|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 24
|
1. Info |
| To: | 1-3: indra; 4-6: aśvins |
|
| From: | vimada aindra or vimada prājāpatya or vimada aindra and vasukṛt vāsukra | |
| Metres: | 1st set of styles: anuṣṭup (4, 6); āstārapaṅkti (1); svarāḍārcīpaṅkti (2); śaṅkumatīpaṅkti (3); nicṛdanuṣṭup (5) 2nd set of styles: āstārapaṅkti (1-3); anuṣṭubh (4-6) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.024.01 (Mandala. Sukta. Rik)
7.7.10.01 (Ashtaka. Adhyaya. Varga. Rik)
10.02.077 (Mandala. Anuvāka. Rik)
Samhita Devanagari Accented
इंद्र॒ सोम॑मि॒मं पि॑ब॒ मधु॑मंतं च॒मू सु॒तं ।
अ॒स्मे र॒यिं नि धा॑रय॒ वि वो॒ मदे॑ सह॒स्रिणं॑ पुरूवसो॒ विव॑क्षसे ॥
Samhita Devanagari Nonaccented
इंद्र सोममिमं पिब मधुमंतं चमू सुतं ।
अस्मे रयिं नि धारय वि वो मदे सहस्रिणं पुरूवसो विवक्षसे ॥
Samhita Transcription Accented
índra sómamimám piba mádhumantam camū́ sutám ǀ
asmé rayím ní dhāraya ví vo máde sahasríṇam purūvaso vívakṣase ǁ
Samhita Transcription Nonaccented
indra somamimam piba madhumantam camū sutam ǀ
asme rayim ni dhāraya vi vo made sahasriṇam purūvaso vivakṣase ǁ
Padapatha Devanagari Accented
इन्द्र॑ । सोम॑म् । इ॒मम् । पि॒ब॒ । मधु॑ऽमन्तम् । च॒मू इति॑ । सु॒तम् ।
अ॒स्मे इति॑ । र॒यिम् । नि । धा॒र॒य॒ । वि । वः॒ । मदे॑ । स॒ह॒स्रिण॑म् । पु॒रु॒व॒सो॒ इति॑ पुरुऽवसो । विव॑क्षसे ॥
Padapatha Devanagari Nonaccented
इन्द्र । सोमम् । इमम् । पिब । मधुऽमन्तम् । चमू इति । सुतम् ।
अस्मे इति । रयिम् । नि । धारय । वि । वः । मदे । सहस्रिणम् । पुरुवसो इति पुरुऽवसो । विवक्षसे ॥
Padapatha Transcription Accented
índra ǀ sómam ǀ imám ǀ piba ǀ mádhu-mantam ǀ camū́ íti ǀ sutám ǀ
asmé íti ǀ rayím ǀ ní ǀ dhāraya ǀ ví ǀ vaḥ ǀ máde ǀ sahasríṇam ǀ puruvaso íti puru-vaso ǀ vívakṣase ǁ
Padapatha Transcription Nonaccented
indra ǀ somam ǀ imam ǀ piba ǀ madhu-mantam ǀ camū iti ǀ sutam ǀ
asme iti ǀ rayim ǀ ni ǀ dhāraya ǀ vi ǀ vaḥ ǀ made ǀ sahasriṇam ǀ puruvaso iti puru-vaso ǀ vivakṣase ǁ
10.024.02 (Mandala. Sukta. Rik)
7.7.10.02 (Ashtaka. Adhyaya. Varga. Rik)
10.02.078 (Mandala. Anuvāka. Rik)
Samhita Devanagari Accented
