|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 21
|
1. Info |
| To: | agni | |
| From: | vimada aindra or vimada prājāpatya or vimada aindra and vasukṛt vāsukra | |
| Metres: | 1st set of styles: nicṛtpaṅkti (1, 4, 8); virāṭpaṅkti (3, 5, 7); pādanicṛtpaṅkti (2); ārcīpaṅkti (6) 2nd set of styles: āstārapaṅkti |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.021.01 (Mandala. Sukta. Rik)
7.7.04.01 (Ashtaka. Adhyaya. Varga. Rik)
10.02.047 (Mandala. Anuvāka. Rik)
Samhita Devanagari Accented
आग्निं न स्ववृ॑क्तिभि॒र्होता॑रं त्वा वृणीमहे ।
य॒ज्ञाय॑ स्ती॒र्णब॑र्हिषे॒ वि वो॒ मदे॑ शी॒रं पा॑व॒कशो॑चिषं॒ विव॑क्षसे ॥
Samhita Devanagari Nonaccented
आग्निं न स्ववृक्तिभिर्होतारं त्वा वृणीमहे ।
यज्ञाय स्तीर्णबर्हिषे वि वो मदे शीरं पावकशोचिषं विवक्षसे ॥
Samhita Transcription Accented
ā́gním ná svávṛktibhirhótāram tvā vṛṇīmahe ǀ
yajńā́ya stīrṇábarhiṣe ví vo máde śīrám pāvakáśociṣam vívakṣase ǁ
Samhita Transcription Nonaccented
āgnim na svavṛktibhirhotāram tvā vṛṇīmahe ǀ
yajńāya stīrṇabarhiṣe vi vo made śīram pāvakaśociṣam vivakṣase ǁ
Padapatha Devanagari Accented
आ । अ॒ग्निम् । न । स्ववृ॑क्तिऽभिः । होता॑रम् । त्वा॒ । वृ॒णी॒म॒हे॒ ।
य॒ज्ञाय॑ । स्ती॒र्णऽब॑र्हिषे । वि । वः॒ । मदे॑ । शी॒रम् । पा॒व॒कऽशो॑चिषम् । विव॑क्षसे ॥
Padapatha Devanagari Nonaccented
आ । अग्निम् । न । स्ववृक्तिऽभिः । होतारम् । त्वा । वृणीमहे ।
यज्ञाय । स्तीर्णऽबर्हिषे । वि । वः । मदे । शीरम् । पावकऽशोचिषम् । विवक्षसे ॥
Padapatha Transcription Accented
ā́ ǀ agním ǀ ná ǀ svávṛkti-bhiḥ ǀ hótāram ǀ tvā ǀ vṛṇīmahe ǀ
yajńā́ya ǀ stīrṇá-barhiṣe ǀ ví ǀ vaḥ ǀ máde ǀ śīrám ǀ pāvaká-śociṣam ǀ vívakṣase ǁ
Padapatha Transcription Nonaccented
ā ǀ agnim ǀ na ǀ svavṛkti-bhiḥ ǀ hotāram ǀ tvā ǀ vṛṇīmahe ǀ
yajńāya ǀ stīrṇa-barhiṣe ǀ vi ǀ vaḥ ǀ made ǀ śīram ǀ pāvaka-śociṣam ǀ vivakṣase ǁ
10.021.02 (Mandala. Sukta. Rik)
7.7.04.02 (Ashtaka. Adhyaya. Varga. Rik)
10.02.048 (Mandala. Anuvāka. Rik)
Samhita Devanagari Accented
त्वामु॒ ते स्वा॒भुवः॑ शुं॒भंत्यश्व॑राधसः ।
वेति॒ त्वामु॑प॒सेच॑नी॒ वि वो॒ मद॒ ऋजी॑तिरग्न॒ आहु॑ति॒र्विव॑क्षसे ॥
Samhita Devanagari Nonaccented
त्वामु ते स्वाभुवः शुंभंत्यश्वराधसः ।
वेति त्वामुपसेचनी वि वो मद ऋजीतिरग्न आहुतिर्विवक्षसे ॥
Samhita Transcription Accented
tvā́mu té svābhúvaḥ śumbhántyáśvarādhasaḥ ǀ
véti tvā́mupasécanī ví vo máda ṛ́jītiragna ā́hutirvívakṣase ǁ
