|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 72
|
1. Info |
| To: | devāḥ | |
| From: | bṛhaspati āṅgirasa or bṛhaspati laukya or aditi dākṣāyaṇī | |
| Metres: | 1st set of styles: anuṣṭup (1, 4, 6); nicṛdanuṣṭup (3, 5, 7); virāḍanuṣṭup (8, 9); pādanicṛdanuṣṭup (2) 2nd set of styles: anuṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.072.01 (Mandala. Sukta. Rik)
8.3.01.01 (Ashtaka. Adhyaya. Varga. Rik)
10.06.035 (Mandala. Anuvāka. Rik)
Samhita Devanagari Accented
दे॒वानां॒ नु व॒यं जाना॒ प्र वो॑चाम विप॒न्यया॑ ।
उ॒क्थेषु॑ श॒स्यमा॑नेषु॒ यः पश्या॒दुत्त॑रे यु॒गे ॥
Samhita Devanagari Nonaccented
देवानां नु वयं जाना प्र वोचाम विपन्यया ।
उक्थेषु शस्यमानेषु यः पश्यादुत्तरे युगे ॥
Samhita Transcription Accented
devā́nām nú vayám jā́nā prá vocāma vipanyáyā ǀ
ukthéṣu śasyámāneṣu yáḥ páśyādúttare yugé ǁ
Samhita Transcription Nonaccented
devānām nu vayam jānā pra vocāma vipanyayā ǀ
uktheṣu śasyamāneṣu yaḥ paśyāduttare yuge ǁ
Padapatha Devanagari Accented
दे॒वाना॑म् । नु । व॒यम् । जाना॑ । प्र । वो॒चा॒म॒ । वि॒प॒न्यया॑ ।
उ॒क्थेषु॑ । श॒स्यमा॑नेषु । यः । पश्या॑त् । उत्ऽत॑रे । यु॒गे ॥
Padapatha Devanagari Nonaccented
देवानाम् । नु । वयम् । जाना । प्र । वोचाम । विपन्यया ।
उक्थेषु । शस्यमानेषु । यः । पश्यात् । उत्ऽतरे । युगे ॥
Padapatha Transcription Accented
devā́nām ǀ nú ǀ vayám ǀ jā́nā ǀ prá ǀ vocāma ǀ vipanyáyā ǀ
ukthéṣu ǀ śasyámāneṣu ǀ yáḥ ǀ páśyāt ǀ út-tare ǀ yugé ǁ
Padapatha Transcription Nonaccented
devānām ǀ nu ǀ vayam ǀ jānā ǀ pra ǀ vocāma ǀ vipanyayā ǀ
uktheṣu ǀ śasyamāneṣu ǀ yaḥ ǀ paśyāt ǀ ut-tare ǀ yuge ǁ
10.072.02 (Mandala. Sukta. Rik)
8.3.01.02 (Ashtaka. Adhyaya. Varga. Rik)
10.06.036 (Mandala. Anuvāka. Rik)
Samhita Devanagari Accented
ब्रह्म॑ण॒स्पति॑रे॒ता सं क॒र्मार॑ इवाधमत् ।
दे॒वानां॑ पू॒र्व्ये यु॒गेऽस॑तः॒ सद॑जायत ॥
Samhita Devanagari Nonaccented
ब्रह्मणस्पतिरेता सं कर्मार इवाधमत् ।
देवानां पूर्व्ये युगेऽसतः सदजायत ॥
Samhita Transcription Accented
bráhmaṇaspátiretā́ sám karmā́ra ivādhamat ǀ
devā́nām pūrvyé yugé’sataḥ sádajāyata ǁ
Samhita Transcription Nonaccented
brahmaṇaspatiretā sam karmāra ivādhamat ǀ
devānām pūrvye yuge’sataḥ sadajāyata ǁ
Padapatha Devanagari Accented
ब्रह्म॑णः । पतिः॑ । ए॒ता । सम् । क॒र्मारः॑ऽइव । अ॒ध॒म॒त् ।
