|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 5
Sūkta 1
|
1. Info |
| To: | agni | |
| From: | budha ātreya; gaviṣṭhira ātreya | |
| Metres: | 1st set of styles: nicṛttriṣṭup (1, 3, 4, 6, 11, 12); triṣṭup (2, 7, 10); svarāṭpaṅkti (5, 8); paṅktiḥ (9) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
05.001.01 (Mandala. Sukta. Rik)
3.8.12.01 (Ashtaka. Adhyaya. Varga. Rik)
05.01.001 (Mandala. Anuvāka. Rik)
Samhita Devanagari Accented
अबो॑ध्य॒ग्निः स॒मिधा॒ जना॑नां॒ प्रति॑ धे॒नुमि॑वाय॒तीमु॒षासं॑ ।
य॒ह्वा इ॑व॒ प्र व॒यामु॒ज्जिहा॑नाः॒ प्र भा॒नवः॑ सिस्रते॒ नाक॒मच्छ॑ ॥
Samhita Devanagari Nonaccented
अबोध्यग्निः समिधा जनानां प्रति धेनुमिवायतीमुषासं ।
यह्वा इव प्र वयामुज्जिहानाः प्र भानवः सिस्रते नाकमच्छ ॥
Samhita Transcription Accented
ábodhyagníḥ samídhā jánānām práti dhenúmivāyatī́muṣā́sam ǀ
yahvā́ iva prá vayā́mujjíhānāḥ prá bhānávaḥ sisrate nā́kamáccha ǁ
Samhita Transcription Nonaccented
abodhyagniḥ samidhā janānām prati dhenumivāyatīmuṣāsam ǀ
yahvā iva pra vayāmujjihānāḥ pra bhānavaḥ sisrate nākamaccha ǁ
Padapatha Devanagari Accented
अबो॑धि । अ॒ग्निः । स॒म्ऽइधा॑ । जना॑नाम् । प्रति॑ । धे॒नुम्ऽइ॑व । आ॒ऽय॒तीम् । उ॒षस॑म् ।
य॒ह्वाःऽइ॑व । प्र । व॒याम् । उ॒त्ऽजिहा॑नाः । प्र । भा॒नवः॑ । सि॒स्र॒ते॒ । नाक॑म् । अच्छ॑ ॥
Padapatha Devanagari Nonaccented
अबोधि । अग्निः । सम्ऽइधा । जनानाम् । प्रति । धेनुम्ऽइव । आऽयतीम् । उषसम् ।
यह्वाःऽइव । प्र । वयाम् । उत्ऽजिहानाः । प्र । भानवः । सिस्रते । नाकम् । अच्छ ॥
Padapatha Transcription Accented
ábodhi ǀ agníḥ ǀ sam-ídhā ǀ jánānām ǀ práti ǀ dhenúm-iva ǀ ā-yatī́m ǀ uṣásam ǀ
yahvā́ḥ-iva ǀ prá ǀ vayā́m ǀ ut-jíhānāḥ ǀ prá ǀ bhānávaḥ ǀ sisrate ǀ nā́kam ǀ áccha ǁ
Padapatha Transcription Nonaccented
abodhi ǀ agniḥ ǀ sam-idhā ǀ janānām ǀ prati ǀ dhenum-iva ǀ ā-yatīm ǀ uṣasam ǀ
yahvāḥ-iva ǀ pra ǀ vayām ǀ ut-jihānāḥ ǀ pra ǀ bhānavaḥ ǀ sisrate ǀ nākam ǀ accha ǁ
05.001.02 (Mandala. Sukta. Rik)
3.8.12.02 (Ashtaka. Adhyaya. Varga. Rik)
05.01.002 (Mandala. Anuvāka. Rik)
Samhita Devanagari Accented
अबो॑धि॒ होता॑ य॒जथा॑य दे॒वानू॒र्ध्वो अ॒ग्निः सु॒मनाः॑ प्रा॒तर॑स्थात् ।
समि॑द्धस्य॒ रुश॑ददर्शि॒ पाजो॑ म॒हांदे॒वस्तम॑सो॒ निर॑मोचि ॥
Samhita Devanagari Nonaccented
अबोधि होता यजथाय देवानूर्ध्वो अग्निः सुमनाः प्रातरस्थात् ।
समिद्धस्य रुशददर्शि पाजो महांदेवस्तमसो निरमोचि ॥
Samhita Transcription Accented
ábodhi hótā yajáthāya devā́nūrdhvó agníḥ sumánāḥ prātárasthāt ǀ