Samhita Transcription Nonaccented
tvāmu te svābhuvaḥ śumbhantyaśvarādhasaḥ ǀ
veti tvāmupasecanī vi vo mada ṛjītiragna āhutirvivakṣase ǁ
Padapatha Devanagari Accented
त्वाम् । ऊं॒ इति॑ । ते । सु॒ऽआ॒भुवः॑ । शु॒म्भन्ति॑ । अश्व॑ऽराधसः ।
वेति॑ । त्वाम् । उ॒प॒ऽसेच॑नी । वि । वः॒ । मदे॑ । ऋजी॑तिः । अ॒ग्ने॒ । आऽहु॑तिः । विव॑क्षसे ॥
Padapatha Devanagari Nonaccented
त्वाम् । ऊं इति । ते । सुऽआभुवः । शुम्भन्ति । अश्वऽराधसः ।
वेति । त्वाम् । उपऽसेचनी । वि । वः । मदे । ऋजीतिः । अग्ने । आऽहुतिः । विवक्षसे ॥
Padapatha Transcription Accented
tvā́m ǀ ūṃ íti ǀ té ǀ su-ābhúvaḥ ǀ śumbhánti ǀ áśva-rādhasaḥ ǀ
véti ǀ tvā́m ǀ upa-sécanī ǀ ví ǀ vaḥ ǀ máde ǀ ṛ́jītiḥ ǀ agne ǀ ā́-hutiḥ ǀ vívakṣase ǁ
Padapatha Transcription Nonaccented
tvām ǀ ūṃ iti ǀ te ǀ su-ābhuvaḥ ǀ śumbhanti ǀ aśva-rādhasaḥ ǀ
veti ǀ tvām ǀ upa-secanī ǀ vi ǀ vaḥ ǀ made ǀ ṛjītiḥ ǀ agne ǀ ā-hutiḥ ǀ vivakṣase ǁ
10.021.03 (Mandala. Sukta. Rik)
7.7.04.03 (Ashtaka. Adhyaya. Varga. Rik)
10.02.049 (Mandala. Anuvāka. Rik)
Samhita Devanagari Accented
त्वे ध॒र्माण॑ आसते जु॒हूभिः॑ सिंच॒तीरि॑व ।
कृ॒ष्णा रू॒पाण्यर्जु॑ना॒ वि वो॒ मदे॒ विश्वा॒ अधि॒ श्रियो॑ धिषे॒ विव॑क्षसे ॥
Samhita Devanagari Nonaccented
त्वे धर्माण आसते जुहूभिः सिंचतीरिव ।
कृष्णा रूपाण्यर्जुना वि वो मदे विश्वा अधि श्रियो धिषे विवक्षसे ॥
Samhita Transcription Accented
tvé dharmā́ṇa āsate juhū́bhiḥ sińcatī́riva ǀ
kṛṣṇā́ rūpā́ṇyárjunā ví vo máde víśvā ádhi śríyo dhiṣe vívakṣase ǁ
Samhita Transcription Nonaccented
tve dharmāṇa āsate juhūbhiḥ sińcatīriva ǀ
kṛṣṇā rūpāṇyarjunā vi vo made viśvā adhi śriyo dhiṣe vivakṣase ǁ
Padapatha Devanagari Accented
त्वे इति॑ । ध॒र्माणः॑ । आ॒स॒ते॒ । जु॒हूभिः॑ । सि॒ञ्च॒तीःऽइ॑व ।
कृ॒ष्णा । रू॒पाणि॑ । अर्जु॑ना । वि । वः॒ । मदे॑ । विश्वाः॑ । अधि॑ । श्रियः॑ । धि॒षे॒ । विव॑क्षसे ॥
Padapatha Devanagari Nonaccented
त्वे इति । धर्माणः । आसते । जुहूभिः । सिञ्चतीःऽइव ।
कृष्णा । रूपाणि । अर्जुना । वि । वः । मदे । विश्वाः । अधि । श्रियः । धिषे । विवक्षसे ॥
Padapatha Transcription Accented
tvé íti ǀ dharmā́ṇaḥ ǀ āsate ǀ juhū́bhiḥ ǀ sińcatī́ḥ-iva ǀ
kṛṣṇā́ ǀ rūpā́ṇi ǀ árjunā ǀ ví ǀ vaḥ ǀ máde ǀ víśvāḥ ǀ ádhi ǀ śríyaḥ ǀ dhiṣe ǀ vívakṣase ǁ
Padapatha Transcription Nonaccented
tve iti ǀ dharmāṇaḥ ǀ āsate ǀ juhūbhiḥ ǀ sińcatīḥ-iva ǀ
kṛṣṇā ǀ rūpāṇi ǀ arjunā ǀ vi ǀ vaḥ ǀ made ǀ viśvāḥ ǀ adhi ǀ śriyaḥ ǀ dhiṣe ǀ vivakṣase ǁ
10.021.04 (Mandala. Sukta. Rik)
