|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 7
Sūkta 45
|
1. Info |
| To: | savitṛ | |
| From: | vasiṣṭha maitrāvaruṇi | |
| Metres: | 1st set of styles: nicṛttriṣṭup (3, 4); virāṭtrisṭup (1); triṣṭup (2) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
07.045.01 (Mandala. Sukta. Rik)
5.4.12.01 (Ashtaka. Adhyaya. Varga. Rik)
07.03.103 (Mandala. Anuvāka. Rik)
Samhita Devanagari Accented
आ दे॒वो या॑तु सवि॒ता सु॒रत्नो॑ऽंतरिक्ष॒प्रा वह॑मानो॒ अश्वैः॑ ।
हस्ते॒ दधा॑नो॒ नर्या॑ पु॒रूणि॑ निवे॒शयं॑च प्रसु॒वंच॒ भूम॑ ॥
Samhita Devanagari Nonaccented
आ देवो यातु सविता सुरत्नोऽंतरिक्षप्रा वहमानो अश्वैः ।
हस्ते दधानो नर्या पुरूणि निवेशयंच प्रसुवंच भूम ॥
Samhita Transcription Accented
ā́ devó yātu savitā́ surátno’ntarikṣaprā́ váhamāno áśvaiḥ ǀ
háste dádhāno náryā purū́ṇi niveśáyańca prasuváńca bhū́ma ǁ
Samhita Transcription Nonaccented
ā devo yātu savitā suratno’ntarikṣaprā vahamāno aśvaiḥ ǀ
haste dadhāno naryā purūṇi niveśayańca prasuvańca bhūma ǁ
Padapatha Devanagari Accented
आ । दे॒वः । या॒तु॒ । स॒वि॒ता । सु॒ऽरत्नः॑ । अ॒न्त॒रि॒क्ष॒ऽप्राः । वह॑मानः । अश्वैः॑ ।
हस्ते॑ । दधा॑नः । नर्या॑ । पु॒रूणि॑ । नि॒ऽवे॒शय॑न् । च॒ । प्र॒ऽसु॒वन् । च॒ । भूम॑ ॥
Padapatha Devanagari Nonaccented
आ । देवः । यातु । सविता । सुऽरत्नः । अन्तरिक्षऽप्राः । वहमानः । अश्वैः ।
हस्ते । दधानः । नर्या । पुरूणि । निऽवेशयन् । च । प्रऽसुवन् । च । भूम ॥
Padapatha Transcription Accented
ā́ ǀ deváḥ ǀ yātu ǀ savitā́ ǀ su-rátnaḥ ǀ antarikṣa-prā́ḥ ǀ váhamānaḥ ǀ áśvaiḥ ǀ
háste ǀ dádhānaḥ ǀ náryā ǀ purū́ṇi ǀ ni-veśáyan ǀ ca ǀ pra-suván ǀ ca ǀ bhū́ma ǁ
Padapatha Transcription Nonaccented
ā ǀ devaḥ ǀ yātu ǀ savitā ǀ su-ratnaḥ ǀ antarikṣa-prāḥ ǀ vahamānaḥ ǀ aśvaiḥ ǀ
haste ǀ dadhānaḥ ǀ naryā ǀ purūṇi ǀ ni-veśayan ǀ ca ǀ pra-suvan ǀ ca ǀ bhūma ǁ
07.045.02 (Mandala. Sukta. Rik)
5.4.12.02 (Ashtaka. Adhyaya. Varga. Rik)
07.03.104 (Mandala. Anuvāka. Rik)
Samhita Devanagari Accented
उद॑स्य बा॒हू शि॑थि॒रा बृ॒हंता॑ हिर॒ण्यया॑ दि॒वो अंताँ॑ अनष्टां ।
नू॒नं सो अ॑स्य महि॒मा प॑निष्ट॒ सूर॑श्चिदस्मा॒ अनु॑ दादप॒स्यां ॥
Samhita Devanagari Nonaccented
उदस्य बाहू शिथिरा बृहंता हिरण्यया दिवो अंताँ अनष्टां ।