sámiddhasya rúśadadarśi pā́jo mahā́ndevástámaso níramoci ǁ
Samhita Transcription Nonaccented
abodhi hotā yajathāya devānūrdhvo agniḥ sumanāḥ prātarasthāt ǀ
samiddhasya ruśadadarśi pājo mahāndevastamaso niramoci ǁ
Padapatha Devanagari Accented
अबो॑धि । होता॑ । य॒जथा॑य । दे॒वान् । ऊ॒र्ध्वः । अ॒ग्निः । सु॒ऽमनाः॑ । प्रा॒तः । अ॒स्था॒त् ।
सम्ऽइ॑द्धस्य । रुश॑त् । अ॒द॒र्शि॒ । पाजः॑ । म॒हान् । दे॒वः । तम॑सः । निः । अ॒मो॒चि॒ ॥
Padapatha Devanagari Nonaccented
अबोधि । होता । यजथाय । देवान् । ऊर्ध्वः । अग्निः । सुऽमनाः । प्रातः । अस्थात् ।
सम्ऽइद्धस्य । रुशत् । अदर्शि । पाजः । महान् । देवः । तमसः । निः । अमोचि ॥
Padapatha Transcription Accented
ábodhi ǀ hótā ǀ yajáthāya ǀ devā́n ǀ ūrdhváḥ ǀ agníḥ ǀ su-mánāḥ ǀ prātáḥ ǀ asthāt ǀ
sám-iddhasya ǀ rúśat ǀ adarśi ǀ pā́jaḥ ǀ mahā́n ǀ deváḥ ǀ támasaḥ ǀ níḥ ǀ amoci ǁ
Padapatha Transcription Nonaccented
abodhi ǀ hotā ǀ yajathāya ǀ devān ǀ ūrdhvaḥ ǀ agniḥ ǀ su-manāḥ ǀ prātaḥ ǀ asthāt ǀ
sam-iddhasya ǀ ruśat ǀ adarśi ǀ pājaḥ ǀ mahān ǀ devaḥ ǀ tamasaḥ ǀ niḥ ǀ amoci ǁ
05.001.03 (Mandala. Sukta. Rik)
3.8.12.03 (Ashtaka. Adhyaya. Varga. Rik)
05.01.003 (Mandala. Anuvāka. Rik)
Samhita Devanagari Accented
यदीं॑ ग॒णस्य॑ रश॒नामजी॑गः॒ शुचि॑रंक्ते॒ शुचि॑भि॒र्गोभि॑र॒ग्निः ।
आद्दक्षि॑णा युज्यते वाज॒यंत्यु॑त्ता॒नामू॒र्ध्वो अ॑धयज्जु॒हूभिः॑ ॥
Samhita Devanagari Nonaccented
यदीं गणस्य रशनामजीगः शुचिरंक्ते शुचिभिर्गोभिरग्निः ।
आद्दक्षिणा युज्यते वाजयंत्युत्तानामूर्ध्वो अधयज्जुहूभिः ॥
Samhita Transcription Accented
yádīm gaṇásya raśanā́májīgaḥ śúciraṅkte śúcibhirgóbhiragníḥ ǀ
ā́ddákṣiṇā yujyate vājayántyuttānā́mūrdhvó adhayajjuhū́bhiḥ ǁ
Samhita Transcription Nonaccented
yadīm gaṇasya raśanāmajīgaḥ śuciraṅkte śucibhirgobhiragniḥ ǀ
āddakṣiṇā yujyate vājayantyuttānāmūrdhvo adhayajjuhūbhiḥ ǁ
Padapatha Devanagari Accented
यत् । ई॒म् । ग॒णस्य॑ । र॒श॒नाम् । अजी॑ग॒रिति॑ । शुचिः॑ । अ॒ङ्क्ते॒ । शुचि॑ऽभिः । गोभिः॑ । अ॒ग्निः ।
आत् । दक्षि॑णा । यु॒ज्य॒ते॒ । वा॒ज॒ऽयन्ती॑ । उ॒त्ता॒नाम् । ऊ॒र्ध्वः । अ॒ध॒य॒त् । जु॒हूभिः॑ ॥
Padapatha Devanagari Nonaccented
यत् । ईम् । गणस्य । रशनाम् । अजीगरिति । शुचिः । अङ्क्ते । शुचिऽभिः । गोभिः । अग्निः ।
आत् । दक्षिणा । युज्यते । वाजऽयन्ती । उत्तानाम् । ऊर्ध्वः । अधयत् । जुहूभिः ॥
Padapatha Transcription Accented
yát ǀ īm ǀ gaṇásya ǀ raśanā́m ǀ ájīgaríti ǀ śúciḥ ǀ aṅkte ǀ śúci-bhiḥ ǀ góbhiḥ ǀ agníḥ ǀ
