|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 5
Sūkta 44
|
1. Info |
| To: | viśvedevās | |
| From: | avatsāra kāśyapa and other | |
| Metres: | 1st set of styles: nicṛjjagatī (2-6); jagatī (8, 9, 12); virāṭjagatī (1, 13); svarāṭtriṣṭup (10, 11); bhuriktriṣṭup (7); virāṭtrisṭup (14); triṣṭup (15) 2nd set of styles: jagatī (1-13); triṣṭubh (14, 15) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
05.044.01 (Mandala. Sukta. Rik)
4.2.23.01 (Ashtaka. Adhyaya. Varga. Rik)
05.03.113 (Mandala. Anuvāka. Rik)
Samhita Devanagari Accented
तं प्र॒त्नथा॑ पू॒र्वथा॑ वि॒श्वथे॒मथा॑ ज्ये॒ष्ठता॑तिं बर्हि॒षदं॑ स्व॒र्विदं॑ ।
प्र॒ती॒ची॒नं वृ॒जनं॑ दोहसे गि॒राशुं जयं॑त॒मनु॒ यासु॒ वर्ध॑से ॥
Samhita Devanagari Nonaccented
तं प्रत्नथा पूर्वथा विश्वथेमथा ज्येष्ठतातिं बर्हिषदं स्वर्विदं ।
प्रतीचीनं वृजनं दोहसे गिराशुं जयंतमनु यासु वर्धसे ॥
Samhita Transcription Accented
tám pratnáthā pūrváthā viśváthemáthā jyeṣṭhátātim barhiṣádam svarvídam ǀ
pratīcīnám vṛjánam dohase girā́śúm jáyantamánu yā́su várdhase ǁ
Samhita Transcription Nonaccented
tam pratnathā pūrvathā viśvathemathā jyeṣṭhatātim barhiṣadam svarvidam ǀ
pratīcīnam vṛjanam dohase girāśum jayantamanu yāsu vardhase ǁ
Padapatha Devanagari Accented
तम् । प्र॒त्नऽथा॑ । पू॒र्वऽथा॑ । वि॒श्वऽथा॑ । इ॒मऽथा॑ । ज्ये॒ष्ठऽता॑तिम् । ब॒र्हि॒ऽसद॑म् । स्वः॒ऽविद॑म् ।
प्र॒ती॒ची॒नम् । वृ॒जन॑म् । दो॒ह॒से॒ । गि॒रा । आ॒शुम् । जय॑न्तम् । अनु॑ । यासु॑ । वर्ध॑से ॥
Padapatha Devanagari Nonaccented
तम् । प्रत्नऽथा । पूर्वऽथा । विश्वऽथा । इमऽथा । ज्येष्ठऽतातिम् । बर्हिऽसदम् । स्वःऽविदम् ।
प्रतीचीनम् । वृजनम् । दोहसे । गिरा । आशुम् । जयन्तम् । अनु । यासु । वर्धसे ॥
Padapatha Transcription Accented
tám ǀ pratná-thā ǀ pūrvá-thā ǀ viśvá-thā ǀ imá-thā ǀ jyeṣṭhá-tātim ǀ barhi-sádam ǀ svaḥ-vídam ǀ
pratīcīnám ǀ vṛjánam ǀ dohase ǀ girā́ ǀ āśúm ǀ jáyantam ǀ ánu ǀ yā́su ǀ várdhase ǁ
Padapatha Transcription Nonaccented
tam ǀ pratna-thā ǀ pūrva-thā ǀ viśva-thā ǀ ima-thā ǀ jyeṣṭha-tātim ǀ barhi-sadam ǀ svaḥ-vidam ǀ
pratīcīnam ǀ vṛjanam ǀ dohase ǀ girā ǀ āśum ǀ jayantam ǀ anu ǀ yāsu ǀ vardhase ǁ