दे॒वाना॑म् । पू॒र्व्ये । यु॒गे । अस॑तः । सत् । अ॒जा॒य॒त॒ ॥
Padapatha Devanagari Nonaccented
ब्रह्मणः । पतिः । एता । सम् । कर्मारःऽइव । अधमत् ।
देवानाम् । पूर्व्ये । युगे । असतः । सत् । अजायत ॥
Padapatha Transcription Accented
bráhmaṇaḥ ǀ pátiḥ ǀ etā́ ǀ sám ǀ karmā́raḥ-iva ǀ adhamat ǀ
devā́nām ǀ pūrvyé ǀ yugé ǀ ásataḥ ǀ sát ǀ ajāyata ǁ
Padapatha Transcription Nonaccented
brahmaṇaḥ ǀ patiḥ ǀ etā ǀ sam ǀ karmāraḥ-iva ǀ adhamat ǀ
devānām ǀ pūrvye ǀ yuge ǀ asataḥ ǀ sat ǀ ajāyata ǁ
10.072.03 (Mandala. Sukta. Rik)
8.3.01.03 (Ashtaka. Adhyaya. Varga. Rik)
10.06.037 (Mandala. Anuvāka. Rik)
Samhita Devanagari Accented
दे॒वानां॑ यु॒गे प्र॑थ॒मेऽस॑तः॒ सद॑जायत ।
तदाशा॒ अन्व॑जायंत॒ तदु॑त्ता॒नप॑द॒स्परि॑ ॥
Samhita Devanagari Nonaccented
देवानां युगे प्रथमेऽसतः सदजायत ।
तदाशा अन्वजायंत तदुत्तानपदस्परि ॥
Samhita Transcription Accented
devā́nām yugé prathamé’sataḥ sádajāyata ǀ
tádā́śā ánvajāyanta táduttānápadaspári ǁ
Samhita Transcription Nonaccented
devānām yuge prathame’sataḥ sadajāyata ǀ
tadāśā anvajāyanta taduttānapadaspari ǁ
Padapatha Devanagari Accented
दे॒वाना॑म् । यु॒गे । प्र॒थ॒मे । अस॑तः । सत् । अ॒जा॒य॒त॒ ।
तत् । आशाः॑ । अनु॑ । अ॒जा॒य॒न्त॒ । तत् । उ॒त्ता॒नऽप॑दः । परि॑ ॥
Padapatha Devanagari Nonaccented
देवानाम् । युगे । प्रथमे । असतः । सत् । अजायत ।
तत् । आशाः । अनु । अजायन्त । तत् । उत्तानऽपदः । परि ॥
Padapatha Transcription Accented
devā́nām ǀ yugé ǀ prathamé ǀ ásataḥ ǀ sát ǀ ajāyata ǀ
tát ǀ ā́śāḥ ǀ ánu ǀ ajāyanta ǀ tát ǀ uttāná-padaḥ ǀ pári ǁ
Padapatha Transcription Nonaccented
devānām ǀ yuge ǀ prathame ǀ asataḥ ǀ sat ǀ ajāyata ǀ
tat ǀ āśāḥ ǀ anu ǀ ajāyanta ǀ tat ǀ uttāna-padaḥ ǀ pari ǁ
10.072.04 (Mandala. Sukta. Rik)
8.3.01.04 (Ashtaka. Adhyaya. Varga. Rik)
10.06.038 (Mandala. Anuvāka. Rik)
Samhita Devanagari Accented
भूर्ज॑ज्ञ उत्ता॒नप॑दो भु॒व आशा॑ अजायंत ।
अदि॑ते॒र्दक्षो॑ अजायत॒ दक्षा॒द्वदि॑तिः॒ परि॑ ॥
Samhita Devanagari Nonaccented
भूर्जज्ञ उत्तानपदो भुव आशा अजायंत ।
अदितेर्दक्षो अजायत दक्षाद्वदितिः परि ॥
Samhita Transcription Accented
bhū́rjajńa uttānápado bhuvá ā́śā ajāyanta ǀ
áditerdákṣo ajāyata dákṣādváditiḥ pári ǁ
Samhita Transcription Nonaccented
bhūrjajńa uttānapado bhuva āśā ajāyanta ǀ
aditerdakṣo ajāyata dakṣādvaditiḥ pari ǁ
Padapatha Devanagari Accented
