|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 7
Sūkta 75
|
1. Info |
| To: | uṣas | |
| From: | vasiṣṭha maitrāvaruṇi | |
| Metres: | 1st set of styles: virāṭtrisṭup (2, 4, 5); ārṣītriṣṭup (6, 7); bhurikpaṅkti (1); paṅktiḥ (3); nicṛttriṣṭup (8) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
07.075.01 (Mandala. Sukta. Rik)
5.5.22.01 (Ashtaka. Adhyaya. Varga. Rik)
07.05.023 (Mandala. Anuvāka. Rik)
Samhita Devanagari Accented
व्यु१॒॑षा आ॑वो दिवि॒जा ऋ॒तेना॑विष्कृण्वा॒ना म॑हि॒मान॒मागा॑त् ।
अप॒ द्रुह॒स्तम॑ आव॒रजु॑ष्ट॒मंगि॑रस्तमा प॒थ्या॑ अजीगः ॥
Samhita Devanagari Nonaccented
व्युषा आवो दिविजा ऋतेनाविष्कृण्वाना महिमानमागात् ।
अप द्रुहस्तम आवरजुष्टमंगिरस्तमा पथ्या अजीगः ॥
Samhita Transcription Accented
vyúṣā́ āvo divijā́ ṛténāviṣkṛṇvānā́ mahimā́namā́gāt ǀ
ápa drúhastáma āvarájuṣṭamáṅgirastamā pathyā́ ajīgaḥ ǁ
Samhita Transcription Nonaccented
vyuṣā āvo divijā ṛtenāviṣkṛṇvānā mahimānamāgāt ǀ
apa druhastama āvarajuṣṭamaṅgirastamā pathyā ajīgaḥ ǁ
Padapatha Devanagari Accented
वि । उ॒षाः । आ॒वः॒ । दि॒वि॒ऽजाः । ऋ॒तेन॑ । आ॒विः॒ऽकृ॒ण्वा॒ना । म॒हि॒मान॑म् । आ । अ॒गा॒त् ।
अप॑ । द्रुहः॑ । तमः॑ । आ॒वः॒ । अजु॑ष्टम् । अङ्गि॑रःऽतमा । प॒थ्याः॑ । अ॒जी॒ग॒रिति॑ ॥
Padapatha Devanagari Nonaccented
वि । उषाः । आवः । दिविऽजाः । ऋतेन । आविःऽकृण्वाना । महिमानम् । आ । अगात् ।
अप । द्रुहः । तमः । आवः । अजुष्टम् । अङ्गिरःऽतमा । पथ्याः । अजीगरिति ॥
Padapatha Transcription Accented
ví ǀ uṣā́ḥ ǀ āvaḥ ǀ divi-jā́ḥ ǀ ṛténa ǀ āviḥ-kṛṇvānā́ ǀ mahimā́nam ǀ ā́ ǀ agāt ǀ
ápa ǀ drúhaḥ ǀ támaḥ ǀ āvaḥ ǀ ájuṣṭam ǀ áṅgiraḥ-tamā ǀ pathyā́ḥ ǀ ajīgaríti ǁ
Padapatha Transcription Nonaccented
vi ǀ uṣāḥ ǀ āvaḥ ǀ divi-jāḥ ǀ ṛtena ǀ āviḥ-kṛṇvānā ǀ mahimānam ǀ ā ǀ agāt ǀ
apa ǀ druhaḥ ǀ tamaḥ ǀ āvaḥ ǀ ajuṣṭam ǀ aṅgiraḥ-tamā ǀ pathyāḥ ǀ ajīgariti ǁ
07.075.02 (Mandala. Sukta. Rik)
5.5.22.02 (Ashtaka. Adhyaya. Varga. Rik)
07.05.024 (Mandala. Anuvāka. Rik)
Samhita Devanagari Accented
म॒हे नो॑ अ॒द्य सु॑वि॒ताय॑ बो॒ध्युषो॑ म॒हे सौभ॑गाय॒ प्र यं॑धि ।
चि॒त्रं र॒यिं य॒शसं॑ धेह्य॒स्मे देवि॒ मर्ते॑षु मानुषि श्रव॒स्युं ॥
