómam ǀ anu-svadhám ǀ mádāya ǀ
ā́ ǀ sińcasva ǀ jaṭháre ǀ mádhvaḥ ǀ ūrmím ǀ tvám ǀ rā́jā ǀ asi ǀ pra-dívaḥ ǀ sutā́nām ǁ
Padapatha Transcription Nonaccented
marutvān ǀ indra ǀ vṛṣabhaḥ ǀ raṇāya ǀ piba ǀ somam ǀ anu-svadham ǀ madāya ǀ
ā ǀ sińcasva ǀ jaṭhare ǀ madhvaḥ ǀ ūrmim ǀ tvam ǀ rājā ǀ asi ǀ pra-divaḥ ǀ sutānām ǁ
03.047.02 (Mandala. Sukta. Rik)
3.3.11.02 (Ashtaka. Adhyaya. Varga. Rik)
03.04.061 (Mandala. Anuvāka. Rik)
Samhita Devanagari Accented
स॒जोषा॑ इंद्र॒ सग॑णो म॒रुद्भिः॒ सोमं॑ पिब वृत्र॒हा शू॑र वि॒द्वान् ।
ज॒हि शत्रूँ॒रप॒ मृधो॑ नुद॒स्वाथाभ॑यं कृणुहि वि॒श्वतो॑ नः ॥
Samhita Devanagari Nonaccented
सजोषा इंद्र सगणो मरुद्भिः सोमं पिब वृत्रहा शूर विद्वान् ।
जहि शत्रूँरप मृधो नुदस्वाथाभयं कृणुहि विश्वतो नः ॥
Samhita Transcription Accented
sajóṣā indra ságaṇo marúdbhiḥ sómam piba vṛtrahā́ śūra vidvā́n ǀ
jahí śátrūm̐rápa mṛ́dho nudasvā́thā́bhayam kṛṇuhi viśváto naḥ ǁ
Samhita Transcription Nonaccented
sajoṣā indra sagaṇo marudbhiḥ somam piba vṛtrahā śūra vidvān ǀ
jahi śatrūm̐rapa mṛdho nudasvāthābhayam kṛṇuhi viśvato naḥ ǁ
Padapatha Devanagari Accented
स॒ऽजोषाः॑ । इ॒न्द्र॒ । सऽग॑णः । म॒रुत्ऽभिः॑ । सोम॑म् । पि॒ब॒ । वृ॒त्र॒ऽहा । शू॒र॒ । वि॒द्वान् ।
ज॒हि । शत्रू॑न् । अप॑ । मृधः॑ । नु॒द॒स्व॒ । अथ॑ । अभ॑यम् । कृ॒णु॒हि॒ । वि॒श्वतः॑ । नः॒ ॥
Padapatha Devanagari Nonaccented
सऽजोषाः । इन्द्र । सऽगणः । मरुत्ऽभिः । सोमम् । पिब । वृत्रऽहा । शूर । विद्वान् ।
जहि । शत्रून् । अप । मृधः । नुदस्व । अथ । अभयम् । कृणुहि । विश्वतः । नः ॥
Padapatha Transcription Accented
sa-jóṣāḥ ǀ indra ǀ sá-gaṇaḥ ǀ marút-bhiḥ ǀ sómam ǀ piba ǀ vṛtra-hā́ ǀ śūra ǀ vidvā́n ǀ
jahí ǀ śátrūn ǀ ápa ǀ mṛ́dhaḥ ǀ nudasva ǀ átha ǀ ábhayam ǀ kṛṇuhi ǀ viśvátaḥ ǀ naḥ ǁ
Padapatha Transcription Nonaccented
sa-joṣāḥ ǀ indra ǀ sa-gaṇaḥ ǀ marut-bhiḥ ǀ somam ǀ piba ǀ vṛtra-hā ǀ śūra ǀ vidvān ǀ
jahi ǀ śatrūn ǀ apa ǀ mṛdhaḥ ǀ nudasva ǀ atha ǀ abhayam ǀ kṛṇuhi ǀ viśvataḥ ǀ naḥ ǁ
03.047.03 (Mandala. Sukta. Rik)
3.3.11.03 (Ashtaka. Adhyaya. Varga. Rik)
03.04.062 (Mandala. Anuvāka. Rik)
Samhita Devanagari Accented
उ॒त ऋ॒तुभि॑र्ऋतुपाः पाहि॒ सोम॒मिंद्र॑ दे॒वेभिः॒ सखि॑भिः सु॒तं नः॑ ।
याँ आभ॑जो म॒रुतो॒ ये त्वान्वह॑न्वृ॒त्रमद॑धु॒स्तुभ्य॒मोजः॑ ॥
Samhita Devanagari Nonaccented
