|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 8
Sūkta 15
|
1. Info |
| To: | indra | |
| From: | aśvasūktin kāṇvāyana; goṣūktin kāṇvāyana | |
| Metres: | 1st set of styles: nicṛduṣṇik (1-3, 5-7, 11, 13); virāḍuṣnik (8, 12); pādanicṛduṣṇik (9, 10); uṣṇik (4) 2nd set of styles: uṣṇih |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
08.015.01 (Mandala. Sukta. Rik)
6.1.17.01 (Ashtaka. Adhyaya. Varga. Rik)
08.03.049 (Mandala. Anuvāka. Rik)
Samhita Devanagari Accented
तम्व॒भि प्र गा॑यत पुरुहू॒तं पु॑रुष्टु॒तं ।
इंद्रं॑ गी॒र्भिस्त॑वि॒षमा वि॑वासत ॥
Samhita Devanagari Nonaccented
तम्वभि प्र गायत पुरुहूतं पुरुष्टुतं ।
इंद्रं गीर्भिस्तविषमा विवासत ॥
Samhita Transcription Accented
támvabhí prá gāyata puruhūtám puruṣṭutám ǀ
índram gīrbhístaviṣámā́ vivāsata ǁ
Samhita Transcription Nonaccented
tamvabhi pra gāyata puruhūtam puruṣṭutam ǀ
indram gīrbhistaviṣamā vivāsata ǁ
Padapatha Devanagari Accented
तम् । ऊं॒ इति॑ । अ॒भि । प्र । गा॒य॒त॒ । पु॒रु॒ऽहू॒तम् । पु॒रु॒ऽस्तु॒तम् ।
इन्द्र॑म् । गीः॒ऽभिः । त॒वि॒षम् । आ । वि॒वा॒स॒त॒ ॥
Padapatha Devanagari Nonaccented
तम् । ऊं इति । अभि । प्र । गायत । पुरुऽहूतम् । पुरुऽस्तुतम् ।
इन्द्रम् । गीःऽभिः । तविषम् । आ । विवासत ॥
Padapatha Transcription Accented
tám ǀ ūṃ íti ǀ abhí ǀ prá ǀ gāyata ǀ puru-hūtám ǀ puru-stutám ǀ
índram ǀ gīḥ-bhíḥ ǀ taviṣám ǀ ā́ ǀ vivāsata ǁ
Padapatha Transcription Nonaccented
tam ǀ ūṃ iti ǀ abhi ǀ pra ǀ gāyata ǀ puru-hūtam ǀ puru-stutam ǀ
indram ǀ gīḥ-bhiḥ ǀ taviṣam ǀ ā ǀ vivāsata ǁ
08.015.02 (Mandala. Sukta. Rik)
6.1.17.02 (Ashtaka. Adhyaya. Varga. Rik)
08.03.050 (Mandala. Anuvāka. Rik)
Samhita Devanagari Accented
यस्य॑ द्वि॒बर्ह॑सो बृ॒हत्सहो॑ दा॒धार॒ रोद॑सी ।
गि॒रीँरज्राँ॑ अ॒पः स्व॑र्वृषत्व॒ना ॥
Samhita Devanagari Nonaccented
यस्य द्विबर्हसो बृहत्सहो दाधार रोदसी ।
गिरीँरज्राँ अपः स्वर्वृषत्वना ॥
Samhita Transcription Accented
yásya dvibárhaso bṛhátsáho dādhā́ra ródasī ǀ
girī́m̐rájrām̐ apáḥ svárvṛṣatvanā́ ǁ
Samhita Transcription Nonaccented
yasya dvibarhaso bṛhatsaho dādhāra rodasī ǀ
girīm̐rajrām̐ apaḥ svarvṛṣatvanā ǁ
Padapatha Devanagari Accented
यस्य॑ । द्वि॒ऽबर्ह॑सः । बृ॒हत् । सहः॑ । दा॒धार॑ । रोद॑सी॒ इति॑ ।