Samhita Devanagari Nonaccented
महे नो अद्य सुविताय बोध्युषो महे सौभगाय प्र यंधि ।
चित्रं रयिं यशसं धेह्यस्मे देवि मर्तेषु मानुषि श्रवस्युं ॥
Samhita Transcription Accented
mahé no adyá suvitā́ya bodhyúṣo mahé sáubhagāya prá yandhi ǀ
citrám rayím yaśásam dhehyasmé dévi márteṣu mānuṣi śravasyúm ǁ
Samhita Transcription Nonaccented
mahe no adya suvitāya bodhyuṣo mahe saubhagāya pra yandhi ǀ
citram rayim yaśasam dhehyasme devi marteṣu mānuṣi śravasyum ǁ
Padapatha Devanagari Accented
म॒हे । नः॒ । अ॒द्य । सु॒वि॒ताय॑ । बो॒धि॒ । उषः॑ । म॒हे । सौभ॑गाय । प्र । य॒न्धि॒ ।
चि॒त्रम् । र॒यिम् । य॒शस॑म् । धे॒हि॒ । अ॒स्मे इति॑ । देवि॑ । मर्ते॑षु । मा॒नु॒षि॒ । श्र॒व॒स्युम् ॥
Padapatha Devanagari Nonaccented
महे । नः । अद्य । सुविताय । बोधि । उषः । महे । सौभगाय । प्र । यन्धि ।
चित्रम् । रयिम् । यशसम् । धेहि । अस्मे इति । देवि । मर्तेषु । मानुषि । श्रवस्युम् ॥
Padapatha Transcription Accented
mahé ǀ naḥ ǀ adyá ǀ suvitā́ya ǀ bodhi ǀ úṣaḥ ǀ mahé ǀ sáubhagāya ǀ prá ǀ yandhi ǀ
citrám ǀ rayím ǀ yaśásam ǀ dhehi ǀ asmé íti ǀ dévi ǀ márteṣu ǀ mānuṣi ǀ śravasyúm ǁ
Padapatha Transcription Nonaccented
mahe ǀ naḥ ǀ adya ǀ suvitāya ǀ bodhi ǀ uṣaḥ ǀ mahe ǀ saubhagāya ǀ pra ǀ yandhi ǀ
citram ǀ rayim ǀ yaśasam ǀ dhehi ǀ asme iti ǀ devi ǀ marteṣu ǀ mānuṣi ǀ śravasyum ǁ
07.075.03 (Mandala. Sukta. Rik)
5.5.22.03 (Ashtaka. Adhyaya. Varga. Rik)
07.05.025 (Mandala. Anuvāka. Rik)
Samhita Devanagari Accented
ए॒ते त्ये भा॒नवो॑ दर्श॒ताया॑श्चि॒त्रा उ॒षसो॑ अ॒मृता॑स॒ आगुः॑ ।
ज॒नयं॑तो॒ दैव्या॑नि व्र॒तान्या॑पृ॒णंतो॑ अं॒तरि॑क्षा॒ व्य॑स्थुः ॥
Samhita Devanagari Nonaccented
एते त्ये भानवो दर्शतायाश्चित्रा उषसो अमृतास आगुः ।
जनयंतो दैव्यानि व्रतान्यापृणंतो अंतरिक्षा व्यस्थुः ॥
Samhita Transcription Accented
eté tyé bhānávo darśatā́yāścitrā́ uṣáso amṛ́tāsa ā́guḥ ǀ
janáyanto dáivyāni vratā́nyāpṛṇánto antárikṣā vyásthuḥ ǁ
Samhita Transcription Nonaccented
ete tye bhānavo darśatāyāścitrā uṣaso amṛtāsa āguḥ ǀ
janayanto daivyāni vratānyāpṛṇanto antarikṣā vyasthuḥ ǁ
Padapatha Devanagari Accented
ए॒ते । त्ये । भा॒नवः॑ । द॒र्श॒तायाः॑ । चि॒त्राः । उ॒षसः॑ । अ॒मृता॑सः । आ । अ॒गुः॒ ।