उत ऋतुभिर्ऋतुपाः पाहि सोममिंद्र देवेभिः सखिभिः सुतं नः ।
याँ आभजो मरुतो ये त्वान्वहन्वृत्रमदधुस्तुभ्यमोजः ॥
Samhita Transcription Accented
utá ṛtúbhirṛtupāḥ pāhi sómamíndra devébhiḥ sákhibhiḥ sutám naḥ ǀ
yā́m̐ ā́bhajo marúto yé tvā́nváhanvṛtrámádadhustúbhyamójaḥ ǁ
Samhita Transcription Nonaccented
uta ṛtubhirṛtupāḥ pāhi somamindra devebhiḥ sakhibhiḥ sutam naḥ ǀ
yām̐ ābhajo maruto ye tvānvahanvṛtramadadhustubhyamojaḥ ǁ
Padapatha Devanagari Accented
उ॒त । ऋ॒तुऽभिः॑ । ऋ॒तु॒ऽपाः॒ । पा॒हि॒ । सोम॑म् । इन्द्र॑ । दे॒वेभिः॑ । सखि॑ऽभिः । सु॒तम् । नः॒ ।
यान् । आ । अभ॑जः । म॒रुतः॑ । ये । त्वा॒ । अनु॑ । अह॑न् । वृ॒त्रम् । अद॑धुः । तुभ्य॑म् । ओजः॑ ॥
Padapatha Devanagari Nonaccented
उत । ऋतुऽभिः । ऋतुऽपाः । पाहि । सोमम् । इन्द्र । देवेभिः । सखिऽभिः । सुतम् । नः ।
यान् । आ । अभजः । मरुतः । ये । त्वा । अनु । अहन् । वृत्रम् । अदधुः । तुभ्यम् । ओजः ॥
Padapatha Transcription Accented
utá ǀ ṛtú-bhiḥ ǀ ṛtu-pāḥ ǀ pāhi ǀ sómam ǀ índra ǀ devébhiḥ ǀ sákhi-bhiḥ ǀ sutám ǀ naḥ ǀ
yā́n ǀ ā́ ǀ ábhajaḥ ǀ marútaḥ ǀ yé ǀ tvā ǀ ánu ǀ áhan ǀ vṛtrám ǀ ádadhuḥ ǀ túbhyam ǀ ójaḥ ǁ
Padapatha Transcription Nonaccented
uta ǀ ṛtu-bhiḥ ǀ ṛtu-pāḥ ǀ pāhi ǀ somam ǀ indra ǀ devebhiḥ ǀ sakhi-bhiḥ ǀ sutam ǀ naḥ ǀ
yān ǀ ā ǀ abhajaḥ ǀ marutaḥ ǀ ye ǀ tvā ǀ anu ǀ ahan ǀ vṛtram ǀ adadhuḥ ǀ tubhyam ǀ ojaḥ ǁ
03.047.04 (Mandala. Sukta. Rik)
3.3.11.04 (Ashtaka. Adhyaya. Varga. Rik)
03.04.063 (Mandala. Anuvāka. Rik)
Samhita Devanagari Accented
ये त्वा॑हि॒हत्ये॑ मघव॒न्नव॑र्ध॒न्ये शां॑ब॒रे ह॑रिवो॒ ये गवि॑ष्टौ ।
ये त्वा॑ नू॒नम॑नु॒मदं॑ति॒ विप्राः॒ पिबें॑द्र॒ सोमं॒ सग॑णो म॒रुद्भिः॑ ॥
Samhita Devanagari Nonaccented
ये त्वाहिहत्ये मघवन्नवर्धन्ये शांबरे हरिवो ये गविष्टौ ।
ये त्वा नूनमनुमदंति विप्राः पिबेंद्र सोमं सगणो मरुद्भिः ॥
Samhita Transcription Accented
yé tvāhihátye maghavannávardhanyé śāmbaré harivo yé gáviṣṭau ǀ
yé tvā nūnámanumádanti víprāḥ píbendra sómam ságaṇo marúdbhiḥ ǁ
Samhita Transcription Nonaccented
ye tvāhihatye maghavannavardhanye śāmbare harivo ye gaviṣṭau ǀ
ye tvā nūnamanumadanti viprāḥ pibendra somam sagaṇo marudbhiḥ ǁ
Padapatha Devanagari Accented
ये । त्वा॒ । अ॒हि॒ऽहत्ये॑ । म॒घ॒ऽव॒न् । अव॑र्धन् । ये । शा॒म्ब॒रे । ह॒रि॒ऽवः॒ । ये । गोऽइ॑ष्टौ ।