भूः । ज॒ज्ञे॒ । उ॒त्ता॒नऽप॑दः । भु॒वः । आशाः॑ । अ॒जा॒य॒न्त॒ ।
अदि॑तेः । दक्षः॑ । अ॒जा॒य॒त॒ । दक्षा॑त् । ऊं॒ इति॑ । अदि॑तिः । परि॑ ॥
Padapatha Devanagari Nonaccented
भूः । जज्ञे । उत्तानऽपदः । भुवः । आशाः । अजायन्त ।
अदितेः । दक्षः । अजायत । दक्षात् । ऊं इति । अदितिः । परि ॥
Padapatha Transcription Accented
bhū́ḥ ǀ jajńe ǀ uttāná-padaḥ ǀ bhuváḥ ǀ ā́śāḥ ǀ ajāyanta ǀ
áditeḥ ǀ dákṣaḥ ǀ ajāyata ǀ dákṣāt ǀ ūṃ íti ǀ áditiḥ ǀ pári ǁ
Padapatha Transcription Nonaccented
bhūḥ ǀ jajńe ǀ uttāna-padaḥ ǀ bhuvaḥ ǀ āśāḥ ǀ ajāyanta ǀ
aditeḥ ǀ dakṣaḥ ǀ ajāyata ǀ dakṣāt ǀ ūṃ iti ǀ aditiḥ ǀ pari ǁ
10.072.05 (Mandala. Sukta. Rik)
8.3.01.05 (Ashtaka. Adhyaya. Varga. Rik)
10.06.039 (Mandala. Anuvāka. Rik)
Samhita Devanagari Accented
अदि॑ति॒र्ह्यज॑निष्ट॒ दक्ष॒ या दु॑हि॒ता तव॑ ।
तां दे॒वा अन्व॑जायंत भ॒द्रा अ॒मृत॑बंधवः ॥
Samhita Devanagari Nonaccented
अदितिर्ह्यजनिष्ट दक्ष या दुहिता तव ।
तां देवा अन्वजायंत भद्रा अमृतबंधवः ॥
Samhita Transcription Accented
áditirhyájaniṣṭa dákṣa yā́ duhitā́ táva ǀ
tā́m devā́ ánvajāyanta bhadrā́ amṛ́tabandhavaḥ ǁ
Samhita Transcription Nonaccented
aditirhyajaniṣṭa dakṣa yā duhitā tava ǀ
tām devā anvajāyanta bhadrā amṛtabandhavaḥ ǁ
Padapatha Devanagari Accented
अदि॑तिः । हि । अज॑निष्ट । दक्ष॑ । या । दु॒हि॒ता । तव॑ ।
ताम् । दे॒वाः । अनु॑ । अ॒जा॒य॒न्त॒ । भ॒द्राः । अ॒मृत॑ऽबन्धवः ॥
Padapatha Devanagari Nonaccented
अदितिः । हि । अजनिष्ट । दक्ष । या । दुहिता । तव ।
ताम् । देवाः । अनु । अजायन्त । भद्राः । अमृतऽबन्धवः ॥
Padapatha Transcription Accented
áditiḥ ǀ hí ǀ ájaniṣṭa ǀ dákṣa ǀ yā́ ǀ duhitā́ ǀ táva ǀ
tā́m ǀ devā́ḥ ǀ ánu ǀ ajāyanta ǀ bhadrā́ḥ ǀ amṛ́ta-bandhavaḥ ǁ
Padapatha Transcription Nonaccented
aditiḥ ǀ hi ǀ ajaniṣṭa ǀ dakṣa ǀ yā ǀ duhitā ǀ tava ǀ
tām ǀ devāḥ ǀ anu ǀ ajāyanta ǀ bhadrāḥ ǀ amṛta-bandhavaḥ ǁ
10.072.06 (Mandala. Sukta. Rik)
8.3.02.01 (Ashtaka. Adhyaya. Varga. Rik)
10.06.040 (Mandala. Anuvāka. Rik)
Samhita Devanagari Accented
यद्दे॑वा अ॒दः स॑लि॒ले सुसं॑रब्धा॒ अति॑ष्ठत ।
अत्रा॑ वो॒ नृत्य॑तामिव ती॒व्रो रे॒णुरपा॑यत ॥
Samhita Devanagari Nonaccented
यद्देवा अदः सलिले सुसंरब्धा अतिष्ठत ।
अत्रा वो नृत्यतामिव तीव्रो रेणुरपायत ॥
Samhita Transcription Accented
yáddevā adáḥ salilé súsaṃrabdhā átiṣṭhata ǀ
átrā vo nṛ́tyatāmiva tīvró reṇúrápāyata ǁ