7.7.04.04 (Ashtaka. Adhyaya. Varga. Rik)
10.02.050 (Mandala. Anuvāka. Rik)
Samhita Devanagari Accented
यम॑ग्ने॒ मन्य॑से र॒यिं सह॑सावन्नमर्त्य ।
तमा नो॒ वाज॑सातये॒ वि वो॒ मदे॑ य॒ज्ञेषु॑ चि॒त्रमा भ॑रा॒ विव॑क्षसे ॥
Samhita Devanagari Nonaccented
यमग्ने मन्यसे रयिं सहसावन्नमर्त्य ।
तमा नो वाजसातये वि वो मदे यज्ञेषु चित्रमा भरा विवक्षसे ॥
Samhita Transcription Accented
yámagne mányase rayím sáhasāvannamartya ǀ
támā́ no vā́jasātaye ví vo máde yajńéṣu citrámā́ bharā vívakṣase ǁ
Samhita Transcription Nonaccented
yamagne manyase rayim sahasāvannamartya ǀ
tamā no vājasātaye vi vo made yajńeṣu citramā bharā vivakṣase ǁ
Padapatha Devanagari Accented
यम् । अ॒ग्ने॒ । मन्य॑से । र॒यिम् । सह॑साऽवन् । अ॒म॒र्त्य॒ ।
तम् । आ । नः॒ । वाज॑ऽसातये । वि । वः॒ । मदे॑ । य॒ज्ञेषु॑ । चि॒त्रम् । आ । भ॒र॒ । विव॑क्षसे ॥
Padapatha Devanagari Nonaccented
यम् । अग्ने । मन्यसे । रयिम् । सहसाऽवन् । अमर्त्य ।
तम् । आ । नः । वाजऽसातये । वि । वः । मदे । यज्ञेषु । चित्रम् । आ । भर । विवक्षसे ॥
Padapatha Transcription Accented
yám ǀ agne ǀ mányase ǀ rayím ǀ sáhasā-van ǀ amartya ǀ
tám ǀ ā́ ǀ naḥ ǀ vā́ja-sātaye ǀ ví ǀ vaḥ ǀ máde ǀ yajńéṣu ǀ citrám ǀ ā́ ǀ bhara ǀ vívakṣase ǁ
Padapatha Transcription Nonaccented
yam ǀ agne ǀ manyase ǀ rayim ǀ sahasā-van ǀ amartya ǀ
tam ǀ ā ǀ naḥ ǀ vāja-sātaye ǀ vi ǀ vaḥ ǀ made ǀ yajńeṣu ǀ citram ǀ ā ǀ bhara ǀ vivakṣase ǁ
10.021.05 (Mandala. Sukta. Rik)
7.7.04.05 (Ashtaka. Adhyaya. Varga. Rik)
10.02.051 (Mandala. Anuvāka. Rik)
Samhita Devanagari Accented
अ॒ग्निर्जा॒तो अथ॑र्वणा वि॒दद्विश्वा॑नि॒ काव्या॑ ।
भुव॑द्दू॒तो वि॒वस्व॑तो॒ वि वो॒ मदे॑ प्रि॒यो य॒मस्य॒ काम्यो॒ विव॑क्षसे ॥
Samhita Devanagari Nonaccented
अग्निर्जातो अथर्वणा विदद्विश्वानि काव्या ।
भुवद्दूतो विवस्वतो वि वो मदे प्रियो यमस्य काम्यो विवक्षसे ॥
Samhita Transcription Accented
agnírjātó átharvaṇā vidádvíśvāni kā́vyā ǀ
bhúvaddūtó vivásvato ví vo máde priyó yamásya kā́myo vívakṣase ǁ
Samhita Transcription Nonaccented
agnirjāto atharvaṇā vidadviśvāni kāvyā ǀ
bhuvaddūto vivasvato vi vo made priyo yamasya kāmyo vivakṣase ǁ
Padapatha Devanagari Accented
अ॒ग्निः । जा॒तः । अथ॑र्वणा । वि॒दत् । विश्वा॑नि । काव्या॑ ।
भुव॑त् । दू॒तः । वि॒वस्व॑तः । वि । वः॒ । मदे॑ । प्रि॒यः । य॒मस्य॑ । काम्यः॑ । विव॑क्षसे ॥
Padapatha Devanagari Nonaccented
अग्निः । जातः । अथर्वणा । विदत् । विश्वानि । काव्या ।