05.044.02 (Mandala. Sukta. Rik)
4.2.23.02 (Ashtaka. Adhyaya. Varga. Rik)
05.03.114 (Mandala. Anuvāka. Rik)
Samhita Devanagari Accented
श्रि॒ये सु॒दृशी॒रुप॑रस्य॒ याः स्व॑र्वि॒रोच॑मानः क॒कुभा॑मचो॒दते॑ ।
सु॒गो॒पा अ॑सि॒ न दभा॑य सुक्रतो प॒रो मा॒याभि॑र्ऋ॒त आ॑स॒ नाम॑ ते ॥
Samhita Devanagari Nonaccented
श्रिये सुदृशीरुपरस्य याः स्वर्विरोचमानः ककुभामचोदते ।
सुगोपा असि न दभाय सुक्रतो परो मायाभिर्ऋत आस नाम ते ॥
Samhita Transcription Accented
śriyé sudṛ́śīrúparasya yā́ḥ svárvirócamānaḥ kakúbhāmacodáte ǀ
sugopā́ asi ná dábhāya sukrato paró māyā́bhirṛtá āsa nā́ma te ǁ
Samhita Transcription Nonaccented
śriye sudṛśīruparasya yāḥ svarvirocamānaḥ kakubhāmacodate ǀ
sugopā asi na dabhāya sukrato paro māyābhirṛta āsa nāma te ǁ
Padapatha Devanagari Accented
श्रि॒ये । सु॒ऽदृशीः॑ । उप॑रस्य । याः । स्वः॑ । वि॒ऽरोच॑मानः । क॒कुभा॑म् । अ॒चो॒दते॑ ।
सु॒ऽगो॒पाः । अ॒सि॒ । न । दभा॑य । सु॒क्र॒तो॒ इति॑ सुऽक्रतो । प॒रः । मा॒याभिः॑ । ऋ॒ते । आ॒स॒ । नाम॑ । ते॒ ॥
Padapatha Devanagari Nonaccented
श्रिये । सुऽदृशीः । उपरस्य । याः । स्वः । विऽरोचमानः । ककुभाम् । अचोदते ।
सुऽगोपाः । असि । न । दभाय । सुक्रतो इति सुऽक्रतो । परः । मायाभिः । ऋते । आस । नाम । ते ॥
Padapatha Transcription Accented
śriyé ǀ su-dṛ́śīḥ ǀ úparasya ǀ yā́ḥ ǀ sváḥ ǀ vi-rócamānaḥ ǀ kakúbhām ǀ acodáte ǀ
su-gopā́ḥ ǀ asi ǀ ná ǀ dábhāya ǀ sukrato íti su-krato ǀ paráḥ ǀ māyā́bhiḥ ǀ ṛté ǀ āsa ǀ nā́ma ǀ te ǁ
Padapatha Transcription Nonaccented
śriye ǀ su-dṛśīḥ ǀ uparasya ǀ yāḥ ǀ svaḥ ǀ vi-rocamānaḥ ǀ kakubhām ǀ acodate ǀ
su-gopāḥ ǀ asi ǀ na ǀ dabhāya ǀ sukrato iti su-krato ǀ paraḥ ǀ māyābhiḥ ǀ ṛte ǀ āsa ǀ nāma ǀ te ǁ
05.044.03 (Mandala. Sukta. Rik)
4.2.23.03 (Ashtaka. Adhyaya. Varga. Rik)
05.03.115 (Mandala. Anuvāka. Rik)
Samhita Devanagari Accented
अत्यं॑ ह॒विः स॑चते॒ सच्च॒ धातु॒ चारि॑ष्टगातुः॒ स होता॑ सहो॒भरिः॑ ।
प्र॒सर्स्रा॑णो॒ अनु॑ ब॒र्हिर्वृषा॒ शिशु॒र्मध्ये॒ युवा॒जरो॑ वि॒स्रुहा॑ हि॒तः ॥
Samhita Devanagari Nonaccented
अत्यं हविः सचते सच्च धातु चारिष्टगातुः स होता सहोभरिः ।
प्रसर्स्राणो अनु बर्हिर्वृषा शिशुर्मध्ये युवाजरो विस्रुहा हितः ॥