ā́t ǀ dákṣiṇā ǀ yujyate ǀ vāja-yántī ǀ uttānā́m ǀ ūrdhváḥ ǀ adhayat ǀ juhū́bhiḥ ǁ
Padapatha Transcription Nonaccented
yat ǀ īm ǀ gaṇasya ǀ raśanām ǀ ajīgariti ǀ śuciḥ ǀ aṅkte ǀ śuci-bhiḥ ǀ gobhiḥ ǀ agniḥ ǀ
āt ǀ dakṣiṇā ǀ yujyate ǀ vāja-yantī ǀ uttānām ǀ ūrdhvaḥ ǀ adhayat ǀ juhūbhiḥ ǁ
05.001.04 (Mandala. Sukta. Rik)
3.8.12.04 (Ashtaka. Adhyaya. Varga. Rik)
05.01.004 (Mandala. Anuvāka. Rik)
Samhita Devanagari Accented
अ॒ग्निमच्छा॑ देवय॒तां मनां॑सि॒ चक्षूं॑षीव॒ सूर्ये॒ सं च॑रंति ।
यदीं॒ सुवा॑ते उ॒षसा॒ विरू॑पे श्वे॒तो वा॒जी जा॑यते॒ अग्रे॒ अह्नां॑ ॥
Samhita Devanagari Nonaccented
अग्निमच्छा देवयतां मनांसि चक्षूंषीव सूर्ये सं चरंति ।
यदीं सुवाते उषसा विरूपे श्वेतो वाजी जायते अग्रे अह्नां ॥
Samhita Transcription Accented
agnímácchā devayatā́m mánāṃsi cákṣūṃṣīva sū́rye sám caranti ǀ
yádīm súvāte uṣásā vírūpe śvetó vājī́ jāyate ágre áhnām ǁ
Samhita Transcription Nonaccented
agnimacchā devayatām manāṃsi cakṣūṃṣīva sūrye sam caranti ǀ
yadīm suvāte uṣasā virūpe śveto vājī jāyate agre ahnām ǁ
Padapatha Devanagari Accented
अ॒ग्निम् । अच्छ॑ । दे॒व॒ऽय॒ताम् । मनां॑सि । चक्षूं॑षिऽइव । सूर्ये॑ । सम् । च॒र॒न्ति॒ ।
यत् । ई॒म् । सुवा॑ते॒ इति॑ । उ॒षसा॑ । विरू॑पे॒ इति॒ विऽरू॑पे । श्वे॒तः । वा॒जी । जा॒य॒ते॒ । अग्रे॑ । अह्ना॑म् ॥
Padapatha Devanagari Nonaccented
अग्निम् । अच्छ । देवऽयताम् । मनांसि । चक्षूंषिऽइव । सूर्ये । सम् । चरन्ति ।
यत् । ईम् । सुवाते इति । उषसा । विरूपे इति विऽरूपे । श्वेतः । वाजी । जायते । अग्रे । अह्नाम् ॥
Padapatha Transcription Accented
agním ǀ áccha ǀ deva-yatā́m ǀ mánāṃsi ǀ cákṣūṃṣi-iva ǀ sū́rye ǀ sám ǀ caranti ǀ
yát ǀ īm ǀ súvāte íti ǀ uṣásā ǀ vírūpe íti ví-rūpe ǀ śvetáḥ ǀ vājī́ ǀ jāyate ǀ ágre ǀ áhnām ǁ
Padapatha Transcription Nonaccented
agnim ǀ accha ǀ deva-yatām ǀ manāṃsi ǀ cakṣūṃṣi-iva ǀ sūrye ǀ sam ǀ caranti ǀ
yat ǀ īm ǀ suvāte iti ǀ uṣasā ǀ virūpe iti vi-rūpe ǀ śvetaḥ ǀ vājī ǀ jāyate ǀ agre ǀ ahnām ǁ
05.001.05 (Mandala. Sukta. Rik)
3.8.12.05 (Ashtaka. Adhyaya. Varga. Rik)
05.01.005 (Mandala. Anuvāka. Rik)
Samhita Devanagari Accented
जनि॑ष्ट॒ हि जेन्यो॒ अग्रे॒ अह्नां॑ हि॒तो हि॒तेष्व॑रु॒षो वने॑षु ।
दमे॑दमे स॒प्त रत्ना॒ दधा॑नो॒ऽग्निर्होता॒ नि ष॑सादा॒ यजी॑यान् ॥
Samhita Devanagari Nonaccented
जनिष्ट हि जेन्यो अग्रे अह्नां हितो हितेष्वरुषो वनेषु ।
दमेदमे सप्त रत्ना दधानोऽग्निर्होता नि षसादा यजीयान् ॥
Samhita Transcription Accented
jániṣṭa hí jényo ágre áhnām hitó hitéṣvaruṣó váneṣu ǀ