ज॒नय॑न्तः । दैव्या॑नि । व्र॒तानि॑ । आ॒ऽपृ॒णन्तः॑ । अ॒न्तरि॑क्षा । वि । अ॒स्थुः॒ ॥
Padapatha Devanagari Nonaccented
एते । त्ये । भानवः । दर्शतायाः । चित्राः । उषसः । अमृतासः । आ । अगुः ।
जनयन्तः । दैव्यानि । व्रतानि । आऽपृणन्तः । अन्तरिक्षा । वि । अस्थुः ॥
Padapatha Transcription Accented
eté ǀ tyé ǀ bhānávaḥ ǀ darśatā́yāḥ ǀ citrā́ḥ ǀ uṣásaḥ ǀ amṛ́tāsaḥ ǀ ā́ ǀ aguḥ ǀ
janáyantaḥ ǀ dáivyāni ǀ vratā́ni ǀ ā-pṛṇántaḥ ǀ antárikṣā ǀ ví ǀ asthuḥ ǁ
Padapatha Transcription Nonaccented
ete ǀ tye ǀ bhānavaḥ ǀ darśatāyāḥ ǀ citrāḥ ǀ uṣasaḥ ǀ amṛtāsaḥ ǀ ā ǀ aguḥ ǀ
janayantaḥ ǀ daivyāni ǀ vratāni ǀ ā-pṛṇantaḥ ǀ antarikṣā ǀ vi ǀ asthuḥ ǁ
07.075.04 (Mandala. Sukta. Rik)
5.5.22.04 (Ashtaka. Adhyaya. Varga. Rik)
07.05.026 (Mandala. Anuvāka. Rik)
Samhita Devanagari Accented
ए॒षा स्या यु॑जा॒ना प॑रा॒कात्पंच॑ क्षि॒तीः परि॑ स॒द्यो जि॑गाति ।
अ॒भि॒पश्यं॑ती व॒युना॒ जना॑नां दि॒वो दु॑हि॒ता भुव॑नस्य॒ पत्नी॑ ॥
Samhita Devanagari Nonaccented
एषा स्या युजाना पराकात्पंच क्षितीः परि सद्यो जिगाति ।
अभिपश्यंती वयुना जनानां दिवो दुहिता भुवनस्य पत्नी ॥
Samhita Transcription Accented
eṣā́ syā́ yujānā́ parākā́tpáńca kṣitī́ḥ pári sadyó jigāti ǀ
abhipáśyantī vayúnā jánānām divó duhitā́ bhúvanasya pátnī ǁ
Samhita Transcription Nonaccented
eṣā syā yujānā parākātpańca kṣitīḥ pari sadyo jigāti ǀ
abhipaśyantī vayunā janānām divo duhitā bhuvanasya patnī ǁ
Padapatha Devanagari Accented
ए॒षा । स्या । यु॒जा॒ना । प॒रा॒कात् । पञ्च॑ । क्षि॒तीः । परि॑ । स॒द्यः । जि॒गा॒ति॒ ।
अ॒भि॒ऽपश्य॑न्ती । व॒युना॑ । जना॑नाम् । दि॒वः । दु॒हि॒ता । भुव॑नस्य । पत्नी॑ ॥
Padapatha Devanagari Nonaccented
एषा । स्या । युजाना । पराकात् । पञ्च । क्षितीः । परि । सद्यः । जिगाति ।
अभिऽपश्यन्ती । वयुना । जनानाम् । दिवः । दुहिता । भुवनस्य । पत्नी ॥
Padapatha Transcription Accented
eṣā́ ǀ syā́ ǀ yujānā́ ǀ parākā́t ǀ páńca ǀ kṣitī́ḥ ǀ pári ǀ sadyáḥ ǀ jigāti ǀ
abhi-páśyantī ǀ vayúnā ǀ jánānām ǀ diváḥ ǀ duhitā́ ǀ bhúvanasya ǀ pátnī ǁ
Padapatha Transcription Nonaccented
eṣā ǀ syā ǀ yujānā ǀ parākāt ǀ pańca ǀ kṣitīḥ ǀ pari ǀ sadyaḥ ǀ jigāti ǀ