Samhita Transcription Accented
átyam havíḥ sacate sácca dhā́tu cā́riṣṭagātuḥ sá hótā sahobháriḥ ǀ
prasársrāṇo ánu barhírvṛ́ṣā śíśurmádhye yúvājáro visrúhā hitáḥ ǁ
Samhita Transcription Nonaccented
atyam haviḥ sacate sacca dhātu cāriṣṭagātuḥ sa hotā sahobhariḥ ǀ
prasarsrāṇo anu barhirvṛṣā śiśurmadhye yuvājaro visruhā hitaḥ ǁ
Padapatha Devanagari Accented
अत्य॑म् । ह॒विः । स॒च॒ते॒ । सत् । च॒ । धातु॑ । च॒ । अरि॑ष्टऽगातुः । सः । होता॑ । स॒हः॒ऽभरिः॑ ।
प्र॒ऽसर्स्रा॑णः । अनु॑ । ब॒र्हिः । वृषा॑ । शिशुः॑ । मध्ये॑ । युवा॑ । अ॒जरः॑ । वि॒ऽस्रुहा॑ । हि॒तः ॥
Padapatha Devanagari Nonaccented
अत्यम् । हविः । सचते । सत् । च । धातु । च । अरिष्टऽगातुः । सः । होता । सहःऽभरिः ।
प्रऽसर्स्राणः । अनु । बर्हिः । वृषा । शिशुः । मध्ये । युवा । अजरः । विऽस्रुहा । हितः ॥
Padapatha Transcription Accented
átyam ǀ havíḥ ǀ sacate ǀ sát ǀ ca ǀ dhā́tu ǀ ca ǀ áriṣṭa-gātuḥ ǀ sáḥ ǀ hótā ǀ sahaḥ-bháriḥ ǀ
pra-sársrāṇaḥ ǀ ánu ǀ barhíḥ ǀ vṛ́ṣā ǀ śíśuḥ ǀ mádhye ǀ yúvā ǀ ajáraḥ ǀ vi-srúhā ǀ hitáḥ ǁ
Padapatha Transcription Nonaccented
atyam ǀ haviḥ ǀ sacate ǀ sat ǀ ca ǀ dhātu ǀ ca ǀ ariṣṭa-gātuḥ ǀ saḥ ǀ hotā ǀ sahaḥ-bhariḥ ǀ
pra-sarsrāṇaḥ ǀ anu ǀ barhiḥ ǀ vṛṣā ǀ śiśuḥ ǀ madhye ǀ yuvā ǀ ajaraḥ ǀ vi-sruhā ǀ hitaḥ ǁ
05.044.04 (Mandala. Sukta. Rik)
4.2.23.04 (Ashtaka. Adhyaya. Varga. Rik)
05.03.116 (Mandala. Anuvāka. Rik)
Samhita Devanagari Accented
प्र व॑ ए॒ते सु॒युजो॒ याम॑न्नि॒ष्टये॒ नीची॑र॒मुष्मै॑ य॒म्य॑ ऋता॒वृधः॑ ।
सु॒यंतु॑भिः सर्वशा॒सैर॒भीशु॑भिः॒ क्रिवि॒र्नामा॑नि प्रव॒णे मु॑षायति ॥
Samhita Devanagari Nonaccented
प्र व एते सुयुजो यामन्निष्टये नीचीरमुष्मै यम्य ऋतावृधः ।
सुयंतुभिः सर्वशासैरभीशुभिः क्रिविर्नामानि प्रवणे मुषायति ॥
Samhita Transcription Accented
prá va eté suyújo yā́manniṣṭáye nī́cīramúṣmai yamyá ṛtāvṛ́dhaḥ ǀ
suyántubhiḥ sarvaśāsáirabhī́śubhiḥ krívirnā́māni pravaṇé muṣāyati ǁ
Samhita Transcription Nonaccented
pra va ete suyujo yāmanniṣṭaye nīcīramuṣmai yamya ṛtāvṛdhaḥ ǀ
suyantubhiḥ sarvaśāsairabhīśubhiḥ krivirnāmāni pravaṇe muṣāyati ǁ
Padapatha Devanagari Accented