dámedame saptá rátnā dádhāno’gnírhótā ní ṣasādā yájīyān ǁ
Samhita Transcription Nonaccented
janiṣṭa hi jenyo agre ahnām hito hiteṣvaruṣo vaneṣu ǀ
damedame sapta ratnā dadhāno’gnirhotā ni ṣasādā yajīyān ǁ
Padapatha Devanagari Accented
जनि॑ष्ट । हि । जेन्यः॑ । अग्रे॑ । अह्ना॑म् । हि॒तः । हि॒तेषु॑ । अ॒रु॒षः । वने॑षु ।
दमे॑ऽदमे । स॒प्त । रत्ना॑ । दधा॑नः । अ॒ग्निः । होता॑ । नि । स॒सा॒द॒ । यजी॑यान् ॥
Padapatha Devanagari Nonaccented
जनिष्ट । हि । जेन्यः । अग्रे । अह्नाम् । हितः । हितेषु । अरुषः । वनेषु ।
दमेऽदमे । सप्त । रत्ना । दधानः । अग्निः । होता । नि । ससाद । यजीयान् ॥
Padapatha Transcription Accented
jániṣṭa ǀ hí ǀ jényaḥ ǀ ágre ǀ áhnām ǀ hitáḥ ǀ hitéṣu ǀ aruṣáḥ ǀ váneṣu ǀ
dáme-dame ǀ saptá ǀ rátnā ǀ dádhānaḥ ǀ agníḥ ǀ hótā ǀ ní ǀ sasāda ǀ yájīyān ǁ
Padapatha Transcription Nonaccented
janiṣṭa ǀ hi ǀ jenyaḥ ǀ agre ǀ ahnām ǀ hitaḥ ǀ hiteṣu ǀ aruṣaḥ ǀ vaneṣu ǀ
dame-dame ǀ sapta ǀ ratnā ǀ dadhānaḥ ǀ agniḥ ǀ hotā ǀ ni ǀ sasāda ǀ yajīyān ǁ
05.001.06 (Mandala. Sukta. Rik)
3.8.12.06 (Ashtaka. Adhyaya. Varga. Rik)
05.01.006 (Mandala. Anuvāka. Rik)
Samhita Devanagari Accented
अ॒ग्निर्होता॒ न्य॑सीद॒द्यजी॑यानु॒पस्थे॑ मा॒तुः सु॑र॒भा उ॑ लो॒के ।
युवा॑ क॒विः पु॑रुनि॒ष्ठ ऋ॒तावा॑ ध॒र्ता कृ॑ष्टी॒नामु॒त मध्य॑ इ॒द्धः ॥
Samhita Devanagari Nonaccented
अग्निर्होता न्यसीदद्यजीयानुपस्थे मातुः सुरभा उ लोके ।
युवा कविः पुरुनिष्ठ ऋतावा धर्ता कृष्टीनामुत मध्य इद्धः ॥
Samhita Transcription Accented
agnírhótā nyásīdadyájīyānupásthe mātúḥ surabhā́ u loké ǀ
yúvā kavíḥ puruniṣṭhá ṛtā́vā dhartā́ kṛṣṭīnā́mutá mádhya iddháḥ ǁ
Samhita Transcription Nonaccented
agnirhotā nyasīdadyajīyānupasthe mātuḥ surabhā u loke ǀ
yuvā kaviḥ puruniṣṭha ṛtāvā dhartā kṛṣṭīnāmuta madhya iddhaḥ ǁ
Padapatha Devanagari Accented
अ॒ग्निः । होता॑ । नि । अ॒सी॒द॒त् । यजी॑यान् । उ॒पऽस्थे॑ । मा॒तुः । सु॒र॒भौ । ऊं॒ इति॑ । लो॒के ।
युवा॑ । क॒विः । पु॒रु॒निः॒ऽस्थः । ऋ॒तऽवा॑ । ध॒र्ता । कृ॒ष्टी॒नाम् । उ॒त । मध्ये॑ । इ॒द्धः ॥
Padapatha Devanagari Nonaccented
अग्निः । होता । नि । असीदत् । यजीयान् । उपऽस्थे । मातुः । सुरभौ । ऊं इति । लोके ।
युवा । कविः । पुरुनिःऽस्थः । ऋतऽवा । धर्ता । कृष्टीनाम् । उत । मध्ये । इद्धः ॥
Padapatha Transcription Accented
agníḥ ǀ hótā ǀ ní ǀ asīdat ǀ yájīyān ǀ upá-sthe ǀ mātúḥ ǀ surabháu ǀ ūṃ íti ǀ loké ǀ
yúvā ǀ kavíḥ ǀ puruniḥ-stháḥ ǀ ṛtá-vā ǀ dhartā́ ǀ kṛṣṭīnā́m ǀ utá ǀ mádhye ǀ iddháḥ ǁ
Padapatha Transcription Nonaccented