गि॒रीन् । अज्रा॑न् । अ॒पः । स्वः॑ । वृ॒ष॒ऽत्व॒ना ॥
Padapatha Devanagari Nonaccented
यस्य । द्विऽबर्हसः । बृहत् । सहः । दाधार । रोदसी इति ।
गिरीन् । अज्रान् । अपः । स्वः । वृषऽत्वना ॥
Padapatha Transcription Accented
yásya ǀ dvi-bárhasaḥ ǀ bṛhát ǀ sáhaḥ ǀ dādhā́ra ǀ ródasī íti ǀ
girī́n ǀ ájrān ǀ apáḥ ǀ sváḥ ǀ vṛṣa-tvanā́ ǁ
Padapatha Transcription Nonaccented
yasya ǀ dvi-barhasaḥ ǀ bṛhat ǀ sahaḥ ǀ dādhāra ǀ rodasī iti ǀ
girīn ǀ ajrān ǀ apaḥ ǀ svaḥ ǀ vṛṣa-tvanā ǁ
08.015.03 (Mandala. Sukta. Rik)
6.1.17.03 (Ashtaka. Adhyaya. Varga. Rik)
08.03.051 (Mandala. Anuvāka. Rik)
Samhita Devanagari Accented
स रा॑जसि पुरुष्टुतँ॒ एको॑ वृ॒त्राणि॑ जिघ्नसे ।
इंद्र॒ जैत्रा॑ श्रव॒स्या॑ च॒ यंत॑वे ॥
Samhita Devanagari Nonaccented
स राजसि पुरुष्टुतँ एको वृत्राणि जिघ्नसे ।
इंद्र जैत्रा श्रवस्या च यंतवे ॥
Samhita Transcription Accented
sá rājasi puruṣṭutam̐ éko vṛtrā́ṇi jighnase ǀ
índra jáitrā śravasyā́ ca yántave ǁ
Samhita Transcription Nonaccented
sa rājasi puruṣṭutam̐ eko vṛtrāṇi jighnase ǀ
indra jaitrā śravasyā ca yantave ǁ
Padapatha Devanagari Accented
सः । रा॒ज॒सि॒ । पु॒रु॒ऽस्तु॒त॒ । एकः॑ । वृ॒त्राणि॑ । जि॒घ्न॒से॒ ।
इन्द्र॑ । जैत्रा॑ । श्र॒व॒स्या॑ । च॒ । यन्त॑वे ॥
Padapatha Devanagari Nonaccented
सः । राजसि । पुरुऽस्तुत । एकः । वृत्राणि । जिघ्नसे ।
इन्द्र । जैत्रा । श्रवस्या । च । यन्तवे ॥
Padapatha Transcription Accented
sáḥ ǀ rājasi ǀ puru-stuta ǀ ékaḥ ǀ vṛtrā́ṇi ǀ jighnase ǀ
índra ǀ jáitrā ǀ śravasyā́ ǀ ca ǀ yántave ǁ
Padapatha Transcription Nonaccented
saḥ ǀ rājasi ǀ puru-stuta ǀ ekaḥ ǀ vṛtrāṇi ǀ jighnase ǀ
indra ǀ jaitrā ǀ śravasyā ǀ ca ǀ yantave ǁ
08.015.04 (Mandala. Sukta. Rik)
6.1.17.04 (Ashtaka. Adhyaya. Varga. Rik)
08.03.052 (Mandala. Anuvāka. Rik)
Samhita Devanagari Accented
तं ते॒ मदं॑ गृणीमसि॒ वृष॑णं पृ॒त्सु सा॑स॒हिं ।
उ॒ लो॒क॒कृ॒त्नुम॑द्रिवो हरि॒श्रियं॑ ॥
Samhita Devanagari Nonaccented
तं ते मदं गृणीमसि वृषणं पृत्सु सासहिं ।
उ लोककृत्नुमद्रिवो हरिश्रियं ॥
Samhita Transcription Accented
tám te mádam gṛṇīmasi vṛ́ṣaṇam pṛtsú sāsahím ǀ
u lokakṛtnúmadrivo hariśríyam ǁ
Samhita Transcription Nonaccented
tam te madam gṛṇīmasi vṛṣaṇam pṛtsu sāsahim ǀ