abhi-paśyantī ǀ vayunā ǀ janānām ǀ divaḥ ǀ duhitā ǀ bhuvanasya ǀ patnī ǁ
07.075.05 (Mandala. Sukta. Rik)
5.5.22.05 (Ashtaka. Adhyaya. Varga. Rik)
07.05.027 (Mandala. Anuvāka. Rik)
Samhita Devanagari Accented
वा॒जिनी॑वती॒ सूर्य॑स्य॒ योषा॑ चि॒त्राम॑घा रा॒य ई॑शे॒ वसू॑नां ।
ऋषि॑ष्टुता ज॒रयं॑ती म॒घोन्यु॒षा उ॑च्छति॒ वह्नि॑भिर्गृणा॒ना ॥
Samhita Devanagari Nonaccented
वाजिनीवती सूर्यस्य योषा चित्रामघा राय ईशे वसूनां ।
ऋषिष्टुता जरयंती मघोन्युषा उच्छति वह्निभिर्गृणाना ॥
Samhita Transcription Accented
vājínīvatī sū́ryasya yóṣā citrā́maghā rāyá īśe vásūnām ǀ
ṛ́ṣiṣṭutā jaráyantī maghónyuṣā́ ucchati váhnibhirgṛṇānā́ ǁ
Samhita Transcription Nonaccented
vājinīvatī sūryasya yoṣā citrāmaghā rāya īśe vasūnām ǀ
ṛṣiṣṭutā jarayantī maghonyuṣā ucchati vahnibhirgṛṇānā ǁ
Padapatha Devanagari Accented
वा॒जिनी॑ऽवती । सूर्य॑स्य । योषा॑ । चि॒त्रऽम॑घा । रा॒यः । ई॒शे॒ । वसू॑नाम् ।
ऋषि॑ऽस्तुता । ज॒रय॑न्ती । म॒घोनी॑ । उ॒षाः । उ॒च्छ॒ति॒ । वह्नि॑ऽभिः । गृ॒णा॒ना ॥
Padapatha Devanagari Nonaccented
वाजिनीऽवती । सूर्यस्य । योषा । चित्रऽमघा । रायः । ईशे । वसूनाम् ।
ऋषिऽस्तुता । जरयन्ती । मघोनी । उषाः । उच्छति । वह्निऽभिः । गृणाना ॥
Padapatha Transcription Accented
vājínī-vatī ǀ sū́ryasya ǀ yóṣā ǀ citrá-maghā ǀ rāyáḥ ǀ īśe ǀ vásūnām ǀ
ṛ́ṣi-stutā ǀ jaráyantī ǀ maghónī ǀ uṣā́ḥ ǀ ucchati ǀ váhni-bhiḥ ǀ gṛṇānā́ ǁ
Padapatha Transcription Nonaccented
vājinī-vatī ǀ sūryasya ǀ yoṣā ǀ citra-maghā ǀ rāyaḥ ǀ īśe ǀ vasūnām ǀ
ṛṣi-stutā ǀ jarayantī ǀ maghonī ǀ uṣāḥ ǀ ucchati ǀ vahni-bhiḥ ǀ gṛṇānā ǁ
07.075.06 (Mandala. Sukta. Rik)
5.5.22.06 (Ashtaka. Adhyaya. Varga. Rik)
07.05.028 (Mandala. Anuvāka. Rik)
Samhita Devanagari Accented
प्रति॑ द्युता॒नाम॑रु॒षासो॒ अश्वा॑श्चि॒त्रा अ॑दृश्रन्नु॒षसं॒ वहं॑तः ।
याति॑ शु॒भ्रा वि॑श्व॒पिशा॒ रथे॑न॒ दधा॑ति॒ रत्नं॑ विध॒ते जना॑य ॥
Samhita Devanagari Nonaccented
प्रति द्युतानामरुषासो अश्वाश्चित्रा अदृश्रन्नुषसं वहंतः ।
याति शुभ्रा विश्वपिशा रथेन दधाति रत्नं विधते जनाय ॥
Samhita Transcription Accented
práti dyutānā́maruṣā́so áśvāścitrā́ adṛśrannuṣásam váhantaḥ ǀ