agniḥ ǀ hotā ǀ ni ǀ asīdat ǀ yajīyān ǀ upa-sthe ǀ mātuḥ ǀ surabhau ǀ ūṃ iti ǀ loke ǀ
yuvā ǀ kaviḥ ǀ puruniḥ-sthaḥ ǀ ṛta-vā ǀ dhartā ǀ kṛṣṭīnām ǀ uta ǀ madhye ǀ iddhaḥ ǁ
05.001.07 (Mandala. Sukta. Rik)
3.8.13.01 (Ashtaka. Adhyaya. Varga. Rik)
05.01.007 (Mandala. Anuvāka. Rik)
Samhita Devanagari Accented
प्र णु त्यं विप्र॑मध्व॒रेषु॑ सा॒धुम॒ग्निं होता॑रमीळते॒ नमो॑भिः ।
आ यस्त॒तान॒ रोद॑सी ऋ॒तेन॒ नित्यं॑ मृजंति वा॒जिनं॑ घृ॒तेन॑ ॥
Samhita Devanagari Nonaccented
प्र णु त्यं विप्रमध्वरेषु साधुमग्निं होतारमीळते नमोभिः ।
आ यस्ततान रोदसी ऋतेन नित्यं मृजंति वाजिनं घृतेन ॥
Samhita Transcription Accented
prá ṇú tyám vípramadhvaréṣu sādhúmagním hótāramīḷate námobhiḥ ǀ
ā́ yástatā́na ródasī ṛténa nítyam mṛjanti vājínam ghṛténa ǁ
Samhita Transcription Nonaccented
pra ṇu tyam vipramadhvareṣu sādhumagnim hotāramīḷate namobhiḥ ǀ
ā yastatāna rodasī ṛtena nityam mṛjanti vājinam ghṛtena ǁ
Padapatha Devanagari Accented
प्र । नु । त्यम् । विप्र॑म् । अ॒ध्व॒रेषु॑ । सा॒धुम् । अ॒ग्निम् । होता॑रम् । ई॒ळ॒ते॒ । नमः॑ऽभिः ।
आ । यः । त॒तान॑ । रोद॑सी॒ इति॑ । ऋ॒तेन॑ । नित्य॑म् । मृ॒ज॒न्ति॒ । वा॒जिन॑म् । घृ॒तेन॑ ॥
Padapatha Devanagari Nonaccented
प्र । नु । त्यम् । विप्रम् । अध्वरेषु । साधुम् । अग्निम् । होतारम् । ईळते । नमःऽभिः ।
आ । यः । ततान । रोदसी इति । ऋतेन । नित्यम् । मृजन्ति । वाजिनम् । घृतेन ॥
Padapatha Transcription Accented
prá ǀ nú ǀ tyám ǀ vípram ǀ adhvaréṣu ǀ sādhúm ǀ agním ǀ hótāram ǀ īḷate ǀ námaḥ-bhiḥ ǀ
ā́ ǀ yáḥ ǀ tatā́na ǀ ródasī íti ǀ ṛténa ǀ nítyam ǀ mṛjanti ǀ vājínam ǀ ghṛténa ǁ
Padapatha Transcription Nonaccented
pra ǀ nu ǀ tyam ǀ vipram ǀ adhvareṣu ǀ sādhum ǀ agnim ǀ hotāram ǀ īḷate ǀ namaḥ-bhiḥ ǀ
ā ǀ yaḥ ǀ tatāna ǀ rodasī iti ǀ ṛtena ǀ nityam ǀ mṛjanti ǀ vājinam ǀ ghṛtena ǁ
05.001.08 (Mandala. Sukta. Rik)
3.8.13.02 (Ashtaka. Adhyaya. Varga. Rik)
05.01.008 (Mandala. Anuvāka. Rik)
Samhita Devanagari Accented
मा॒र्जा॒ल्यो॑ मृज्यते॒ स्वे दमू॑नाः कविप्रश॒स्तो अति॑थिः शि॒वो नः॑ ।
स॒हस्र॑शृंगो वृष॒भस्तदो॑जा॒ विश्वाँ॑ अग्ने॒ सह॑सा॒ प्रास्य॒न्यान् ॥
Samhita Devanagari Nonaccented
मार्जाल्यो मृज्यते स्वे दमूनाः कविप्रशस्तो अतिथिः शिवो नः ।
सहस्रशृंगो वृषभस्तदोजा विश्वाँ अग्ने सहसा प्रास्यन्यान् ॥
Samhita Transcription Accented
mārjālyó mṛjyate své dámūnāḥ kavipraśastó átithiḥ śivó naḥ ǀ
sahásraśṛṅgo vṛṣabhástádojā víśvām̐ agne sáhasā prā́syanyā́n ǁ
Samhita Transcription Nonaccented