Samhita Transcription Nonaccented
yaddevā adaḥ salile susaṃrabdhā atiṣṭhata ǀ
atrā vo nṛtyatāmiva tīvro reṇurapāyata ǁ
Padapatha Devanagari Accented
यत् । दे॒वाः॒ । अ॒दः । स॒लि॒ले । सुऽसं॑रब्धाः । अति॑ष्ठत ।
अत्र॑ । वः॒ । नृत्य॑ताम्ऽइव । ती॒व्रः । रे॒णुः । अप॑ । आ॒य॒त॒ ॥
Padapatha Devanagari Nonaccented
यत् । देवाः । अदः । सलिले । सुऽसंरब्धाः । अतिष्ठत ।
अत्र । वः । नृत्यताम्ऽइव । तीव्रः । रेणुः । अप । आयत ॥
Padapatha Transcription Accented
yát ǀ devāḥ ǀ adáḥ ǀ salilé ǀ sú-saṃrabdhāḥ ǀ átiṣṭhata ǀ
átra ǀ vaḥ ǀ nṛ́tyatām-iva ǀ tīvráḥ ǀ reṇúḥ ǀ ápa ǀ āyata ǁ
Padapatha Transcription Nonaccented
yat ǀ devāḥ ǀ adaḥ ǀ salile ǀ su-saṃrabdhāḥ ǀ atiṣṭhata ǀ
atra ǀ vaḥ ǀ nṛtyatām-iva ǀ tīvraḥ ǀ reṇuḥ ǀ apa ǀ āyata ǁ
10.072.07 (Mandala. Sukta. Rik)
8.3.02.02 (Ashtaka. Adhyaya. Varga. Rik)
10.06.041 (Mandala. Anuvāka. Rik)
Samhita Devanagari Accented
यद्दे॑वा॒ यत॑यो यथा॒ भुव॑ना॒न्यपि॑न्वत ।
अत्रा॑ समु॒द्र आ गू॒ळ्हमा सूर्य॑मजभर्तन ॥
Samhita Devanagari Nonaccented
यद्देवा यतयो यथा भुवनान्यपिन्वत ।
अत्रा समुद्र आ गूळ्हमा सूर्यमजभर्तन ॥
Samhita Transcription Accented
yáddevā yátayo yathā bhúvanānyápinvata ǀ
átrā samudrá ā́ gūḷhámā́ sū́ryamajabhartana ǁ
Samhita Transcription Nonaccented
yaddevā yatayo yathā bhuvanānyapinvata ǀ
atrā samudra ā gūḷhamā sūryamajabhartana ǁ
Padapatha Devanagari Accented
यत् । दे॒वाः॒ । यत॑यः । य॒था॒ । भुव॑नानि । अपि॑न्वत ।
अत्र॑ । स॒मु॒द्रे । आ । गू॒ळ्हम् । आ । सूर्य॑म् । अ॒ज॒भ॒र्त॒न॒ ॥
Padapatha Devanagari Nonaccented
यत् । देवाः । यतयः । यथा । भुवनानि । अपिन्वत ।
अत्र । समुद्रे । आ । गूळ्हम् । आ । सूर्यम् । अजभर्तन ॥
Padapatha Transcription Accented
yát ǀ devāḥ ǀ yátayaḥ ǀ yathā ǀ bhúvanāni ǀ ápinvata ǀ
átra ǀ samudré ǀ ā́ ǀ gūḷhám ǀ ā́ ǀ sū́ryam ǀ ajabhartana ǁ
Padapatha Transcription Nonaccented
yat ǀ devāḥ ǀ yatayaḥ ǀ yathā ǀ bhuvanāni ǀ apinvata ǀ
atra ǀ samudre ǀ ā ǀ gūḷham ǀ ā ǀ sūryam ǀ ajabhartana ǁ
10.072.08 (Mandala. Sukta. Rik)
8.3.02.03 (Ashtaka. Adhyaya. Varga. Rik)
10.06.042 (Mandala. Anuvāka. Rik)
Samhita Devanagari Accented
अ॒ष्टौ पु॒त्रासो॒ अदि॑ते॒र्ये जा॒तास्त॒न्व१॒॑स्परि॑ ।
दे॒वाँ उप॒ प्रैत्स॒प्तभिः॒ परा॑ मार्तां॒डमा॑स्यत् ॥
Samhita Devanagari Nonaccented
अष्टौ पुत्रासो अदितेर्ये जातास्तन्वस्परि ।
देवाँ उप प्रैत्सप्तभिः परा मार्तांडमास्यत् ॥
