|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 6
Sūkta 13
|
1. Info |
| To: | agni | |
| From: | bharadvāja bārhaspatya | |
| Metres: | 1st set of styles: virāṭtrisṭup (3, 4); nicṛttriṣṭup (5, 6); paṅktiḥ (1); svarāṭpaṅkti (2) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
06.013.01 (Mandala. Sukta. Rik)
4.5.15.01 (Ashtaka. Adhyaya. Varga. Rik)
06.01.095 (Mandala. Anuvāka. Rik)
Samhita Devanagari Accented
त्वद्विश्वा॑ सुभग॒ सौभ॑गा॒न्यग्ने॒ वि यं॑ति व॒निनो॒ न व॒याः ।
श्रु॒ष्टी र॒यिर्वाजो॑ वृत्र॒तूर्ये॑ दि॒वो वृ॒ष्टिरीड्यो॑ री॒तिर॒पां ॥
Samhita Devanagari Nonaccented
त्वद्विश्वा सुभग सौभगान्यग्ने वि यंति वनिनो न वयाः ।
श्रुष्टी रयिर्वाजो वृत्रतूर्ये दिवो वृष्टिरीड्यो रीतिरपां ॥
Samhita Transcription Accented
tvádvíśvā subhaga sáubhagānyágne ví yanti vaníno ná vayā́ḥ ǀ
śruṣṭī́ rayírvā́jo vṛtratū́rye divó vṛṣṭírī́ḍyo rītírapā́m ǁ
Samhita Transcription Nonaccented
tvadviśvā subhaga saubhagānyagne vi yanti vanino na vayāḥ ǀ
śruṣṭī rayirvājo vṛtratūrye divo vṛṣṭirīḍyo rītirapām ǁ
Padapatha Devanagari Accented
त्वत् । विश्वा॑ । सु॒ऽभ॒ग॒ । सौभ॑गानि । अग्ने॑ । वि । या॒न्ति॒ । व॒निनः॑ । न । व॒याः ।
श्रु॒ष्टी । र॒यिः । वाजः॑ । वृ॒त्र॒ऽतूर्ये॑ । दि॒वः । वृ॒ष्टिः । ईड्यः॑ । री॒तिः । अ॒पाम् ॥
Padapatha Devanagari Nonaccented
त्वत् । विश्वा । सुऽभग । सौभगानि । अग्ने । वि । यान्ति । वनिनः । न । वयाः ।
श्रुष्टी । रयिः । वाजः । वृत्रऽतूर्ये । दिवः । वृष्टिः । ईड्यः । रीतिः । अपाम् ॥
Padapatha Transcription Accented
tvát ǀ víśvā ǀ su-bhaga ǀ sáubhagāni ǀ ágne ǀ ví ǀ yānti ǀ vanínaḥ ǀ ná ǀ vayā́ḥ ǀ
śruṣṭī́ ǀ rayíḥ ǀ vā́jaḥ ǀ vṛtra-tū́rye ǀ diváḥ ǀ vṛṣṭíḥ ǀ ī́ḍyaḥ ǀ rītíḥ ǀ apā́m ǁ
Padapatha Transcription Nonaccented
tvat ǀ viśvā ǀ su-bhaga ǀ saubhagāni ǀ agne ǀ vi ǀ yānti ǀ vaninaḥ ǀ na ǀ vayāḥ ǀ
śruṣṭī ǀ rayiḥ ǀ vājaḥ ǀ vṛtra-tūrye ǀ divaḥ ǀ vṛṣṭiḥ ǀ īḍyaḥ ǀ rītiḥ ǀ apām ǁ
06.013.02 (Mandala. Sukta. Rik)
4.5.15.02 (Ashtaka. Adhyaya. Varga. Rik)
06.01.096 (Mandala. Anuvāka. Rik)