u lokakṛtnumadrivo hariśriyam ǁ
Padapatha Devanagari Accented
तम् । ते॒ । मद॑म् । गृ॒णी॒म॒सि॒ । वृष॑णम् । पृ॒त्ऽसु । स॒स॒हिम् ।
ऊं॒ इति॑ । लो॒क॒ऽकृ॒त्नुम् । अ॒द्रि॒ऽवः॒ । ह॒रि॒ऽश्रिय॑म् ॥
Padapatha Devanagari Nonaccented
तम् । ते । मदम् । गृणीमसि । वृषणम् । पृत्ऽसु । ससहिम् ।
ऊं इति । लोकऽकृत्नुम् । अद्रिऽवः । हरिऽश्रियम् ॥
Padapatha Transcription Accented
tám ǀ te ǀ mádam ǀ gṛṇīmasi ǀ vṛ́ṣaṇam ǀ pṛt-sú ǀ sasahím ǀ
ūṃ íti ǀ loka-kṛtnúm ǀ adri-vaḥ ǀ hari-śríyam ǁ
Padapatha Transcription Nonaccented
tam ǀ te ǀ madam ǀ gṛṇīmasi ǀ vṛṣaṇam ǀ pṛt-su ǀ sasahim ǀ
ūṃ iti ǀ loka-kṛtnum ǀ adri-vaḥ ǀ hari-śriyam ǁ
08.015.05 (Mandala. Sukta. Rik)
6.1.17.05 (Ashtaka. Adhyaya. Varga. Rik)
08.03.053 (Mandala. Anuvāka. Rik)
Samhita Devanagari Accented
येन॒ ज्योतीं॑ष्या॒यवे॒ मन॑वे च वि॒वेदि॑थ ।
मं॒दा॒नो अ॒स्य ब॒र्हिषो॒ वि रा॑जसि ॥
Samhita Devanagari Nonaccented
येन ज्योतींष्यायवे मनवे च विवेदिथ ।
मंदानो अस्य बर्हिषो वि राजसि ॥
Samhita Transcription Accented
yéna jyótīṃṣyāyáve mánave ca vivéditha ǀ
mandānó asyá barhíṣo ví rājasi ǁ
Samhita Transcription Nonaccented
yena jyotīṃṣyāyave manave ca viveditha ǀ
mandāno asya barhiṣo vi rājasi ǁ
Padapatha Devanagari Accented
येन॑ । ज्योतीं॑षि । आ॒यवे॑ । मन॑वे । च॒ । वि॒वेदि॑थ ।
म॒न्दा॒नः । अ॒स्य । ब॒र्हिषः॑ । वि । रा॒ज॒सि॒ ॥
Padapatha Devanagari Nonaccented
येन । ज्योतींषि । आयवे । मनवे । च । विवेदिथ ।
मन्दानः । अस्य । बर्हिषः । वि । राजसि ॥
Padapatha Transcription Accented
yéna ǀ jyótīṃṣi ǀ āyáve ǀ mánave ǀ ca ǀ vivéditha ǀ
mandānáḥ ǀ asyá ǀ barhíṣaḥ ǀ ví ǀ rājasi ǁ
Padapatha Transcription Nonaccented
yena ǀ jyotīṃṣi ǀ āyave ǀ manave ǀ ca ǀ viveditha ǀ
mandānaḥ ǀ asya ǀ barhiṣaḥ ǀ vi ǀ rājasi ǁ
08.015.06 (Mandala. Sukta. Rik)
6.1.18.01 (Ashtaka. Adhyaya. Varga. Rik)
08.03.054 (Mandala. Anuvāka. Rik)
Samhita Devanagari Accented
तद॒द्या चि॑त्त उ॒क्थिनोऽनु॑ ष्टुवंति पू॒र्वथा॑ ।
वृष॑पत्नीर॒पो ज॑या दि॒वेदि॑वे ॥
Samhita Devanagari Nonaccented
तदद्या चित्त उक्थिनोऽनु ष्टुवंति पूर्वथा ।
वृषपत्नीरपो जया दिवेदिवे ॥
Samhita Transcription Accented
tádadyā́ citta ukthínó’nu ṣṭuvanti pūrváthā ǀ
vṛ́ṣapatnīrapó jayā divédive ǁ