Samhita Transcription Accented
aṣṭáu putrā́so áditeryé jātā́stanváspári ǀ
devā́m̐ úpa práitsaptábhiḥ párā mārtāṇḍámāsyat ǁ
Samhita Transcription Nonaccented
aṣṭau putrāso aditerye jātāstanvaspari ǀ
devām̐ upa praitsaptabhiḥ parā mārtāṇḍamāsyat ǁ
Padapatha Devanagari Accented
अ॒ष्टौ । पु॒त्रासः॑ । अदि॑तेः । ये । जा॒ताः । त॒न्वः॑ । परि॑ ।
दे॒वान् । उप॑ । प्र । ऐ॒त् । स॒प्तऽभिः॑ । परा॑ । मा॒र्ता॒ण्डम् । आ॒स्य॒त् ॥
Padapatha Devanagari Nonaccented
अष्टौ । पुत्रासः । अदितेः । ये । जाताः । तन्वः । परि ।
देवान् । उप । प्र । ऐत् । सप्तऽभिः । परा । मार्ताण्डम् । आस्यत् ॥
Padapatha Transcription Accented
aṣṭáu ǀ putrā́saḥ ǀ áditeḥ ǀ yé ǀ jātā́ḥ ǀ tanváḥ ǀ pári ǀ
devā́n ǀ úpa ǀ prá ǀ ait ǀ saptá-bhiḥ ǀ párā ǀ mārtāṇḍám ǀ āsyat ǁ
Padapatha Transcription Nonaccented
aṣṭau ǀ putrāsaḥ ǀ aditeḥ ǀ ye ǀ jātāḥ ǀ tanvaḥ ǀ pari ǀ
devān ǀ upa ǀ pra ǀ ait ǀ sapta-bhiḥ ǀ parā ǀ mārtāṇḍam ǀ āsyat ǁ
10.072.09 (Mandala. Sukta. Rik)
8.3.02.04 (Ashtaka. Adhyaya. Varga. Rik)
10.06.043 (Mandala. Anuvāka. Rik)
Samhita Devanagari Accented
स॒प्तभिः॑ पु॒त्रैरदि॑ति॒रुप॒ प्रैत्पू॒र्व्यं यु॒गं ।
प्र॒जायै॑ मृ॒त्यवे॑ त्व॒त्पुन॑र्मार्तां॒डमाभ॑रत् ॥
Samhita Devanagari Nonaccented
सप्तभिः पुत्रैरदितिरुप प्रैत्पूर्व्यं युगं ।
प्रजायै मृत्यवे त्वत्पुनर्मार्तांडमाभरत् ॥
Samhita Transcription Accented
saptábhiḥ putráiráditirúpa práitpūrvyám yugám ǀ
prajā́yai mṛtyáve tvatpúnarmārtāṇḍámā́bharat ǁ
Samhita Transcription Nonaccented
saptabhiḥ putrairaditirupa praitpūrvyam yugam ǀ
prajāyai mṛtyave tvatpunarmārtāṇḍamābharat ǁ
Padapatha Devanagari Accented
स॒प्तऽभिः॑ । पु॒त्रैः । अदि॑तिः । उप॑ । प्र । ऐ॒त् । पू॒र्व्यम् । यु॒गम् ।
प्र॒ऽजायै॑ । मृ॒त्यवे॑ । त्व॒त् । पुनः॑ । मा॒र्ता॒ण्डम् । आ । अ॒भ॒र॒त् ॥
Padapatha Devanagari Nonaccented
सप्तऽभिः । पुत्रैः । अदितिः । उप । प्र । ऐत् । पूर्व्यम् । युगम् ।
प्रऽजायै । मृत्यवे । त्वत् । पुनः । मार्ताण्डम् । आ । अभरत् ॥
Padapatha Transcription Accented
saptá-bhiḥ ǀ putráiḥ ǀ áditiḥ ǀ úpa ǀ prá ǀ ait ǀ pūrvyám ǀ yugám ǀ
pra-jā́yai ǀ mṛtyáve ǀ tvat ǀ púnaḥ ǀ mārtāṇḍám ǀ ā́ ǀ abharat ǁ
Padapatha Transcription Nonaccented
sapta-bhiḥ ǀ putraiḥ ǀ aditiḥ ǀ upa ǀ pra ǀ ait ǀ pūrvyam ǀ yugam ǀ
pra-jāyai ǀ mṛtyave ǀ tvat ǀ punaḥ ǀ mārtāṇḍam ǀ ā ǀ abharat ǁ