भुवत् । दूतः । विवस्वतः । वि । वः । मदे । प्रियः । यमस्य । काम्यः । विवक्षसे ॥
Padapatha Transcription Accented
agníḥ ǀ jātáḥ ǀ átharvaṇā ǀ vidát ǀ víśvāni ǀ kā́vyā ǀ
bhúvat ǀ dūtáḥ ǀ vivásvataḥ ǀ ví ǀ vaḥ ǀ máde ǀ priyáḥ ǀ yamásya ǀ kā́myaḥ ǀ vívakṣase ǁ
Padapatha Transcription Nonaccented
agniḥ ǀ jātaḥ ǀ atharvaṇā ǀ vidat ǀ viśvāni ǀ kāvyā ǀ
bhuvat ǀ dūtaḥ ǀ vivasvataḥ ǀ vi ǀ vaḥ ǀ made ǀ priyaḥ ǀ yamasya ǀ kāmyaḥ ǀ vivakṣase ǁ
10.021.06 (Mandala. Sukta. Rik)
7.7.05.01 (Ashtaka. Adhyaya. Varga. Rik)
10.02.052 (Mandala. Anuvāka. Rik)
Samhita Devanagari Accented
त्वां य॒ज्ञेष्वी॑ळ॒तेऽग्ने॑ प्रय॒त्य॑ध्व॒रे ।
त्वं वसू॑नि॒ काम्या॒ वि वो॒ मदे॒ विश्वा॑ दधासि दा॒शुषे॒ विव॑क्षसे ॥
Samhita Devanagari Nonaccented
त्वां यज्ञेष्वीळतेऽग्ने प्रयत्यध्वरे ।
त्वं वसूनि काम्या वि वो मदे विश्वा दधासि दाशुषे विवक्षसे ॥
Samhita Transcription Accented
tvā́m yajńéṣvīḷaté’gne prayatyádhvaré ǀ
tvám vásūni kā́myā ví vo máde víśvā dadhāsi dāśúṣe vívakṣase ǁ
Samhita Transcription Nonaccented
tvām yajńeṣvīḷate’gne prayatyadhvare ǀ
tvam vasūni kāmyā vi vo made viśvā dadhāsi dāśuṣe vivakṣase ǁ
Padapatha Devanagari Accented
त्वाम् । य॒ज्ञेषु॑ । ई॒ळ॒ते॒ । अग्ने॑ । प्र॒ऽय॒ति । अ॒ध्व॒रे ।
त्वम् । वसू॑नि । काम्या॑ । वि । वः॒ । मदे॑ । विश्वा॑ । द॒धा॒सि॒ । दा॒शुषे॑ । विव॑क्षसे ॥
Padapatha Devanagari Nonaccented
त्वाम् । यज्ञेषु । ईळते । अग्ने । प्रऽयति । अध्वरे ।
त्वम् । वसूनि । काम्या । वि । वः । मदे । विश्वा । दधासि । दाशुषे । विवक्षसे ॥
Padapatha Transcription Accented
tvā́m ǀ yajńéṣu ǀ īḷate ǀ ágne ǀ pra-yatí ǀ adhvaré ǀ
tvám ǀ vásūni ǀ kā́myā ǀ ví ǀ vaḥ ǀ máde ǀ víśvā ǀ dadhāsi ǀ dāśúṣe ǀ vívakṣase ǁ
Padapatha Transcription Nonaccented
tvām ǀ yajńeṣu ǀ īḷate ǀ agne ǀ pra-yati ǀ adhvare ǀ
tvam ǀ vasūni ǀ kāmyā ǀ vi ǀ vaḥ ǀ made ǀ viśvā ǀ dadhāsi ǀ dāśuṣe ǀ vivakṣase ǁ
10.021.07 (Mandala. Sukta. Rik)
7.7.05.02 (Ashtaka. Adhyaya. Varga. Rik)
10.02.053 (Mandala. Anuvāka. Rik)
Samhita Devanagari Accented
त्वां य॒ज्ञेष्वृ॒त्विजं॒ चारु॑मग्ने॒ नि षे॑दिरे ।
घृ॒तप्र॑तीकं॒ मनु॑षो॒ वि वो॒ मदे॑ शु॒क्रं चेति॑ष्ठम॒क्षभि॒र्विव॑क्षसे ॥
Samhita Devanagari Nonaccented
त्वां यज्ञेष्वृत्विजं चारुमग्ने नि षेदिरे ।
घृतप्रतीकं मनुषो वि वो मदे शुक्रं चेतिष्ठमक्षभिर्विवक्षसे ॥
Samhita Transcription Accented
tvā́m yajńéṣvṛtvíjam cā́rumagne ní ṣedire ǀ