Samhita Transcription Nonaccented
tadadyā citta ukthino’nu ṣṭuvanti pūrvathā ǀ
vṛṣapatnīrapo jayā divedive ǁ
Padapatha Devanagari Accented
तत् । अ॒द्य । चि॒त् । ते॒ । उ॒क्थिनः॑ । अनु॑ । स्तु॒व॒न्ति॒ । पू॒र्वऽथा॑ ।
वृष॑ऽपत्नीः । अ॒पः । ज॒य॒ । दि॒वेऽदि॑वे ॥
Padapatha Devanagari Nonaccented
तत् । अद्य । चित् । ते । उक्थिनः । अनु । स्तुवन्ति । पूर्वऽथा ।
वृषऽपत्नीः । अपः । जय । दिवेऽदिवे ॥
Padapatha Transcription Accented
tát ǀ adyá ǀ cit ǀ te ǀ ukthínaḥ ǀ ánu ǀ stuvanti ǀ pūrvá-thā ǀ
vṛ́ṣa-patnīḥ ǀ apáḥ ǀ jaya ǀ divé-dive ǁ
Padapatha Transcription Nonaccented
tat ǀ adya ǀ cit ǀ te ǀ ukthinaḥ ǀ anu ǀ stuvanti ǀ pūrva-thā ǀ
vṛṣa-patnīḥ ǀ apaḥ ǀ jaya ǀ dive-dive ǁ
08.015.07 (Mandala. Sukta. Rik)
6.1.18.02 (Ashtaka. Adhyaya. Varga. Rik)
08.03.055 (Mandala. Anuvāka. Rik)
Samhita Devanagari Accented
तव॒ त्यदिं॑द्रि॒यं बृ॒हत्तव॒ शुष्म॑मु॒त क्रतुं॑ ।
वज्रं॑ शिशाति धि॒षणा॒ वरे॑ण्यं ॥
Samhita Devanagari Nonaccented
तव त्यदिंद्रियं बृहत्तव शुष्ममुत क्रतुं ।
वज्रं शिशाति धिषणा वरेण्यं ॥
Samhita Transcription Accented
táva tyádindriyám bṛháttáva śúṣmamutá krátum ǀ
vájram śiśāti dhiṣáṇā váreṇyam ǁ
Samhita Transcription Nonaccented
tava tyadindriyam bṛhattava śuṣmamuta kratum ǀ
vajram śiśāti dhiṣaṇā vareṇyam ǁ
Padapatha Devanagari Accented
तव॑ । त्यत् । इ॒न्द्रि॒यम् । बृ॒हत् । तव॑ । शुष्म॑म् । उ॒त । क्रतु॑म् ।
वज्र॑म् । शि॒शा॒ति॒ । धि॒षणा॑ । वरे॑ण्यम् ॥
Padapatha Devanagari Nonaccented
तव । त्यत् । इन्द्रियम् । बृहत् । तव । शुष्मम् । उत । क्रतुम् ।
वज्रम् । शिशाति । धिषणा । वरेण्यम् ॥
Padapatha Transcription Accented
táva ǀ tyát ǀ indriyám ǀ bṛhát ǀ táva ǀ śúṣmam ǀ utá ǀ krátum ǀ
vájram ǀ śiśāti ǀ dhiṣáṇā ǀ váreṇyam ǁ
Padapatha Transcription Nonaccented
tava ǀ tyat ǀ indriyam ǀ bṛhat ǀ tava ǀ śuṣmam ǀ uta ǀ kratum ǀ
vajram ǀ śiśāti ǀ dhiṣaṇā ǀ vareṇyam ǁ
08.015.08 (Mandala. Sukta. Rik)
6.1.18.03 (Ashtaka. Adhyaya. Varga. Rik)
08.03.056 (Mandala. Anuvāka. Rik)
Samhita Devanagari Accented
तव॒ द्यौरिं॑द्र॒ पौंस्यं॑ पृथि॒वी व॑र्धति॒ श्रवः॑ ।
त्वामापः॒ पर्व॑तासश्च हिन्विरे ॥
Samhita Devanagari Nonaccented
तव द्यौरिंद्र पौंस्यं पृथिवी वर्धति श्रवः ।
त्वामापः पर्वतासश्च हिन्विरे ॥