नूनं सो अस्य महिमा पनिष्ट सूरश्चिदस्मा अनु दादपस्यां ॥
Samhita Transcription Accented
údasya bāhū́ śithirā́ bṛhántā hiraṇyáyā divó ántām̐ anaṣṭām ǀ
nūnám só asya mahimā́ paniṣṭa sū́raścidasmā ánu dādapasyā́m ǁ
Samhita Transcription Nonaccented
udasya bāhū śithirā bṛhantā hiraṇyayā divo antām̐ anaṣṭām ǀ
nūnam so asya mahimā paniṣṭa sūraścidasmā anu dādapasyām ǁ
Padapatha Devanagari Accented
उत् । अ॒स्य॒ । बा॒हू इति॑ । शि॒थि॒रा । बृ॒हन्ता॑ । हि॒र॒ण्यया॑ । दि॒वः । अन्ता॑न् । अ॒न॒ष्टा॒म् ।
नू॒नम् । सः । अ॒स्य॒ । म॒हि॒मा । प॒नि॒ष्ट॒ । सूरः॑ । चि॒त् । अ॒स्मै॒ । अनु॑ । दा॒त् । अ॒प॒स्याम् ॥
Padapatha Devanagari Nonaccented
उत् । अस्य । बाहू इति । शिथिरा । बृहन्ता । हिरण्यया । दिवः । अन्तान् । अनष्टाम् ।
नूनम् । सः । अस्य । महिमा । पनिष्ट । सूरः । चित् । अस्मै । अनु । दात् । अपस्याम् ॥
Padapatha Transcription Accented
út ǀ asya ǀ bāhū́ íti ǀ śithirā́ ǀ bṛhántā ǀ hiraṇyáyā ǀ diváḥ ǀ ántān ǀ anaṣṭām ǀ
nūnám ǀ sáḥ ǀ asya ǀ mahimā́ ǀ paniṣṭa ǀ sū́raḥ ǀ cit ǀ asmai ǀ ánu ǀ dāt ǀ apasyā́m ǁ
Padapatha Transcription Nonaccented
ut ǀ asya ǀ bāhū iti ǀ śithirā ǀ bṛhantā ǀ hiraṇyayā ǀ divaḥ ǀ antān ǀ anaṣṭām ǀ
nūnam ǀ saḥ ǀ asya ǀ mahimā ǀ paniṣṭa ǀ sūraḥ ǀ cit ǀ asmai ǀ anu ǀ dāt ǀ apasyām ǁ
07.045.03 (Mandala. Sukta. Rik)
5.4.12.03 (Ashtaka. Adhyaya. Varga. Rik)
07.03.105 (Mandala. Anuvāka. Rik)
Samhita Devanagari Accented
स घा॑ नो दे॒वः स॑वि॒ता स॒हावा सा॑विष॒द्वसु॑पति॒र्वसू॑नि ।
वि॒श्रय॑माणो अ॒मति॑मुरू॒चीं म॑र्त॒भोज॑न॒मध॑ रासते नः ॥
Samhita Devanagari Nonaccented
स घा नो देवः सविता सहावा साविषद्वसुपतिर्वसूनि ।
विश्रयमाणो अमतिमुरूचीं मर्तभोजनमध रासते नः ॥
Samhita Transcription Accented
sá ghā no deváḥ savitā́ sahā́vā́ sāviṣadvásupatirvásūni ǀ
viśráyamāṇo amátimurūcī́m martabhójanamádha rāsate naḥ ǁ
Samhita Transcription Nonaccented
sa ghā no devaḥ savitā sahāvā sāviṣadvasupatirvasūni ǀ
viśrayamāṇo amatimurūcīm martabhojanamadha rāsate naḥ ǁ
Padapatha Devanagari Accented
सः । घ॒ । नः॒ । दे॒वः । स॒वि॒ता । स॒हऽवा॑ । आ । सा॒वि॒ष॒त् । वसु॑ऽपतिः । वसू॑नि ।
वि॒ऽश्रय॑माणः । अ॒मति॑म् । उ॒रू॒चीम् । म॒र्त॒ऽभोज॑नम् । अध॑ । रा॒स॒ते॒ । नः॒ ॥