प्र । वः॒ । ए॒ते । सु॒ऽयुजः॑ । याम॑न् । इ॒ष्टये॑ । नीचीः॑ । अ॒मुष्मै॑ । य॒म्यः॑ । ऋ॒त॒ऽवृधः॑ ।
सु॒यन्तु॑ऽभिः । स॒र्व॒ऽशा॒सैः । अ॒भीशु॑ऽभिः । क्रिविः॑ । नामा॑नि । प्र॒व॒णे । मु॒षा॒य॒ति॒ ॥
Padapatha Devanagari Nonaccented
प्र । वः । एते । सुऽयुजः । यामन् । इष्टये । नीचीः । अमुष्मै । यम्यः । ऋतऽवृधः ।
सुयन्तुऽभिः । सर्वऽशासैः । अभीशुऽभिः । क्रिविः । नामानि । प्रवणे । मुषायति ॥
Padapatha Transcription Accented
prá ǀ vaḥ ǀ eté ǀ su-yújaḥ ǀ yā́man ǀ iṣṭáye ǀ nī́cīḥ ǀ amúṣmai ǀ yamyáḥ ǀ ṛta-vṛ́dhaḥ ǀ
suyántu-bhiḥ ǀ sarva-śāsáiḥ ǀ abhī́śu-bhiḥ ǀ kríviḥ ǀ nā́māni ǀ pravaṇé ǀ muṣāyati ǁ
Padapatha Transcription Nonaccented
pra ǀ vaḥ ǀ ete ǀ su-yujaḥ ǀ yāman ǀ iṣṭaye ǀ nīcīḥ ǀ amuṣmai ǀ yamyaḥ ǀ ṛta-vṛdhaḥ ǀ
suyantu-bhiḥ ǀ sarva-śāsaiḥ ǀ abhīśu-bhiḥ ǀ kriviḥ ǀ nāmāni ǀ pravaṇe ǀ muṣāyati ǁ
05.044.05 (Mandala. Sukta. Rik)
4.2.23.05 (Ashtaka. Adhyaya. Varga. Rik)
05.03.117 (Mandala. Anuvāka. Rik)
Samhita Devanagari Accented
सं॒जर्भु॑राण॒स्तरु॑भिः सुते॒गृभं॑ वया॒किनं॑ चि॒त्तग॑र्भासु सु॒स्वरुः॑ ।
धा॒र॒वा॒केष्वृ॑जुगाथ शोभसे॒ वर्ध॑स्व॒ पत्नी॑र॒भि जी॒वो अ॑ध्व॒रे ॥
Samhita Devanagari Nonaccented
संजर्भुराणस्तरुभिः सुतेगृभं वयाकिनं चित्तगर्भासु सुस्वरुः ।
धारवाकेष्वृजुगाथ शोभसे वर्धस्व पत्नीरभि जीवो अध्वरे ॥
Samhita Transcription Accented
saṃjárbhurāṇastárubhiḥ sutegṛ́bham vayākínam cittágarbhāsu susváruḥ ǀ
dhāravākéṣvṛjugātha śobhase várdhasva pátnīrabhí jīvó adhvaré ǁ
Samhita Transcription Nonaccented
saṃjarbhurāṇastarubhiḥ sutegṛbham vayākinam cittagarbhāsu susvaruḥ ǀ
dhāravākeṣvṛjugātha śobhase vardhasva patnīrabhi jīvo adhvare ǁ
Padapatha Devanagari Accented
स॒म्ऽजर्भु॑राणः । तरु॑ऽभिः । सु॒ते॒ऽगृभ॑म् । व॒या॒किन॑म् । चि॒त्तऽग॑र्भासु । सु॒ऽस्वरुः॑ ।
धा॒र॒ऽवा॒केषु॑ । ऋ॒जु॒ऽगा॒थ॒ । शो॒भ॒से॒ । वर्ध॑स्व । पत्नीः॑ । अ॒भि । जी॒वः । अ॒ध्व॒रे ॥
Padapatha Devanagari Nonaccented
सम्ऽजर्भुराणः । तरुऽभिः । सुतेऽगृभम् । वयाकिनम् । चित्तऽगर्भासु । सुऽस्वरुः ।
धारऽवाकेषु । ऋजुऽगाथ । शोभसे । वर्धस्व । पत्नीः । अभि । जीवः । अध्वरे ॥
Padapatha Transcription Accented
sam-járbhurāṇaḥ ǀ táru-bhiḥ ǀ sute-gṛ́bham ǀ vayākínam ǀ cittá-garbhāsu ǀ su-sváruḥ ǀ