त्वां य॒ज्ञेभि॑रु॒क्थैरुप॑ ह॒व्येभि॑रीमहे ।
शची॑पते शचीनां॒ वि वो॒ मदे॒ श्रेष्ठं॑ नो धेहि॒ वार्यं॒ विव॑क्षसे ॥
Samhita Devanagari Nonaccented
त्वां यज्ञेभिरुक्थैरुप हव्येभिरीमहे ।
शचीपते शचीनां वि वो मदे श्रेष्ठं नो धेहि वार्यं विवक्षसे ॥
Samhita Transcription Accented
tvā́m yajńébhiruktháirúpa havyébhirīmahe ǀ
śácīpate śacīnām ví vo máde śréṣṭham no dhehi vā́ryam vívakṣase ǁ
Samhita Transcription Nonaccented
tvām yajńebhirukthairupa havyebhirīmahe ǀ
śacīpate śacīnām vi vo made śreṣṭham no dhehi vāryam vivakṣase ǁ
Padapatha Devanagari Accented
त्वाम् । य॒ज्ञेभिः॑ । उ॒क्थैः । उप॑ । ह॒व्येभिः॑ । ई॒म॒हे॒ ।
शची॑ऽपते । श॒ची॒ना॒म् । वि । वः॒ । मदे॑ । श्रेष्ठ॑म् । नः॒ । धे॒हि॒ । वार्य॑म् । विव॑क्षसे ॥
Padapatha Devanagari Nonaccented
त्वाम् । यज्ञेभिः । उक्थैः । उप । हव्येभिः । ईमहे ।
शचीऽपते । शचीनाम् । वि । वः । मदे । श्रेष्ठम् । नः । धेहि । वार्यम् । विवक्षसे ॥
Padapatha Transcription Accented
tvā́m ǀ yajńébhiḥ ǀ uktháiḥ ǀ úpa ǀ havyébhiḥ ǀ īmahe ǀ
śácī-pate ǀ śacīnām ǀ ví ǀ vaḥ ǀ máde ǀ śréṣṭham ǀ naḥ ǀ dhehi ǀ vā́ryam ǀ vívakṣase ǁ
Padapatha Transcription Nonaccented
tvām ǀ yajńebhiḥ ǀ ukthaiḥ ǀ upa ǀ havyebhiḥ ǀ īmahe ǀ
śacī-pate ǀ śacīnām ǀ vi ǀ vaḥ ǀ made ǀ śreṣṭham ǀ naḥ ǀ dhehi ǀ vāryam ǀ vivakṣase ǁ
10.024.03 (Mandala. Sukta. Rik)
7.7.10.03 (Ashtaka. Adhyaya. Varga. Rik)
10.02.079 (Mandala. Anuvāka. Rik)
Samhita Devanagari Accented
यस्पति॒र्वार्या॑णा॒मसि॑ र॒ध्रस्य॑ चोदि॒ता ।
इंद्र॑ स्तोतॄ॒णाम॑वि॒ता वि वो॒ मदे॑ द्वि॒षो नः॑ पा॒ह्यंह॑सो॒ विव॑क्षसे ॥
Samhita Devanagari Nonaccented
यस्पतिर्वार्याणामसि रध्रस्य चोदिता ।
इंद्र स्तोतॄणामविता वि वो मदे द्विषो नः पाह्यंहसो विवक्षसे ॥
Samhita Transcription Accented
yáspátirvā́ryāṇāmási radhrásya coditā́ ǀ
índra stotṝṇā́mavitā́ ví vo máde dviṣó naḥ pāhyáṃhaso vívakṣase ǁ
Samhita Transcription Nonaccented
yaspatirvāryāṇāmasi radhrasya coditā ǀ
indra stotṝṇāmavitā vi vo made dviṣo naḥ pāhyaṃhaso vivakṣase ǁ
Padapatha Devanagari Accented
यः । पति॑म् । वार्या॑णाम् । असि॑ । र॒ध्रस्य॑ । चो॒दि॒ता ।
इन्द्र॑ । स्तो॒तॄ॒णाम् । अ॒वि॒ता । वि । वः॒ । मदे॑ । द्वि॒षः । नः॒ । पा॒हि॒ । अंह॑सः । विव॑क्षसे ॥