yā́ti śubhrā́ viśvapíśā ráthena dádhāti rátnam vidhaté jánāya ǁ
Samhita Transcription Nonaccented
prati dyutānāmaruṣāso aśvāścitrā adṛśrannuṣasam vahantaḥ ǀ
yāti śubhrā viśvapiśā rathena dadhāti ratnam vidhate janāya ǁ
Padapatha Devanagari Accented
प्रति॑ । द्यु॒ता॒नाम् । अ॒रु॒षासः॑ । अश्वाः॑ । चि॒त्राः । अ॒दृ॒श्र॒न् । उ॒षस॑म् । वह॑न्तः ।
याति॑ । शु॒भ्रा । वि॒श्व॒ऽपिशा॑ । रथे॑न । दधा॑ति । रत्न॑म् । वि॒ध॒ते । जना॑य ॥
Padapatha Devanagari Nonaccented
प्रति । द्युतानाम् । अरुषासः । अश्वाः । चित्राः । अदृश्रन् । उषसम् । वहन्तः ।
याति । शुभ्रा । विश्वऽपिशा । रथेन । दधाति । रत्नम् । विधते । जनाय ॥
Padapatha Transcription Accented
práti ǀ dyutānā́m ǀ aruṣā́saḥ ǀ áśvāḥ ǀ citrā́ḥ ǀ adṛśran ǀ uṣásam ǀ váhantaḥ ǀ
yā́ti ǀ śubhrā́ ǀ viśva-píśā ǀ ráthena ǀ dádhāti ǀ rátnam ǀ vidhaté ǀ jánāya ǁ
Padapatha Transcription Nonaccented
prati ǀ dyutānām ǀ aruṣāsaḥ ǀ aśvāḥ ǀ citrāḥ ǀ adṛśran ǀ uṣasam ǀ vahantaḥ ǀ
yāti ǀ śubhrā ǀ viśva-piśā ǀ rathena ǀ dadhāti ǀ ratnam ǀ vidhate ǀ janāya ǁ
07.075.07 (Mandala. Sukta. Rik)
5.5.22.07 (Ashtaka. Adhyaya. Varga. Rik)
07.05.029 (Mandala. Anuvāka. Rik)
Samhita Devanagari Accented
स॒त्या स॒त्येभि॑र्मह॒ती म॒हद्भि॑र्दे॒वी दे॒वेभि॑र्यज॒ता यज॑त्रैः ।
रु॒जद्दृ॒ळ्हानि॒ दद॑दु॒स्रिया॑णां॒ प्रति॒ गाव॑ उ॒षसं॑ वावशंत ॥
Samhita Devanagari Nonaccented
सत्या सत्येभिर्महती महद्भिर्देवी देवेभिर्यजता यजत्रैः ।
रुजद्दृळ्हानि दददुस्रियाणां प्रति गाव उषसं वावशंत ॥
Samhita Transcription Accented
satyā́ satyébhirmahatī́ mahádbhirdevī́ devébhiryajatā́ yájatraiḥ ǀ
rujáddṛḷhā́ni dádadusríyāṇām práti gā́va uṣásam vāvaśanta ǁ
Samhita Transcription Nonaccented
satyā satyebhirmahatī mahadbhirdevī devebhiryajatā yajatraiḥ ǀ
rujaddṛḷhāni dadadusriyāṇām prati gāva uṣasam vāvaśanta ǁ
Padapatha Devanagari Accented
स॒त्या । स॒त्येभिः॑ । म॒ह॒ती । म॒हत्ऽभिः॑ । दे॒वी । दे॒वेभिः॑ । य॒ज॒ता । यज॑त्रैः ।
रु॒जत् । दृ॒ळ्हानि॑ । दद॑त् । उ॒स्रिया॑णाम् । प्रति॑ । गावः॑ । उ॒षस॑म् । वा॒व॒श॒न्त॒ ॥
Padapatha Devanagari Nonaccented
सत्या । सत्येभिः । महती । महत्ऽभिः । देवी । देवेभिः । यजता । यजत्रैः ।