dhāra-vākéṣu ǀ ṛju-gātha ǀ śobhase ǀ várdhasva ǀ pátnīḥ ǀ abhí ǀ jīváḥ ǀ adhvaré ǁ
Padapatha Transcription Nonaccented
sam-jarbhurāṇaḥ ǀ taru-bhiḥ ǀ sute-gṛbham ǀ vayākinam ǀ citta-garbhāsu ǀ su-svaruḥ ǀ
dhāra-vākeṣu ǀ ṛju-gātha ǀ śobhase ǀ vardhasva ǀ patnīḥ ǀ abhi ǀ jīvaḥ ǀ adhvare ǁ
05.044.06 (Mandala. Sukta. Rik)
4.2.24.01 (Ashtaka. Adhyaya. Varga. Rik)
05.03.118 (Mandala. Anuvāka. Rik)
Samhita Devanagari Accented
या॒दृगे॒व ददृ॑शे ता॒दृगु॑च्यते॒ सं छा॒यया॑ दधिरे सि॒ध्रया॒प्स्वा ।
म॒हीम॒स्मभ्य॑मुरु॒षामु॒रु ज्रयो॑ बृ॒हत्सु॒वीर॒मन॑पच्युतं॒ सहः॑ ॥
Samhita Devanagari Nonaccented
यादृगेव ददृशे तादृगुच्यते सं छायया दधिरे सिध्रयाप्स्वा ।
महीमस्मभ्यमुरुषामुरु ज्रयो बृहत्सुवीरमनपच्युतं सहः ॥
Samhita Transcription Accented
yādṛ́gevá dádṛśe tādṛ́gucyate sám chāyáyā dadhire sidhráyāpsvā́ ǀ
mahī́masmábhyamuruṣā́murú jráyo bṛhátsuvī́ramánapacyutam sáhaḥ ǁ
Samhita Transcription Nonaccented
yādṛgeva dadṛśe tādṛgucyate sam chāyayā dadhire sidhrayāpsvā ǀ
mahīmasmabhyamuruṣāmuru jrayo bṛhatsuvīramanapacyutam sahaḥ ǁ
Padapatha Devanagari Accented
या॒दृक् । ए॒व । ददृ॑शे । ता॒दृक् । उ॒च्य॒ते॒ । सम् । छा॒यया॑ । द॒धि॒रे॒ । सि॒ध्रया॑ । अ॒प्ऽसु । आ ।
म॒हीम् । अ॒स्मभ्य॑म् । उ॒रु॒ऽसाम् । उ॒रु । ज्रयः॑ । बृ॒हत् । सु॒ऽवीर॑म् । अन॑पऽच्युतम् । सहः॑ ॥
Padapatha Devanagari Nonaccented
यादृक् । एव । ददृशे । तादृक् । उच्यते । सम् । छायया । दधिरे । सिध्रया । अप्ऽसु । आ ।
महीम् । अस्मभ्यम् । उरुऽसाम् । उरु । ज्रयः । बृहत् । सुऽवीरम् । अनपऽच्युतम् । सहः ॥
Padapatha Transcription Accented
yādṛ́k ǀ evá ǀ dádṛśe ǀ tādṛ́k ǀ ucyate ǀ sám ǀ chāyáyā ǀ dadhire ǀ sidhráyā ǀ ap-sú ǀ ā́ ǀ
mahī́m ǀ asmábhyam ǀ uru-sā́m ǀ urú ǀ jráyaḥ ǀ bṛhát ǀ su-vī́ram ǀ ánapa-cyutam ǀ sáhaḥ ǁ
Padapatha Transcription Nonaccented
yādṛk ǀ eva ǀ dadṛśe ǀ tādṛk ǀ ucyate ǀ sam ǀ chāyayā ǀ dadhire ǀ sidhrayā ǀ ap-su ǀ ā ǀ
mahīm ǀ asmabhyam ǀ uru-sām ǀ uru ǀ jrayaḥ ǀ bṛhat ǀ su-vīram ǀ anapa-cyutam ǀ sahaḥ ǁ
05.044.07 (Mandala. Sukta. Rik)
4.2.24.02 (Ashtaka. Adhyaya. Varga. Rik)
05.03.119 (Mandala. Anuvāka. Rik)