Samhita Devanagari Accented
त्वं भगो॑ न॒ आ हि रत्न॑मि॒षे परि॑ज्मेव क्षयसि द॒स्मव॑र्चाः ।
अग्ने॑ मि॒त्रो न बृ॑ह॒त ऋ॒तस्यासि॑ क्ष॒त्ता वा॒मस्य॑ देव॒ भूरेः॑ ॥
Samhita Devanagari Nonaccented
त्वं भगो न आ हि रत्नमिषे परिज्मेव क्षयसि दस्मवर्चाः ।
अग्ने मित्रो न बृहत ऋतस्यासि क्षत्ता वामस्य देव भूरेः ॥
Samhita Transcription Accented
tvám bhágo na ā́ hí rátnamiṣé párijmeva kṣayasi dasmávarcāḥ ǀ
ágne mitró ná bṛhatá ṛtásyā́si kṣattā́ vāmásya deva bhū́reḥ ǁ
Samhita Transcription Nonaccented
tvam bhago na ā hi ratnamiṣe parijmeva kṣayasi dasmavarcāḥ ǀ
agne mitro na bṛhata ṛtasyāsi kṣattā vāmasya deva bhūreḥ ǁ
Padapatha Devanagari Accented
त्वम् । भगः॑ । नः॒ । आ । हि । रत्न॑म् । इ॒षे । परि॑ज्माऽइव । क्ष॒य॒सि॒ । द॒स्मऽव॑र्चाः ।
अग्ने॑ । मि॒त्रः । न । बृ॒ह॒तः । ऋ॒तस्य॑ । असि॑ । क्ष॒त्ता । वा॒मस्य॑ । दे॒व॒ । भूरेः॑ ॥
Padapatha Devanagari Nonaccented
त्वम् । भगः । नः । आ । हि । रत्नम् । इषे । परिज्माऽइव । क्षयसि । दस्मऽवर्चाः ।
अग्ने । मित्रः । न । बृहतः । ऋतस्य । असि । क्षत्ता । वामस्य । देव । भूरेः ॥
Padapatha Transcription Accented
tvám ǀ bhágaḥ ǀ naḥ ǀ ā́ ǀ hí ǀ rátnam ǀ iṣé ǀ párijmā-iva ǀ kṣayasi ǀ dasmá-varcāḥ ǀ
ágne ǀ mitráḥ ǀ ná ǀ bṛhatáḥ ǀ ṛtásya ǀ ási ǀ kṣattā́ ǀ vāmásya ǀ deva ǀ bhū́reḥ ǁ
Padapatha Transcription Nonaccented
tvam ǀ bhagaḥ ǀ naḥ ǀ ā ǀ hi ǀ ratnam ǀ iṣe ǀ parijmā-iva ǀ kṣayasi ǀ dasma-varcāḥ ǀ
agne ǀ mitraḥ ǀ na ǀ bṛhataḥ ǀ ṛtasya ǀ asi ǀ kṣattā ǀ vāmasya ǀ deva ǀ bhūreḥ ǁ
06.013.03 (Mandala. Sukta. Rik)
4.5.15.03 (Ashtaka. Adhyaya. Varga. Rik)
06.01.097 (Mandala. Anuvāka. Rik)
Samhita Devanagari Accented
स सत्प॑तिः॒ शव॑सा हंति वृ॒त्रमग्ने॒ विप्रो॒ वि प॒णेर्भ॑र्ति॒ वाजं॑ ।
यं त्वं प्र॑चेत ऋतजात रा॒या स॒जोषा॒ नप्त्रा॒पां हि॒नोषि॑ ॥
Samhita Devanagari Nonaccented
स सत्पतिः शवसा हंति वृत्रमग्ने विप्रो वि पणेर्भर्ति वाजं ।
यं त्वं प्रचेत ऋतजात राया सजोषा नप्त्रापां हिनोषि ॥
Samhita Transcription Accented
sá sátpatiḥ śávasā hanti vṛtrámágne vípro ví paṇérbharti vā́jam ǀ