रुजत् । दृळ्हानि । ददत् । उस्रियाणाम् । प्रति । गावः । उषसम् । वावशन्त ॥
Padapatha Transcription Accented
satyā́ ǀ satyébhiḥ ǀ mahatī́ ǀ mahát-bhiḥ ǀ devī́ ǀ devébhiḥ ǀ yajatā́ ǀ yájatraiḥ ǀ
ruját ǀ dṛḷhā́ni ǀ dádat ǀ usríyāṇām ǀ práti ǀ gā́vaḥ ǀ uṣásam ǀ vāvaśanta ǁ
Padapatha Transcription Nonaccented
satyā ǀ satyebhiḥ ǀ mahatī ǀ mahat-bhiḥ ǀ devī ǀ devebhiḥ ǀ yajatā ǀ yajatraiḥ ǀ
rujat ǀ dṛḷhāni ǀ dadat ǀ usriyāṇām ǀ prati ǀ gāvaḥ ǀ uṣasam ǀ vāvaśanta ǁ
07.075.08 (Mandala. Sukta. Rik)
5.5.22.08 (Ashtaka. Adhyaya. Varga. Rik)
07.05.030 (Mandala. Anuvāka. Rik)
Samhita Devanagari Accented
नू नो॒ गोम॑द्वी॒रव॑द्धेहि॒ रत्न॒मुषो॒ अश्वा॑वत्पुरु॒भोजो॑ अ॒स्मे ।
मा नो॑ ब॒र्हिः पु॑रु॒षता॑ नि॒दे क॑र्यू॒यं पा॑त स्व॒स्तिभिः॒ सदा॑ नः ॥
Samhita Devanagari Nonaccented
नू नो गोमद्वीरवद्धेहि रत्नमुषो अश्वावत्पुरुभोजो अस्मे ।
मा नो बर्हिः पुरुषता निदे कर्यूयं पात स्वस्तिभिः सदा नः ॥
Samhita Transcription Accented
nū́ no gómadvīrávaddhehi rátnamúṣo áśvāvatpurubhójo asmé ǀ
mā́ no barhíḥ puruṣátā nidé karyūyám pāta svastíbhiḥ sádā naḥ ǁ
Samhita Transcription Nonaccented
nū no gomadvīravaddhehi ratnamuṣo aśvāvatpurubhojo asme ǀ
mā no barhiḥ puruṣatā nide karyūyam pāta svastibhiḥ sadā naḥ ǁ
Padapatha Devanagari Accented
नु । नः॒ । गोऽम॑त् । वी॒रऽव॑त् । धे॒हि॒ । रत्न॑म् । उषः॑ । अश्व॑ऽवत् । पु॒रु॒ऽभोजः॑ । अ॒स्मे इति॑ ।
मा । नः॒ । ब॒र्हिः । पु॒रु॒षता॑ । नि॒दे । कः॒ । यू॒यम् । पा॒त॒ । स्व॒स्तिऽभिः॑ । सदा॑ । नः॒ ॥
Padapatha Devanagari Nonaccented
नु । नः । गोऽमत् । वीरऽवत् । धेहि । रत्नम् । उषः । अश्वऽवत् । पुरुऽभोजः । अस्मे इति ।
मा । नः । बर्हिः । पुरुषता । निदे । कः । यूयम् । पात । स्वस्तिऽभिः । सदा । नः ॥
Padapatha Transcription Accented
nú ǀ naḥ ǀ gó-mat ǀ vīrá-vat ǀ dhehi ǀ rátnam ǀ úṣaḥ ǀ áśva-vat ǀ puru-bhójaḥ ǀ asmé íti ǀ
mā́ ǀ naḥ ǀ barhíḥ ǀ puruṣátā ǀ nidé ǀ kaḥ ǀ yūyám ǀ pāta ǀ svastí-bhiḥ ǀ sádā ǀ naḥ ǁ
Padapatha Transcription Nonaccented
nu ǀ naḥ ǀ go-mat ǀ vīra-vat ǀ dhehi ǀ ratnam ǀ uṣaḥ ǀ aśva-vat ǀ puru-bhojaḥ ǀ asme iti ǀ
mā ǀ naḥ ǀ barhiḥ ǀ puruṣatā ǀ nide ǀ kaḥ ǀ yūyam ǀ pāta ǀ svasti-bhiḥ ǀ sadā ǀ naḥ ǁ