Padapatha Devanagari Nonaccented
यः । पतिम् । वार्याणाम् । असि । रध्रस्य । चोदिता ।
इन्द्र । स्तोतॄणाम् । अविता । वि । वः । मदे । द्विषः । नः । पाहि । अंहसः । विवक्षसे ॥
Padapatha Transcription Accented
yáḥ ǀ pátim ǀ vā́ryāṇām ǀ ási ǀ radhrásya ǀ coditā́ ǀ
índra ǀ stotṝṇā́m ǀ avitā́ ǀ ví ǀ vaḥ ǀ máde ǀ dviṣáḥ ǀ naḥ ǀ pāhi ǀ áṃhasaḥ ǀ vívakṣase ǁ
Padapatha Transcription Nonaccented
yaḥ ǀ patim ǀ vāryāṇām ǀ asi ǀ radhrasya ǀ coditā ǀ
indra ǀ stotṝṇām ǀ avitā ǀ vi ǀ vaḥ ǀ made ǀ dviṣaḥ ǀ naḥ ǀ pāhi ǀ aṃhasaḥ ǀ vivakṣase ǁ
10.024.04 (Mandala. Sukta. Rik)
7.7.10.04 (Ashtaka. Adhyaya. Varga. Rik)
10.02.080 (Mandala. Anuvāka. Rik)
Samhita Devanagari Accented
यु॒वं श॑क्रा माया॒विना॑ समी॒ची निर॑मंथतं ।
वि॒म॒देन॒ यदी॑ळि॒ता नास॑त्या नि॒रमं॑थतं ॥
Samhita Devanagari Nonaccented
युवं शक्रा मायाविना समीची निरमंथतं ।
विमदेन यदीळिता नासत्या निरमंथतं ॥
Samhita Transcription Accented
yuvám śakrā māyāvínā samīcī́ níramanthatam ǀ
vimadéna yádīḷitā́ nā́satyā nirámanthatam ǁ
Samhita Transcription Nonaccented
yuvam śakrā māyāvinā samīcī niramanthatam ǀ
vimadena yadīḷitā nāsatyā niramanthatam ǁ
Padapatha Devanagari Accented
यु॒वम् । श॒क्रा॒ । मा॒या॒ऽविना॑ । स॒मी॒ची इति॑ स॒म्ऽई॒ची । निः । अ॒म॒न्थ॒त॒म् ।
वि॒ऽम॒देन॑ । यत् । ई॒ळि॒ता । नास॑त्या । निः॒ऽअम॑न्थतम् ॥
Padapatha Devanagari Nonaccented
युवम् । शक्रा । मायाऽविना । समीची इति सम्ऽईची । निः । अमन्थतम् ।
विऽमदेन । यत् । ईळिता । नासत्या । निःऽअमन्थतम् ॥
Padapatha Transcription Accented
yuvám ǀ śakrā ǀ māyā-vínā ǀ samīcī́ íti sam-īcī́ ǀ níḥ ǀ amanthatam ǀ
vi-madéna ǀ yát ǀ īḷitā́ ǀ nā́satyā ǀ niḥ-ámanthatam ǁ
Padapatha Transcription Nonaccented
yuvam ǀ śakrā ǀ māyā-vinā ǀ samīcī iti sam-īcī ǀ niḥ ǀ amanthatam ǀ
vi-madena ǀ yat ǀ īḷitā ǀ nāsatyā ǀ niḥ-amanthatam ǁ
10.024.05 (Mandala. Sukta. Rik)
7.7.10.05 (Ashtaka. Adhyaya. Varga. Rik)
10.02.081 (Mandala. Anuvāka. Rik)
Samhita Devanagari Accented
विश्वे॑ दे॒वा अ॑कृपंत समी॒च्योर्नि॒ष्पतं॑त्योः ।
नास॑त्यावब्रुवंदे॒वाः पुन॒रा व॑हता॒दिति॑ ॥
Samhita Devanagari Nonaccented
विश्वे देवा अकृपंत समीच्योर्निष्पतंत्योः ।