Samhita Transcription Accented
táva dyáurindra páuṃsyam pṛthivī́ vardhati śrávaḥ ǀ
tvā́mā́paḥ párvatāsaśca hinvire ǁ
Samhita Transcription Nonaccented
tava dyaurindra pauṃsyam pṛthivī vardhati śravaḥ ǀ
tvāmāpaḥ parvatāsaśca hinvire ǁ
Padapatha Devanagari Accented
तव॑ । द्यौः । इ॒न्द्र॒ । पौंस्य॑म् । पृ॒थि॒वी । व॒र्ध॒ति॒ । श्रवः॑ ।
त्वाम् । आपः॑ । पर्व॑तासः । च॒ । हि॒न्वि॒रे॒ ॥
Padapatha Devanagari Nonaccented
तव । द्यौः । इन्द्र । पौंस्यम् । पृथिवी । वर्धति । श्रवः ।
त्वाम् । आपः । पर्वतासः । च । हिन्विरे ॥
Padapatha Transcription Accented
táva ǀ dyáuḥ ǀ indra ǀ páuṃsyam ǀ pṛthivī́ ǀ vardhati ǀ śrávaḥ ǀ
tvā́m ǀ ā́paḥ ǀ párvatāsaḥ ǀ ca ǀ hinvire ǁ
Padapatha Transcription Nonaccented
tava ǀ dyauḥ ǀ indra ǀ pauṃsyam ǀ pṛthivī ǀ vardhati ǀ śravaḥ ǀ
tvām ǀ āpaḥ ǀ parvatāsaḥ ǀ ca ǀ hinvire ǁ
08.015.09 (Mandala. Sukta. Rik)
6.1.18.04 (Ashtaka. Adhyaya. Varga. Rik)
08.03.057 (Mandala. Anuvāka. Rik)
Samhita Devanagari Accented
त्वां विष्णु॑र्बृ॒हन्क्षयो॑ मि॒त्रो गृ॑णाति॒ वरु॑णः ।
त्वां शर्धो॑ मद॒त्यनु॒ मारु॑तं ॥
Samhita Devanagari Nonaccented
त्वां विष्णुर्बृहन्क्षयो मित्रो गृणाति वरुणः ।
त्वां शर्धो मदत्यनु मारुतं ॥
Samhita Transcription Accented
tvā́m víṣṇurbṛhánkṣáyo mitró gṛṇāti váruṇaḥ ǀ
tvā́m śárdho madatyánu mā́rutam ǁ
Samhita Transcription Nonaccented
tvām viṣṇurbṛhankṣayo mitro gṛṇāti varuṇaḥ ǀ
tvām śardho madatyanu mārutam ǁ
Padapatha Devanagari Accented
त्वाम् । विष्णुः॑ । बृ॒हन् । क्षयः॑ । मि॒त्रः । गृ॒णा॒ति॒ । वरु॑णः ।
त्वाम् । शर्धः॑ । म॒द॒ति॒ । अनु॑ । मारु॑तम् ॥
Padapatha Devanagari Nonaccented
त्वाम् । विष्णुः । बृहन् । क्षयः । मित्रः । गृणाति । वरुणः ।
त्वाम् । शर्धः । मदति । अनु । मारुतम् ॥
Padapatha Transcription Accented
tvā́m ǀ víṣṇuḥ ǀ bṛhán ǀ kṣáyaḥ ǀ mitráḥ ǀ gṛṇāti ǀ váruṇaḥ ǀ
tvā́m ǀ śárdhaḥ ǀ madati ǀ ánu ǀ mā́rutam ǁ
Padapatha Transcription Nonaccented
tvām ǀ viṣṇuḥ ǀ bṛhan ǀ kṣayaḥ ǀ mitraḥ ǀ gṛṇāti ǀ varuṇaḥ ǀ
tvām ǀ śardhaḥ ǀ madati ǀ anu ǀ mārutam ǁ
08.015.10 (Mandala. Sukta. Rik)
6.1.18.05 (Ashtaka. Adhyaya. Varga. Rik)
08.03.058 (Mandala. Anuvāka. Rik)
Samhita Devanagari Accented
त्वं वृषा॒ जना॑नां॒ मंहि॑ष्ठ इंद्र जज्ञिषे ।