ghṛtápratīkam mánuṣo ví vo máde śukrám cétiṣṭhamakṣábhirvívakṣase ǁ
Samhita Transcription Nonaccented
tvām yajńeṣvṛtvijam cārumagne ni ṣedire ǀ
ghṛtapratīkam manuṣo vi vo made śukram cetiṣṭhamakṣabhirvivakṣase ǁ
Padapatha Devanagari Accented
त्वाम् । य॒ज्ञेषु॑ । ऋ॒त्विज॑म् । चारु॑म् । अ॒ग्ने॒ । नि । से॒दि॒रे॒ ।
घृ॒तऽप्र॑तीकम् । मनु॑षः । वि । वः॒ । मदे॑ । शु॒क्रम् । चेति॑ष्ठम् । अ॒क्षऽभिः॑ । विव॑क्षसे ॥
Padapatha Devanagari Nonaccented
त्वाम् । यज्ञेषु । ऋत्विजम् । चारुम् । अग्ने । नि । सेदिरे ।
घृतऽप्रतीकम् । मनुषः । वि । वः । मदे । शुक्रम् । चेतिष्ठम् । अक्षऽभिः । विवक्षसे ॥
Padapatha Transcription Accented
tvā́m ǀ yajńéṣu ǀ ṛtvíjam ǀ cā́rum ǀ agne ǀ ní ǀ sedire ǀ
ghṛtá-pratīkam ǀ mánuṣaḥ ǀ ví ǀ vaḥ ǀ máde ǀ śukrám ǀ cétiṣṭham ǀ akṣá-bhiḥ ǀ vívakṣase ǁ
Padapatha Transcription Nonaccented
tvām ǀ yajńeṣu ǀ ṛtvijam ǀ cārum ǀ agne ǀ ni ǀ sedire ǀ
ghṛta-pratīkam ǀ manuṣaḥ ǀ vi ǀ vaḥ ǀ made ǀ śukram ǀ cetiṣṭham ǀ akṣa-bhiḥ ǀ vivakṣase ǁ
10.021.08 (Mandala. Sukta. Rik)
7.7.05.03 (Ashtaka. Adhyaya. Varga. Rik)
10.02.054 (Mandala. Anuvāka. Rik)
Samhita Devanagari Accented
अग्ने॑ शु॒क्रेण॑ शो॒चिषो॒रु प्र॑थयसे बृ॒हत् ।
अ॒भि॒क्रंद॑न्वृषायसे॒ वि वो॒ मदे॒ गर्भं॑ दधासि जा॒मिषु॒ विव॑क्षसे ॥
Samhita Devanagari Nonaccented
अग्ने शुक्रेण शोचिषोरु प्रथयसे बृहत् ।
अभिक्रंदन्वृषायसे वि वो मदे गर्भं दधासि जामिषु विवक्षसे ॥
Samhita Transcription Accented
ágne śukréṇa śocíṣorú prathayase bṛhát ǀ
abhikrándanvṛṣāyase ví vo máde gárbham dadhāsi jāmíṣu vívakṣase ǁ
Samhita Transcription Nonaccented
agne śukreṇa śociṣoru prathayase bṛhat ǀ
abhikrandanvṛṣāyase vi vo made garbham dadhāsi jāmiṣu vivakṣase ǁ
Padapatha Devanagari Accented
अग्ने॑ । शु॒क्रेण॑ । शो॒चिषा॑ । उ॒रु । प्र॒थ॒य॒से॒ । बृ॒हत् ।
अ॒भि॒ऽक्रन्द॑न् । वृ॒ष॒ऽय॒से॒ । वि । वः॒ । मदे॑ । गर्भ॑म् । द॒धा॒सि॒ । जा॒मिषु॑ । विव॑क्षसे ॥
Padapatha Devanagari Nonaccented
अग्ने । शुक्रेण । शोचिषा । उरु । प्रथयसे । बृहत् ।
अभिऽक्रन्दन् । वृषऽयसे । वि । वः । मदे । गर्भम् । दधासि । जामिषु । विवक्षसे ॥
Padapatha Transcription Accented
ágne ǀ śukréṇa ǀ śocíṣā ǀ urú ǀ prathayase ǀ bṛhát ǀ
abhi-krándan ǀ vṛṣa-yase ǀ ví ǀ vaḥ ǀ máde ǀ gárbham ǀ dadhāsi ǀ jāmíṣu ǀ vívakṣase ǁ
Padapatha Transcription Nonaccented
agne ǀ śukreṇa ǀ śociṣā ǀ uru ǀ prathayase ǀ bṛhat ǀ
abhi-krandan ǀ vṛṣa-yase ǀ vi ǀ vaḥ ǀ made ǀ garbham ǀ dadhāsi ǀ jāmiṣu ǀ vivakṣase ǁ