mārjālyo mṛjyate sve damūnāḥ kavipraśasto atithiḥ śivo naḥ ǀ
sahasraśṛṅgo vṛṣabhastadojā viśvām̐ agne sahasā prāsyanyān ǁ
Padapatha Devanagari Accented
मा॒र्जा॒ल्यः॑ । मृ॒ज्य॒ते॒ । स्वे । दमू॑नाः । क॒वि॒ऽप्र॒श॒स्तः । अति॑थिः । शि॒वः । नः॒ ।
स॒हस्र॑ऽशृङ्गः । वृ॒ष॒भः । तत्ऽओ॑जाः । विश्वा॑न् । अ॒ग्ने॒ । सह॑सा । प्र । अ॒सि॒ । अ॒न्यान् ॥
Padapatha Devanagari Nonaccented
मार्जाल्यः । मृज्यते । स्वे । दमूनाः । कविऽप्रशस्तः । अतिथिः । शिवः । नः ।
सहस्रऽशृङ्गः । वृषभः । तत्ऽओजाः । विश्वान् । अग्ने । सहसा । प्र । असि । अन्यान् ॥
Padapatha Transcription Accented
mārjālyáḥ ǀ mṛjyate ǀ své ǀ dámūnāḥ ǀ kavi-praśastáḥ ǀ átithiḥ ǀ śiváḥ ǀ naḥ ǀ
sahásra-śṛṅgaḥ ǀ vṛṣabháḥ ǀ tát-ojāḥ ǀ víśvān ǀ agne ǀ sáhasā ǀ prá ǀ asi ǀ anyā́n ǁ
Padapatha Transcription Nonaccented
mārjālyaḥ ǀ mṛjyate ǀ sve ǀ damūnāḥ ǀ kavi-praśastaḥ ǀ atithiḥ ǀ śivaḥ ǀ naḥ ǀ
sahasra-śṛṅgaḥ ǀ vṛṣabhaḥ ǀ tat-ojāḥ ǀ viśvān ǀ agne ǀ sahasā ǀ pra ǀ asi ǀ anyān ǁ
05.001.09 (Mandala. Sukta. Rik)
3.8.13.03 (Ashtaka. Adhyaya. Varga. Rik)
05.01.009 (Mandala. Anuvāka. Rik)
Samhita Devanagari Accented
प्र स॒द्यो अ॑ग्ने॒ अत्ये॑ष्य॒न्याना॒विर्यस्मै॒ चारु॑तमो ब॒भूथ॑ ।
ई॒ळेन्यो॑ वपु॒ष्यो॑ वि॒भावा॑ प्रि॒यो वि॒शामति॑थि॒र्मानु॑षीणां ॥
Samhita Devanagari Nonaccented
प्र सद्यो अग्ने अत्येष्यन्यानाविर्यस्मै चारुतमो बभूथ ।
ईळेन्यो वपुष्यो विभावा प्रियो विशामतिथिर्मानुषीणां ॥
Samhita Transcription Accented
prá sadyó agne átyeṣyanyā́nāvíryásmai cā́rutamo babhū́tha ǀ
īḷényo vapuṣyó vibhā́vā priyó viśā́mátithirmā́nuṣīṇām ǁ
Samhita Transcription Nonaccented
pra sadyo agne atyeṣyanyānāviryasmai cārutamo babhūtha ǀ
īḷenyo vapuṣyo vibhāvā priyo viśāmatithirmānuṣīṇām ǁ
Padapatha Devanagari Accented
प्र । स॒द्यः । अ॒ग्ने॒ । अति॑ । ए॒षि॒ । अ॒न्यान् । आ॒विः । यस्मै॑ । चारु॑ऽतमः । ब॒भूथ॑ ।
ई॒ळेन्यः॑ । व॒पु॒ष्यः॑ । वि॒भाऽवा॑ । प्रि॒यः । वि॒शाम् । अति॑थिः । मानु॑षीणाम् ॥
Padapatha Devanagari Nonaccented
प्र । सद्यः । अग्ने । अति । एषि । अन्यान् । आविः । यस्मै । चारुऽतमः । बभूथ ।
ईळेन्यः । वपुष्यः । विभाऽवा । प्रियः । विशाम् । अतिथिः । मानुषीणाम् ॥
Padapatha Transcription Accented
prá ǀ sadyáḥ ǀ agne ǀ áti ǀ eṣi ǀ anyā́n ǀ āvíḥ ǀ yásmai ǀ cā́ru-tamaḥ ǀ babhū́tha ǀ
īḷényaḥ ǀ vapuṣyáḥ ǀ vibhā́-vā ǀ priyáḥ ǀ viśā́m ǀ átithiḥ ǀ mā́nuṣīṇām ǁ
Padapatha Transcription Nonaccented
pra ǀ sadyaḥ ǀ agne ǀ ati ǀ eṣi ǀ anyān ǀ āviḥ ǀ yasmai ǀ cāru-tamaḥ ǀ babhūtha ǀ