Padapatha Devanagari Nonaccented
सः । घ । नः । देवः । सविता । सहऽवा । आ । साविषत् । वसुऽपतिः । वसूनि ।
विऽश्रयमाणः । अमतिम् । उरूचीम् । मर्तऽभोजनम् । अध । रासते । नः ॥
Padapatha Transcription Accented
sáḥ ǀ gha ǀ naḥ ǀ deváḥ ǀ savitā́ ǀ sahá-vā ǀ ā́ ǀ sāviṣat ǀ vásu-patiḥ ǀ vásūni ǀ
vi-śráyamāṇaḥ ǀ amátim ǀ urūcī́m ǀ marta-bhójanam ǀ ádha ǀ rāsate ǀ naḥ ǁ
Padapatha Transcription Nonaccented
saḥ ǀ gha ǀ naḥ ǀ devaḥ ǀ savitā ǀ saha-vā ǀ ā ǀ sāviṣat ǀ vasu-patiḥ ǀ vasūni ǀ
vi-śrayamāṇaḥ ǀ amatim ǀ urūcīm ǀ marta-bhojanam ǀ adha ǀ rāsate ǀ naḥ ǁ
07.045.04 (Mandala. Sukta. Rik)
5.4.12.04 (Ashtaka. Adhyaya. Varga. Rik)
07.03.106 (Mandala. Anuvāka. Rik)
Samhita Devanagari Accented
इ॒मा गिरः॑ सवि॒तारं॑ सुजि॒ह्वं पू॒र्णग॑भस्तिमीळते सुपा॒णिं ।
चि॒त्रं वयो॑ बृ॒हद॒स्मे द॑धातु यू॒यं पा॑त स्व॒स्तिभिः॒ सदा॑ नः ॥
Samhita Devanagari Nonaccented
इमा गिरः सवितारं सुजिह्वं पूर्णगभस्तिमीळते सुपाणिं ।
चित्रं वयो बृहदस्मे दधातु यूयं पात स्वस्तिभिः सदा नः ॥
Samhita Transcription Accented
imā́ gíraḥ savitā́ram sujihvám pūrṇágabhastimīḷate supāṇím ǀ
citrám váyo bṛhádasmé dadhātu yūyám pāta svastíbhiḥ sádā naḥ ǁ
Samhita Transcription Nonaccented
imā giraḥ savitāram sujihvam pūrṇagabhastimīḷate supāṇim ǀ
citram vayo bṛhadasme dadhātu yūyam pāta svastibhiḥ sadā naḥ ǁ
Padapatha Devanagari Accented
इ॒माः । गिरः॑ । स॒वि॒तार॑म् । सु॒ऽजि॒ह्वम् । पू॒र्णऽग॑भस्तिम् । ई॒ळ॒ते॒ । सु॒ऽपा॒णिम् ।
चि॒त्रम् । वयः॑ । बृ॒हत् । अ॒स्मे इति॑ । द॒धा॒तु॒ । यू॒यम् । पा॒त॒ । स्व॒स्तिऽभिः॑ । सदा॑ । नः॒ ॥
Padapatha Devanagari Nonaccented
इमाः । गिरः । सवितारम् । सुऽजिह्वम् । पूर्णऽगभस्तिम् । ईळते । सुऽपाणिम् ।
चित्रम् । वयः । बृहत् । अस्मे इति । दधातु । यूयम् । पात । स्वस्तिऽभिः । सदा । नः ॥
Padapatha Transcription Accented
imā́ḥ ǀ gíraḥ ǀ savitā́ram ǀ su-jihvám ǀ pūrṇá-gabhastim ǀ īḷate ǀ su-pāṇím ǀ
citrám ǀ váyaḥ ǀ bṛhát ǀ asmé íti ǀ dadhātu ǀ yūyám ǀ pāta ǀ svastí-bhiḥ ǀ sádā ǀ naḥ ǁ
Padapatha Transcription Nonaccented
imāḥ ǀ giraḥ ǀ savitāram ǀ su-jihvam ǀ pūrṇa-gabhastim ǀ īḷate ǀ su-pāṇim ǀ
citram ǀ vayaḥ ǀ bṛhat ǀ asme iti ǀ dadhātu ǀ yūyam ǀ pāta ǀ svasti-bhiḥ ǀ sadā ǀ naḥ ǁ