ये । त्वा॒ । नू॒नम् । अ॒नु॒ऽमद॑न्ति । विप्राः॑ । पिब॑ । इ॒न्द्र॒ । सोम॑म् । सऽग॑णः । म॒रुत्ऽभिः॑ ॥
Padapatha Devanagari Nonaccented
ये । त्वा । अहिऽहत्ये । मघऽवन् । अवर्धन् । ये । शाम्बरे । हरिऽवः । ये । गोऽइष्टौ ।
ये । त्वा । नूनम् । अनुऽमदन्ति । विप्राः । पिब । इन्द्र । सोमम् । सऽगणः । मरुत्ऽभिः ॥
Padapatha Transcription Accented
yé ǀ tvā ǀ ahi-hátye ǀ magha-van ǀ ávardhan ǀ yé ǀ śāmbaré ǀ hari-vaḥ ǀ yé ǀ gó-iṣṭau ǀ
yé ǀ tvā ǀ nūnám ǀ anu-mádanti ǀ víprāḥ ǀ píba ǀ indra ǀ sómam ǀ sá-gaṇaḥ ǀ marút-bhiḥ ǁ
Padapatha Transcription Nonaccented
ye ǀ tvā ǀ ahi-hatye ǀ magha-van ǀ avardhan ǀ ye ǀ śāmbare ǀ hari-vaḥ ǀ ye ǀ go-iṣṭau ǀ
ye ǀ tvā ǀ nūnam ǀ anu-madanti ǀ viprāḥ ǀ piba ǀ indra ǀ somam ǀ sa-gaṇaḥ ǀ marut-bhiḥ ǁ
03.047.05 (Mandala. Sukta. Rik)
3.3.11.05 (Ashtaka. Adhyaya. Varga. Rik)
03.04.064 (Mandala. Anuvāka. Rik)
Samhita Devanagari Accented
म॒रुत्वं॑तं वृष॒भं वा॑वृधा॒नमक॑वारिं दि॒व्यं शा॒समिंद्रं॑ ।
वि॒श्वा॒साह॒मव॑से॒ नूत॑नायो॒ग्रं स॑हो॒दामि॒ह तं हु॑वेम ॥
Samhita Devanagari Nonaccented
मरुत्वंतं वृषभं वावृधानमकवारिं दिव्यं शासमिंद्रं ।
विश्वासाहमवसे नूतनायोग्रं सहोदामिह तं हुवेम ॥
Samhita Transcription Accented
marútvantam vṛṣabhám vāvṛdhānámákavārim divyám śāsámíndram ǀ
viśvāsā́hamávase nū́tanāyográm sahodā́mihá tám huvema ǁ
Samhita Transcription Nonaccented
marutvantam vṛṣabham vāvṛdhānamakavārim divyam śāsamindram ǀ
viśvāsāhamavase nūtanāyogram sahodāmiha tam huvema ǁ
Padapatha Devanagari Accented
म॒रुत्व॑न्तम् । वृ॒ष॒भम् । व॒वृ॒धा॒नम् । अक॑वऽअरिम् । दि॒व्यम् । शा॒सम् । इन्द्र॑म् ।
वि॒श्व॒ऽसह॑म् । अव॑से । नूत॑नाय । उ॒ग्रम् । स॒हः॒ऽदाम् । इ॒ह । तम् । हु॒वे॒म॒ ॥
Padapatha Devanagari Nonaccented
मरुत्वन्तम् । वृषभम् । ववृधानम् । अकवऽअरिम् । दिव्यम् । शासम् । इन्द्रम् ।
विश्वऽसहम् । अवसे । नूतनाय । उग्रम् । सहःऽदाम् । इह । तम् । हुवेम ॥
Padapatha Transcription Accented
marútvantam ǀ vṛṣabhám ǀ vavṛdhānám ǀ ákava-arim ǀ divyám ǀ śāsám ǀ índram ǀ
viśva-sáham ǀ ávase ǀ nū́tanāya ǀ ugrám ǀ sahaḥ-dā́m ǀ ihá ǀ tám ǀ huvema ǁ
Padapatha Transcription Nonaccented
marutvantam ǀ vṛṣabham ǀ vavṛdhānam ǀ akava-arim ǀ divyam ǀ śāsam ǀ indram ǀ
viśva-saham ǀ avase ǀ nūtanāya ǀ ugram ǀ sahaḥ-dām ǀ iha ǀ tam ǀ huvema ǁ