īḷenyaḥ ǀ vapuṣyaḥ ǀ vibhā-vā ǀ priyaḥ ǀ viśām ǀ atithiḥ ǀ mānuṣīṇām ǁ
05.001.10 (Mandala. Sukta. Rik)
3.8.13.04 (Ashtaka. Adhyaya. Varga. Rik)
05.01.010 (Mandala. Anuvāka. Rik)
Samhita Devanagari Accented
तुभ्यं॑ भरंति क्षि॒तयो॑ यविष्ठ ब॒लिम॑ग्ने॒ अंति॑त॒ ओत दू॒रात् ।
आ भंदि॑ष्ठस्य सुम॒तिं चि॑किद्धि बृ॒हत्ते॑ अग्ने॒ महि॒ शर्म॑ भ॒द्रं ॥
Samhita Devanagari Nonaccented
तुभ्यं भरंति क्षितयो यविष्ठ बलिमग्ने अंतित ओत दूरात् ।
आ भंदिष्ठस्य सुमतिं चिकिद्धि बृहत्ते अग्ने महि शर्म भद्रं ॥
Samhita Transcription Accented
túbhyam bharanti kṣitáyo yaviṣṭha balímagne ántita ótá dūrā́t ǀ
ā́ bhándiṣṭhasya sumatím cikiddhi bṛhátte agne máhi śárma bhadrám ǁ
Samhita Transcription Nonaccented
tubhyam bharanti kṣitayo yaviṣṭha balimagne antita ota dūrāt ǀ
ā bhandiṣṭhasya sumatim cikiddhi bṛhatte agne mahi śarma bhadram ǁ
Padapatha Devanagari Accented
तुभ्य॑म् । भ॒र॒न्ति॒ । क्षि॒तयः॑ । य॒वि॒ष्ठ॒ । ब॒लिम् । अ॒ग्ने॒ । अन्ति॑तः । आ । उ॒त । दू॒रात् ।
आ । भन्दि॑ष्ठस्य । सु॒ऽम॒तिम् । चि॒कि॒द्धि॒ । बृ॒हत् । ते॒ । अ॒ग्ने॒ । महि॑ । शर्म॑ । भ॒द्रम् ॥
Padapatha Devanagari Nonaccented
तुभ्यम् । भरन्ति । क्षितयः । यविष्ठ । बलिम् । अग्ने । अन्तितः । आ । उत । दूरात् ।
आ । भन्दिष्ठस्य । सुऽमतिम् । चिकिद्धि । बृहत् । ते । अग्ने । महि । शर्म । भद्रम् ॥
Padapatha Transcription Accented
túbhyam ǀ bharanti ǀ kṣitáyaḥ ǀ yaviṣṭha ǀ balím ǀ agne ǀ ántitaḥ ǀ ā́ ǀ utá ǀ dūrā́t ǀ
ā́ ǀ bhándiṣṭhasya ǀ su-matím ǀ cikiddhi ǀ bṛhát ǀ te ǀ agne ǀ máhi ǀ śárma ǀ bhadrám ǁ
Padapatha Transcription Nonaccented
tubhyam ǀ bharanti ǀ kṣitayaḥ ǀ yaviṣṭha ǀ balim ǀ agne ǀ antitaḥ ǀ ā ǀ uta ǀ dūrāt ǀ
ā ǀ bhandiṣṭhasya ǀ su-matim ǀ cikiddhi ǀ bṛhat ǀ te ǀ agne ǀ mahi ǀ śarma ǀ bhadram ǁ
05.001.11 (Mandala. Sukta. Rik)
3.8.13.05 (Ashtaka. Adhyaya. Varga. Rik)
05.01.011 (Mandala. Anuvāka. Rik)
Samhita Devanagari Accented
आद्य रथं॑ भानुमो भानु॒मंत॒मग्ने॒ तिष्ठ॑ यज॒तेभिः॒ समं॑तं ।
वि॒द्वान्प॑थी॒नामु॒र्वं१॒॑तरि॑क्ष॒मेह दे॒वान्ह॑वि॒रद्या॑य वक्षि ॥
Samhita Devanagari Nonaccented
आद्य रथं भानुमो भानुमंतमग्ने तिष्ठ यजतेभिः समंतं ।
विद्वान्पथीनामुर्वंतरिक्षमेह देवान्हविरद्याय वक्षि ॥
Samhita Transcription Accented
ā́dyá rátham bhānumo bhānumántamágne tíṣṭha yajatébhiḥ sámantam ǀ
vidvā́npathīnā́murvántárikṣaméhá devā́nhavirádyāya vakṣi ǁ
Samhita Transcription Nonaccented
ādya ratham bhānumo bhānumantamagne tiṣṭha yajatebhiḥ samantam ǀ