yám tvám praceta ṛtajāta rāyā́ sajóṣā náptrāpā́m hinóṣi ǁ
Samhita Transcription Nonaccented
sa satpatiḥ śavasā hanti vṛtramagne vipro vi paṇerbharti vājam ǀ
yam tvam praceta ṛtajāta rāyā sajoṣā naptrāpām hinoṣi ǁ
Padapatha Devanagari Accented
सः । सत्ऽप॑तिः । शव॑सा । ह॒न्ति॒ । वृ॒त्रम् । अ॒ग्ने॒ । विप्रः॑ । वि । प॒णेः । भ॒र्ति॒ । वाज॑म् ।
यम् । त्वम् । प्र॒ऽचे॒तः॒ । ऋ॒त॒ऽजा॒त॒ । रा॒या । स॒ऽजोषाः॑ । नप्त्रा॑ । अ॒पाम् । हि॒नोषि॑ ॥
Padapatha Devanagari Nonaccented
सः । सत्ऽपतिः । शवसा । हन्ति । वृत्रम् । अग्ने । विप्रः । वि । पणेः । भर्ति । वाजम् ।
यम् । त्वम् । प्रऽचेतः । ऋतऽजात । राया । सऽजोषाः । नप्त्रा । अपाम् । हिनोषि ॥
Padapatha Transcription Accented
sáḥ ǀ sát-patiḥ ǀ śávasā ǀ hanti ǀ vṛtrám ǀ agne ǀ vípraḥ ǀ ví ǀ paṇéḥ ǀ bharti ǀ vā́jam ǀ
yám ǀ tvám ǀ pra-cetaḥ ǀ ṛta-jāta ǀ rāyā́ ǀ sa-jóṣāḥ ǀ náptrā ǀ apā́m ǀ hinóṣi ǁ
Padapatha Transcription Nonaccented
saḥ ǀ sat-patiḥ ǀ śavasā ǀ hanti ǀ vṛtram ǀ agne ǀ vipraḥ ǀ vi ǀ paṇeḥ ǀ bharti ǀ vājam ǀ
yam ǀ tvam ǀ pra-cetaḥ ǀ ṛta-jāta ǀ rāyā ǀ sa-joṣāḥ ǀ naptrā ǀ apām ǀ hinoṣi ǁ
06.013.04 (Mandala. Sukta. Rik)
4.5.15.04 (Ashtaka. Adhyaya. Varga. Rik)
06.01.098 (Mandala. Anuvāka. Rik)
Samhita Devanagari Accented
यस्ते॑ सूनो सहसो गी॒र्भिरु॒क्थैर्य॒ज्ञैर्मर्तो॒ निशि॑तिं वे॒द्यान॑ट् ।
विश्वं॒ स दे॑व॒ प्रति॒ वार॑मग्ने ध॒त्ते धा॒न्यं१॒॑ पत्य॑ते वस॒व्यैः॑ ॥
Samhita Devanagari Nonaccented
यस्ते सूनो सहसो गीर्भिरुक्थैर्यज्ञैर्मर्तो निशितिं वेद्यानट् ।
विश्वं स देव प्रति वारमग्ने धत्ते धान्यं पत्यते वसव्यैः ॥
Samhita Transcription Accented
yáste sūno sahaso gīrbhíruktháiryajńáirmárto níśitim vedyā́naṭ ǀ
víśvam sá deva práti vā́ramagne dhatté dhānyám pátyate vasavyáiḥ ǁ
Samhita Transcription Nonaccented
yaste sūno sahaso gīrbhirukthairyajńairmarto niśitim vedyānaṭ ǀ
viśvam sa deva prati vāramagne dhatte dhānyam patyate vasavyaiḥ ǁ
Padapatha Devanagari Accented
यः । ते॒ । सू॒नो॒ इति॑ । स॒ह॒सः॒ । गीः॒ऽभिः । उ॒क्थैः । य॒ज्ञैः । मर्तः॑ । निऽशि॑तम् । वे॒द्या । आन॑ट् ।