Samhita Devanagari Accented
वेत्यग्रु॒र्जनि॑वा॒न्वा अति॒ स्पृधः॑ समर्य॒ता मन॑सा॒ सूर्यः॑ क॒विः ।
घ्रं॒सं रक्षं॑तं॒ परि॑ वि॒श्वतो॒ गय॑म॒स्माकं॒ शर्म॑ वनव॒त्स्वाव॑सुः ॥
Samhita Devanagari Nonaccented
वेत्यग्रुर्जनिवान्वा अति स्पृधः समर्यता मनसा सूर्यः कविः ।
घ्रंसं रक्षंतं परि विश्वतो गयमस्माकं शर्म वनवत्स्वावसुः ॥
Samhita Transcription Accented
vétyágrurjánivānvā́ áti spṛ́dhaḥ samaryatā́ mánasā sū́ryaḥ kavíḥ ǀ
ghraṃsám rákṣantam pári viśváto gáyamasmā́kam śárma vanavatsvā́vasuḥ ǁ
Samhita Transcription Nonaccented
vetyagrurjanivānvā ati spṛdhaḥ samaryatā manasā sūryaḥ kaviḥ ǀ
ghraṃsam rakṣantam pari viśvato gayamasmākam śarma vanavatsvāvasuḥ ǁ
Padapatha Devanagari Accented
वेति॑ । अग्रुः॑ । जनि॑ऽवान् । वै । अति॑ । स्पृधः॑ । स॒ऽम॒र्य॒ता । मन॑सा । सूर्यः॑ । क॒विः ।
घ्रं॒सम् । रक्ष॑न्तम् । परि॑ । वि॒श्वतः॑ । गय॑म् । अ॒स्माक॑म् । शर्म॑ । व॒न॒व॒त् । स्वऽव॑सुः ॥
Padapatha Devanagari Nonaccented
वेति । अग्रुः । जनिऽवान् । वै । अति । स्पृधः । सऽमर्यता । मनसा । सूर्यः । कविः ।
घ्रंसम् । रक्षन्तम् । परि । विश्वतः । गयम् । अस्माकम् । शर्म । वनवत् । स्वऽवसुः ॥
Padapatha Transcription Accented
véti ǀ ágruḥ ǀ jáni-vān ǀ vái ǀ áti ǀ spṛ́dhaḥ ǀ sa-maryatā́ ǀ mánasā ǀ sū́ryaḥ ǀ kavíḥ ǀ
ghraṃsám ǀ rákṣantam ǀ pári ǀ viśvátaḥ ǀ gáyam ǀ asmā́kam ǀ śárma ǀ vanavat ǀ svá-vasuḥ ǁ
Padapatha Transcription Nonaccented
veti ǀ agruḥ ǀ jani-vān ǀ vai ǀ ati ǀ spṛdhaḥ ǀ sa-maryatā ǀ manasā ǀ sūryaḥ ǀ kaviḥ ǀ
ghraṃsam ǀ rakṣantam ǀ pari ǀ viśvataḥ ǀ gayam ǀ asmākam ǀ śarma ǀ vanavat ǀ sva-vasuḥ ǁ
05.044.08 (Mandala. Sukta. Rik)
4.2.24.03 (Ashtaka. Adhyaya. Varga. Rik)
05.03.120 (Mandala. Anuvāka. Rik)
Samhita Devanagari Accented
ज्यायां॑सम॒स्य य॒तुन॑स्य के॒तुन॑ ऋषिस्व॒रं च॑रति॒ यासु॒ नाम॑ ते ।
या॒दृश्मिं॒धायि॒ तम॑प॒स्यया॑ विद॒द्य उ॑ स्व॒यं वह॑ते॒ सो अरं॑ करत् ॥
Samhita Devanagari Nonaccented
ज्यायांसमस्य यतुनस्य केतुन ऋषिस्वरं चरति यासु नाम ते ।
यादृश्मिंधायि तमपस्यया विदद्य उ स्वयं वहते सो अरं करत् ॥
Samhita Transcription Accented
jyā́yāṃsamasyá yatúnasya ketúna ṛṣisvarám carati yā́su nā́ma te ǀ