स॒त्रा विश्वा॑ स्वप॒त्यानि॑ दधिषे ॥
Samhita Devanagari Nonaccented
त्वं वृषा जनानां मंहिष्ठ इंद्र जज्ञिषे ।
सत्रा विश्वा स्वपत्यानि दधिषे ॥
Samhita Transcription Accented
tvám vṛ́ṣā jánānām máṃhiṣṭha indra jajńiṣe ǀ
satrā́ víśvā svapatyā́ni dadhiṣe ǁ
Samhita Transcription Nonaccented
tvam vṛṣā janānām maṃhiṣṭha indra jajńiṣe ǀ
satrā viśvā svapatyāni dadhiṣe ǁ
Padapatha Devanagari Accented
त्वम् । वृषा॑ । जना॑नाम् । मंहि॑ष्ठः । इ॒न्द्र॒ । ज॒ज्ञि॒षे॒ ।
स॒त्रा । विश्वा॑ । सु॒ऽअ॒प॒त्यानि॑ । द॒धि॒षे॒ ॥
Padapatha Devanagari Nonaccented
त्वम् । वृषा । जनानाम् । मंहिष्ठः । इन्द्र । जज्ञिषे ।
सत्रा । विश्वा । सुऽअपत्यानि । दधिषे ॥
Padapatha Transcription Accented
tvám ǀ vṛ́ṣā ǀ jánānām ǀ máṃhiṣṭhaḥ ǀ indra ǀ jajńiṣe ǀ
satrā́ ǀ víśvā ǀ su-apatyā́ni ǀ dadhiṣe ǁ
Padapatha Transcription Nonaccented
tvam ǀ vṛṣā ǀ janānām ǀ maṃhiṣṭhaḥ ǀ indra ǀ jajńiṣe ǀ
satrā ǀ viśvā ǀ su-apatyāni ǀ dadhiṣe ǁ
08.015.11 (Mandala. Sukta. Rik)
6.1.19.01 (Ashtaka. Adhyaya. Varga. Rik)
08.03.059 (Mandala. Anuvāka. Rik)
Samhita Devanagari Accented
स॒त्रा त्वं पु॑रुष्टुतँ॒ एको॑ वृ॒त्राणि॑ तोशसे ।
नान्य इंद्रा॒त्कर॑णं॒ भूय॑ इन्वति ॥
Samhita Devanagari Nonaccented
सत्रा त्वं पुरुष्टुतँ एको वृत्राणि तोशसे ।
नान्य इंद्रात्करणं भूय इन्वति ॥
Samhita Transcription Accented
satrā́ tvám puruṣṭutam̐ éko vṛtrā́ṇi tośase ǀ
nā́nyá índrātkáraṇam bhū́ya invati ǁ
Samhita Transcription Nonaccented
satrā tvam puruṣṭutam̐ eko vṛtrāṇi tośase ǀ
nānya indrātkaraṇam bhūya invati ǁ
Padapatha Devanagari Accented
स॒त्रा । त्वम् । पु॒रु॒ऽस्तु॒त॒ । एकः॑ । वृ॒त्राणि॑ । तो॒श॒से॒ ।
न । अ॒न्यः । इन्द्रा॑त् । कर॑णम् । भूयः॑ । इ॒न्व॒ति॒ ॥
Padapatha Devanagari Nonaccented
सत्रा । त्वम् । पुरुऽस्तुत । एकः । वृत्राणि । तोशसे ।
न । अन्यः । इन्द्रात् । करणम् । भूयः । इन्वति ॥
Padapatha Transcription Accented
satrā́ ǀ tvám ǀ puru-stuta ǀ ékaḥ ǀ vṛtrā́ṇi ǀ tośase ǀ
ná ǀ anyáḥ ǀ índrāt ǀ káraṇam ǀ bhū́yaḥ ǀ invati ǁ
Padapatha Transcription Nonaccented
satrā ǀ tvam ǀ puru-stuta ǀ ekaḥ ǀ vṛtrāṇi ǀ tośase ǀ
na ǀ anyaḥ ǀ indrāt ǀ karaṇam ǀ bhūyaḥ ǀ invati ǁ
08.015.12 (Mandala. Sukta. Rik)
6.1.19.02 (Ashtaka. Adhyaya. Varga. Rik)