विश्व॑म् । सः । दे॒व॒ । प्रति॑ । वार॑म् । अ॒ग्ने॒ । ध॒त्ते । धा॒न्य॑म् । पत्य॑ते । व॒स॒व्यैः॑ ॥
Padapatha Devanagari Nonaccented
यः । ते । सूनो इति । सहसः । गीःऽभिः । उक्थैः । यज्ञैः । मर्तः । निऽशितम् । वेद्या । आनट् ।
विश्वम् । सः । देव । प्रति । वारम् । अग्ने । धत्ते । धान्यम् । पत्यते । वसव्यैः ॥
Padapatha Transcription Accented
yáḥ ǀ te ǀ sūno íti ǀ sahasaḥ ǀ gīḥ-bhíḥ ǀ uktháiḥ ǀ yajńáiḥ ǀ mártaḥ ǀ ní-śitam ǀ vedyā́ ǀ ā́naṭ ǀ
víśvam ǀ sáḥ ǀ deva ǀ práti ǀ vā́ram ǀ agne ǀ dhatté ǀ dhānyám ǀ pátyate ǀ vasavyáiḥ ǁ
Padapatha Transcription Nonaccented
yaḥ ǀ te ǀ sūno iti ǀ sahasaḥ ǀ gīḥ-bhiḥ ǀ ukthaiḥ ǀ yajńaiḥ ǀ martaḥ ǀ ni-śitam ǀ vedyā ǀ ānaṭ ǀ
viśvam ǀ saḥ ǀ deva ǀ prati ǀ vāram ǀ agne ǀ dhatte ǀ dhānyam ǀ patyate ǀ vasavyaiḥ ǁ
06.013.05 (Mandala. Sukta. Rik)
4.5.15.05 (Ashtaka. Adhyaya. Varga. Rik)
06.01.099 (Mandala. Anuvāka. Rik)
Samhita Devanagari Accented
ता नृभ्य॒ आ सौ॑श्रव॒सा सु॒वीराग्ने॑ सूनो सहसः पु॒ष्यसे॑ धाः ।
कृ॒णोषि॒ यच्छव॑सा॒ भूरि॑ प॒श्वो वयो॒ वृका॑या॒रये॒ जसु॑रये ॥
Samhita Devanagari Nonaccented
ता नृभ्य आ सौश्रवसा सुवीराग्ने सूनो सहसः पुष्यसे धाः ।
कृणोषि यच्छवसा भूरि पश्वो वयो वृकायारये जसुरये ॥
Samhita Transcription Accented
tā́ nṛ́bhya ā́ sauśravasā́ suvī́rā́gne sūno sahasaḥ puṣyáse dhāḥ ǀ
kṛṇóṣi yácchávasā bhū́ri paśvó váyo vṛ́kāyāráye jásuraye ǁ
Samhita Transcription Nonaccented
tā nṛbhya ā sauśravasā suvīrāgne sūno sahasaḥ puṣyase dhāḥ ǀ
kṛṇoṣi yacchavasā bhūri paśvo vayo vṛkāyāraye jasuraye ǁ
Padapatha Devanagari Accented
ता । नृऽभ्यः॑ । आ । सौ॒श्र॒व॒सा । सु॒ऽवीरा॑ । अग्ने॑ । सू॒नो॒ इति॑ । स॒ह॒सः॒ । पु॒ष्यसे॑ । धाः॒ ।
कृ॒णोषि॑ । यत् । शव॑सा । भूरि॑ । प॒श्वः । वयः॑ । वृका॑य । अ॒रये॑ । जसु॑रये ॥
Padapatha Devanagari Nonaccented
ता । नृऽभ्यः । आ । सौश्रवसा । सुऽवीरा । अग्ने । सूनो इति । सहसः । पुष्यसे । धाः ।
कृणोषि । यत् । शवसा । भूरि । पश्वः । वयः । वृकाय । अरये । जसुरये ॥
Padapatha Transcription Accented