vidvānpathīnāmurvantarikṣameha devānhaviradyāya vakṣi ǁ
Padapatha Devanagari Accented
आ । अ॒द्य । रथ॑म् । भा॒नु॒ऽमः॒ । भा॒नु॒ऽमन्त॑म् । अग्ने॑ । तिष्ठ॑ । य॒ज॒तेभिः॑ । सम्ऽअ॑न्तम् ।
वि॒द्वान् । प॒थी॒नाम् । उ॒रु । अ॒न्तरि॑क्षम् । आ । इ॒ह । दे॒वान् । ह॒विः॒ऽअद्या॑य । व॒क्षि॒ ॥
Padapatha Devanagari Nonaccented
आ । अद्य । रथम् । भानुऽमः । भानुऽमन्तम् । अग्ने । तिष्ठ । यजतेभिः । सम्ऽअन्तम् ।
विद्वान् । पथीनाम् । उरु । अन्तरिक्षम् । आ । इह । देवान् । हविःऽअद्याय । वक्षि ॥
Padapatha Transcription Accented
ā́ ǀ adyá ǀ rátham ǀ bhānu-maḥ ǀ bhānu-mántam ǀ ágne ǀ tíṣṭha ǀ yajatébhiḥ ǀ sám-antam ǀ
vidvā́n ǀ pathīnā́m ǀ urú ǀ antárikṣam ǀ ā́ ǀ ihá ǀ devā́n ǀ haviḥ-ádyāya ǀ vakṣi ǁ
Padapatha Transcription Nonaccented
ā ǀ adya ǀ ratham ǀ bhānu-maḥ ǀ bhānu-mantam ǀ agne ǀ tiṣṭha ǀ yajatebhiḥ ǀ sam-antam ǀ
vidvān ǀ pathīnām ǀ uru ǀ antarikṣam ǀ ā ǀ iha ǀ devān ǀ haviḥ-adyāya ǀ vakṣi ǁ
05.001.12 (Mandala. Sukta. Rik)
3.8.13.06 (Ashtaka. Adhyaya. Varga. Rik)
05.01.012 (Mandala. Anuvāka. Rik)
Samhita Devanagari Accented
अवो॑चाम क॒वये॒ मेध्या॑य॒ वचो॑ वं॒दारु॑ वृष॒भाय॒ वृष्णे॑ ।
गवि॑ष्ठिरो॒ नम॑सा॒ स्तोम॑म॒ग्नौ दि॒वी॑व रु॒क्ममु॑रु॒व्यंच॑मश्रेत् ॥
Samhita Devanagari Nonaccented
अवोचाम कवये मेध्याय वचो वंदारु वृषभाय वृष्णे ।
गविष्ठिरो नमसा स्तोममग्नौ दिवीव रुक्ममुरुव्यंचमश्रेत् ॥
Samhita Transcription Accented
ávocāma kaváye médhyāya váco vandā́ru vṛṣabhā́ya vṛ́ṣṇe ǀ
gáviṣṭhiro námasā stómamagnáu divī́va rukmámuruvyáńcamaśret ǁ
Samhita Transcription Nonaccented
avocāma kavaye medhyāya vaco vandāru vṛṣabhāya vṛṣṇe ǀ
gaviṣṭhiro namasā stomamagnau divīva rukmamuruvyańcamaśret ǁ
Padapatha Devanagari Accented
अवो॑चाम । क॒वये॑ । मेध्या॑य । वचः॑ । व॒न्दारु॑ । वृ॒ष॒भाय॑ । वृष्णे॑ ।
गवि॑ष्ठिरः । नम॑सा । स्तोम॑म् । अ॒ग्नौ । दि॒विऽइ॑व । रु॒क्मम् । उ॒रु॒ऽव्यञ्च॑म् । अ॒श्रे॒त् ॥
Padapatha Devanagari Nonaccented
अवोचाम । कवये । मेध्याय । वचः । वन्दारु । वृषभाय । वृष्णे ।
गविष्ठिरः । नमसा । स्तोमम् । अग्नौ । दिविऽइव । रुक्मम् । उरुऽव्यञ्चम् । अश्रेत् ॥
Padapatha Transcription Accented
ávocāma ǀ kaváye ǀ médhyāya ǀ vácaḥ ǀ vandā́ru ǀ vṛṣabhā́ya ǀ vṛ́ṣṇe ǀ
gáviṣṭhiraḥ ǀ námasā ǀ stómam ǀ agnáu ǀ diví-iva ǀ rukmám ǀ uru-vyáńcam ǀ aśret ǁ
Padapatha Transcription Nonaccented
avocāma ǀ kavaye ǀ medhyāya ǀ vacaḥ ǀ vandāru ǀ vṛṣabhāya ǀ vṛṣṇe ǀ
gaviṣṭhiraḥ ǀ namasā ǀ stomam ǀ agnau ǀ divi-iva ǀ rukmam ǀ uru-vyańcam ǀ aśret ǁ