yādṛ́śmindhā́yi támapasyáyā vidadyá u svayám váhate só áram karat ǁ
Samhita Transcription Nonaccented
jyāyāṃsamasya yatunasya ketuna ṛṣisvaram carati yāsu nāma te ǀ
yādṛśmindhāyi tamapasyayā vidadya u svayam vahate so aram karat ǁ
Padapatha Devanagari Accented
ज्यायां॑सम् । अ॒स्य । य॒तुन॑स्य । के॒तुना॑ । ऋ॒षि॒ऽस्व॒रम् । च॒र॒ति॒ । यासु॑ । नाम॑ । ते॒ ।
या॒दृश्मि॑न् । धायि॑ । तम् । अ॒प॒स्यया॑ । वि॒द॒त् । यः । ऊं॒ इति॑ । स्व॒यम् । वह॑ते । सः । अर॑म् । क॒र॒त् ॥
Padapatha Devanagari Nonaccented
ज्यायांसम् । अस्य । यतुनस्य । केतुना । ऋषिऽस्वरम् । चरति । यासु । नाम । ते ।
यादृश्मिन् । धायि । तम् । अपस्यया । विदत् । यः । ऊं इति । स्वयम् । वहते । सः । अरम् । करत् ॥
Padapatha Transcription Accented
jyā́yāṃsam ǀ asyá ǀ yatúnasya ǀ ketúnā ǀ ṛṣi-svarám ǀ carati ǀ yā́su ǀ nā́ma ǀ te ǀ
yādṛ́śmin ǀ dhā́yi ǀ tám ǀ apasyáyā ǀ vidat ǀ yáḥ ǀ ūṃ íti ǀ svayám ǀ váhate ǀ sáḥ ǀ áram ǀ karat ǁ
Padapatha Transcription Nonaccented
jyāyāṃsam ǀ asya ǀ yatunasya ǀ ketunā ǀ ṛṣi-svaram ǀ carati ǀ yāsu ǀ nāma ǀ te ǀ
yādṛśmin ǀ dhāyi ǀ tam ǀ apasyayā ǀ vidat ǀ yaḥ ǀ ūṃ iti ǀ svayam ǀ vahate ǀ saḥ ǀ aram ǀ karat ǁ
05.044.09 (Mandala. Sukta. Rik)
4.2.24.04 (Ashtaka. Adhyaya. Varga. Rik)
05.03.121 (Mandala. Anuvāka. Rik)
Samhita Devanagari Accented
स॒मु॒द्रमा॑सा॒मव॑ तस्थे अग्रि॒मा न रि॑ष्यति॒ सव॑नं॒ यस्मि॒न्नाय॑ता ।
अत्रा॒ न हार्दि॑ क्रव॒णस्य॑ रेजते॒ यत्रा॑ म॒तिर्वि॒द्यते॑ पूत॒बंध॑नी ॥
Samhita Devanagari Nonaccented
समुद्रमासामव तस्थे अग्रिमा न रिष्यति सवनं यस्मिन्नायता ।
अत्रा न हार्दि क्रवणस्य रेजते यत्रा मतिर्विद्यते पूतबंधनी ॥
Samhita Transcription Accented
samudrámāsāmáva tasthe agrimā́ ná riṣyati sávanam yásminnā́yatā ǀ
átrā ná hā́rdi kravaṇásya rejate yátrā matírvidyáte pūtabándhanī ǁ
Samhita Transcription Nonaccented
samudramāsāmava tasthe agrimā na riṣyati savanam yasminnāyatā ǀ
atrā na hārdi kravaṇasya rejate yatrā matirvidyate pūtabandhanī ǁ
Padapatha Devanagari Accented
स॒मु॒द्रम् । आ॒सा॒म् । अव॑ । त॒स्थे॒ । अ॒ग्रि॒मा । न । रि॒ष्य॒ति॒ । सव॑नम् । यस्मि॑न् । आऽय॑ता ।