tā́ ǀ nṛ́-bhyaḥ ǀ ā́ ǀ sauśravasā́ ǀ su-vī́rā ǀ ágne ǀ sūno íti ǀ sahasaḥ ǀ puṣyáse ǀ dhāḥ ǀ
kṛṇóṣi ǀ yát ǀ śávasā ǀ bhū́ri ǀ paśváḥ ǀ váyaḥ ǀ vṛ́kāya ǀ aráye ǀ jásuraye ǁ
Padapatha Transcription Nonaccented
tā ǀ nṛ-bhyaḥ ǀ ā ǀ sauśravasā ǀ su-vīrā ǀ agne ǀ sūno iti ǀ sahasaḥ ǀ puṣyase ǀ dhāḥ ǀ
kṛṇoṣi ǀ yat ǀ śavasā ǀ bhūri ǀ paśvaḥ ǀ vayaḥ ǀ vṛkāya ǀ araye ǀ jasuraye ǁ
06.013.06 (Mandala. Sukta. Rik)
4.5.15.06 (Ashtaka. Adhyaya. Varga. Rik)
06.01.100 (Mandala. Anuvāka. Rik)
Samhita Devanagari Accented
व॒द्मा सू॑नो सहसो नो॒ विहा॑या॒ अग्ने॑ तो॒कं तन॑यं वा॒जि नो॑ दाः ।
विश्वा॑भिर्गी॒र्भिर॒भि पू॒र्तिम॑श्यां॒ मदे॑म श॒तहि॑माः सु॒वीराः॑ ॥
Samhita Devanagari Nonaccented
वद्मा सूनो सहसो नो विहाया अग्ने तोकं तनयं वाजि नो दाः ।
विश्वाभिर्गीर्भिरभि पूर्तिमश्यां मदेम शतहिमाः सुवीराः ॥
Samhita Transcription Accented
vadmā́ sūno sahaso no víhāyā ágne tokám tánayam vājí no dāḥ ǀ
víśvābhirgīrbhírabhí pūrtímaśyām mádema śatáhimāḥ suvī́rāḥ ǁ
Samhita Transcription Nonaccented
vadmā sūno sahaso no vihāyā agne tokam tanayam vāji no dāḥ ǀ
viśvābhirgīrbhirabhi pūrtimaśyām madema śatahimāḥ suvīrāḥ ǁ
Padapatha Devanagari Accented
व॒द्मा । सू॒नो॒ इति॑ । स॒ह॒सः॒ । नः॒ । विऽहा॑याः । अग्ने॑ । तो॒कम् । तन॑यम् । वा॒जि । नः॒ । दाः॒ ।
विश्वा॑भिः । गीः॒ऽभिः । अ॒भि । पू॒र्तिम् । अ॒श्या॒म् । मदे॑म । श॒तऽहि॑माः । सु॒ऽवीराः॑ ॥
Padapatha Devanagari Nonaccented
वद्मा । सूनो इति । सहसः । नः । विऽहायाः । अग्ने । तोकम् । तनयम् । वाजि । नः । दाः ।
विश्वाभिः । गीःऽभिः । अभि । पूर्तिम् । अश्याम् । मदेम । शतऽहिमाः । सुऽवीराः ॥
Padapatha Transcription Accented
vadmā́ ǀ sūno íti ǀ sahasaḥ ǀ naḥ ǀ ví-hāyāḥ ǀ ágne ǀ tokám ǀ tánayam ǀ vājí ǀ naḥ ǀ dāḥ ǀ
víśvābhiḥ ǀ gīḥ-bhíḥ ǀ abhí ǀ pūrtím ǀ aśyām ǀ mádema ǀ śatá-himāḥ ǀ su-vī́rāḥ ǁ
Padapatha Transcription Nonaccented
vadmā ǀ sūno iti ǀ sahasaḥ ǀ naḥ ǀ vi-hāyāḥ ǀ agne ǀ tokam ǀ tanayam ǀ vāji ǀ naḥ ǀ dāḥ ǀ
viśvābhiḥ ǀ gīḥ-bhiḥ ǀ abhi ǀ pūrtim ǀ aśyām ǀ madema ǀ śata-himāḥ ǀ su-vīrāḥ ǁ