08.03.060 (Mandala. Anuvāka. Rik)
Samhita Devanagari Accented
यदिं॑द्र मन्म॒शस्त्वा॒ नाना॒ हवं॑त ऊ॒तये॑ ।
अ॒स्माके॑भि॒र्नृभि॒रत्रा॒ स्व॑र्जय ॥
Samhita Devanagari Nonaccented
यदिंद्र मन्मशस्त्वा नाना हवंत ऊतये ।
अस्माकेभिर्नृभिरत्रा स्वर्जय ॥
Samhita Transcription Accented
yádindra manmaśástvā nā́nā hávanta ūtáye ǀ
asmā́kebhirnṛ́bhirátrā svárjaya ǁ
Samhita Transcription Nonaccented
yadindra manmaśastvā nānā havanta ūtaye ǀ
asmākebhirnṛbhiratrā svarjaya ǁ
Padapatha Devanagari Accented
यत् । इ॒न्द्र॒ । म॒न्म॒ऽशः । त्वा॒ । नाना॑ । हव॑न्ते । ऊ॒तये॑ ।
अ॒स्माके॑भिः । नृऽभिः॑ । अत्र॑ । स्वः॑ । ज॒य॒ ॥
Padapatha Devanagari Nonaccented
यत् । इन्द्र । मन्मऽशः । त्वा । नाना । हवन्ते । ऊतये ।
अस्माकेभिः । नृऽभिः । अत्र । स्वः । जय ॥
Padapatha Transcription Accented
yát ǀ indra ǀ manma-śáḥ ǀ tvā ǀ nā́nā ǀ hávante ǀ ūtáye ǀ
asmā́kebhiḥ ǀ nṛ́-bhiḥ ǀ átra ǀ sváḥ ǀ jaya ǁ
Padapatha Transcription Nonaccented
yat ǀ indra ǀ manma-śaḥ ǀ tvā ǀ nānā ǀ havante ǀ ūtaye ǀ
asmākebhiḥ ǀ nṛ-bhiḥ ǀ atra ǀ svaḥ ǀ jaya ǁ
08.015.13 (Mandala. Sukta. Rik)
6.1.19.03 (Ashtaka. Adhyaya. Varga. Rik)
08.03.061 (Mandala. Anuvāka. Rik)
Samhita Devanagari Accented
अरं॒ क्षया॑य नो म॒हे विश्वा॑ रू॒पाण्या॑वि॒शन् ।
इंद्रं॒ जैत्रा॑य हर्षया॒ शची॒पतिं॑ ॥
Samhita Devanagari Nonaccented
अरं क्षयाय नो महे विश्वा रूपाण्याविशन् ।
इंद्रं जैत्राय हर्षया शचीपतिं ॥
Samhita Transcription Accented
áram kṣáyāya no mahé víśvā rūpā́ṇyāviśán ǀ
índram jáitrāya harṣayā śácīpátim ǁ
Samhita Transcription Nonaccented
aram kṣayāya no mahe viśvā rūpāṇyāviśan ǀ
indram jaitrāya harṣayā śacīpatim ǁ
Padapatha Devanagari Accented
अर॑म् । क्षया॑य । नः॒ । म॒हे । विश्वा॑ । रू॒पाणि॑ । आ॒ऽवि॒शन् ।
इन्द्र॑म् । जैत्रा॑य । ह॒र्ष॒य॒ । शची॒३॒॑ऽपति॑म् ॥
Padapatha Devanagari Nonaccented
अरम् । क्षयाय । नः । महे । विश्वा । रूपाणि । आऽविशन् ।
इन्द्रम् । जैत्राय । हर्षय । शचीऽपतिम् ॥
Padapatha Transcription Accented
áram ǀ kṣáyāya ǀ naḥ ǀ mahé ǀ víśvā ǀ rūpā́ṇi ǀ ā-viśán ǀ
índram ǀ jáitrāya ǀ harṣaya ǀ śacī́-pátim ǁ
Padapatha Transcription Nonaccented
aram ǀ kṣayāya ǀ naḥ ǀ mahe ǀ viśvā ǀ rūpāṇi ǀ ā-viśan ǀ
indram ǀ jaitrāya ǀ harṣaya ǀ śacī-patim ǁ