नासत्यावब्रुवंदेवाः पुनरा वहतादिति ॥
Samhita Transcription Accented
víśve devā́ akṛpanta samīcyórniṣpátantyoḥ ǀ
nā́satyāvabruvandevā́ḥ púnarā́ vahatādíti ǁ
Samhita Transcription Nonaccented
viśve devā akṛpanta samīcyorniṣpatantyoḥ ǀ
nāsatyāvabruvandevāḥ punarā vahatāditi ǁ
Padapatha Devanagari Accented
विश्वे॑ । दे॒वाः । अ॒कृ॒प॒न्त॒ । स॒म्ऽई॒च्योः । निः॒ऽपत॑न्त्योः ।
नास॑त्यौ । अ॒ब्रु॒व॒न् । दे॒वाः । पुनः॑ । आ । व॒ह॒ता॒त् । इति॑ ॥
Padapatha Devanagari Nonaccented
विश्वे । देवाः । अकृपन्त । सम्ऽईच्योः । निःऽपतन्त्योः ।
नासत्यौ । अब्रुवन् । देवाः । पुनः । आ । वहतात् । इति ॥
Padapatha Transcription Accented
víśve ǀ devā́ḥ ǀ akṛpanta ǀ sam-īcyóḥ ǀ niḥ-pátantyoḥ ǀ
nā́satyau ǀ abruvan ǀ devā́ḥ ǀ púnaḥ ǀ ā́ ǀ vahatāt ǀ íti ǁ
Padapatha Transcription Nonaccented
viśve ǀ devāḥ ǀ akṛpanta ǀ sam-īcyoḥ ǀ niḥ-patantyoḥ ǀ
nāsatyau ǀ abruvan ǀ devāḥ ǀ punaḥ ǀ ā ǀ vahatāt ǀ iti ǁ
10.024.06 (Mandala. Sukta. Rik)
7.7.10.06 (Ashtaka. Adhyaya. Varga. Rik)
10.02.082 (Mandala. Anuvāka. Rik)
Samhita Devanagari Accented
मधु॑मन्मे प॒राय॑णं॒ मधु॑म॒त्पुन॒राय॑नं ।
ता नो॑ देवा दे॒वत॑या यु॒वं मधु॑मतस्कृतं ॥
Samhita Devanagari Nonaccented
मधुमन्मे परायणं मधुमत्पुनरायनं ।
ता नो देवा देवतया युवं मधुमतस्कृतं ॥
Samhita Transcription Accented
mádhumanme parā́yaṇam mádhumatpúnarā́yanam ǀ
tā́ no devā devátayā yuvám mádhumataskṛtam ǁ
Samhita Transcription Nonaccented
madhumanme parāyaṇam madhumatpunarāyanam ǀ
tā no devā devatayā yuvam madhumataskṛtam ǁ
Padapatha Devanagari Accented
मधु॑ऽमत् । मे॒ । प॒रा॒ऽअय॑नम् । मधु॑ऽमत् । पुनः॑ । आऽअय॑नम् ।
ता । नः॒ । दे॒वा॒ । दे॒वत॑या । यु॒वम् । मधु॑ऽमतः । कृ॒त॒म् ॥
Padapatha Devanagari Nonaccented
मधुऽमत् । मे । पराऽअयनम् । मधुऽमत् । पुनः । आऽअयनम् ।
ता । नः । देवा । देवतया । युवम् । मधुऽमतः । कृतम् ॥
Padapatha Transcription Accented
mádhu-mat ǀ me ǀ parā-áyanam ǀ mádhu-mat ǀ púnaḥ ǀ ā́-áyanam ǀ
tā́ ǀ naḥ ǀ devā ǀ devátayā ǀ yuvám ǀ mádhu-mataḥ ǀ kṛtam ǁ
Padapatha Transcription Nonaccented
madhu-mat ǀ me ǀ parā-ayanam ǀ madhu-mat ǀ punaḥ ǀ ā-ayanam ǀ
tā ǀ naḥ ǀ devā ǀ devatayā ǀ yuvam ǀ madhu-mataḥ ǀ kṛtam ǁ