अत्र॑ । न । हार्दि॑ । क्र॒व॒णस्य॑ । रे॒ज॒ते॒ । यत्र॑ । म॒तिः । वि॒द्यते॑ । पू॒त॒ऽबन्ध॑नी ॥
Padapatha Devanagari Nonaccented
समुद्रम् । आसाम् । अव । तस्थे । अग्रिमा । न । रिष्यति । सवनम् । यस्मिन् । आऽयता ।
अत्र । न । हार्दि । क्रवणस्य । रेजते । यत्र । मतिः । विद्यते । पूतऽबन्धनी ॥
Padapatha Transcription Accented
samudrám ǀ āsām ǀ áva ǀ tasthe ǀ agrimā́ ǀ ná ǀ riṣyati ǀ sávanam ǀ yásmin ǀ ā́-yatā ǀ
átra ǀ ná ǀ hā́rdi ǀ kravaṇásya ǀ rejate ǀ yátra ǀ matíḥ ǀ vidyáte ǀ pūta-bándhanī ǁ
Padapatha Transcription Nonaccented
samudram ǀ āsām ǀ ava ǀ tasthe ǀ agrimā ǀ na ǀ riṣyati ǀ savanam ǀ yasmin ǀ ā-yatā ǀ
atra ǀ na ǀ hārdi ǀ kravaṇasya ǀ rejate ǀ yatra ǀ matiḥ ǀ vidyate ǀ pūta-bandhanī ǁ
05.044.10 (Mandala. Sukta. Rik)
4.2.24.05 (Ashtaka. Adhyaya. Varga. Rik)
05.03.122 (Mandala. Anuvāka. Rik)
Samhita Devanagari Accented
स हि क्ष॒त्रस्य॑ मन॒सस्य॒ चित्ति॑भिरेवाव॒दस्य॑ यज॒तस्य॒ सध्रेः॑ ।
अ॒व॒त्सा॒रस्य॑ स्पृणवाम॒ रण्व॑भिः॒ शवि॑ष्ठं॒ वाजं॑ वि॒दुषा॑ चि॒दर्ध्यं॑ ॥
Samhita Devanagari Nonaccented
स हि क्षत्रस्य मनसस्य चित्तिभिरेवावदस्य यजतस्य सध्रेः ।
अवत्सारस्य स्पृणवाम रण्वभिः शविष्ठं वाजं विदुषा चिदर्ध्यं ॥
Samhita Transcription Accented
sá hí kṣatrásya manasásya cíttibhirevāvadásya yajatásya sádhreḥ ǀ
avatsārásya spṛṇavāma ráṇvabhiḥ śáviṣṭham vā́jam vidúṣā cidárdhyam ǁ
Samhita Transcription Nonaccented
sa hi kṣatrasya manasasya cittibhirevāvadasya yajatasya sadhreḥ ǀ
avatsārasya spṛṇavāma raṇvabhiḥ śaviṣṭham vājam viduṣā cidardhyam ǁ
Padapatha Devanagari Accented
सः । हि । क्ष॒त्रस्य॑ । म॒न॒सस्य॑ । चित्ति॑ऽभिः । ए॒व॒ऽव॒दस्य॑ । य॒ज॒तस्य॑ । सध्रेः॑ ।
अ॒व॒ऽत्सा॒रस्य॑ । स्पृ॒ण॒वा॒म॒ । रण्व॑ऽभिः । शवि॑ष्ठम् । वाज॑म् । वि॒दुषा॑ । चि॒त् । अर्ध्य॑म् ॥
Padapatha Devanagari Nonaccented
सः । हि । क्षत्रस्य । मनसस्य । चित्तिऽभिः । एवऽवदस्य । यजतस्य । सध्रेः ।
अवऽत्सारस्य । स्पृणवाम । रण्वऽभिः । शविष्ठम् । वाजम् । विदुषा । चित् । अर्ध्यम् ॥
Padapatha Transcription Accented
sáḥ ǀ hí ǀ kṣatrásya ǀ manasásya ǀ cítti-bhiḥ ǀ eva-vadásya ǀ yajatásya ǀ sádhreḥ ǀ
ava-tsārásya ǀ spṛṇavāma ǀ ráṇva-bhiḥ ǀ śáviṣṭham ǀ vā́jam ǀ vidúṣā ǀ cit ǀ árdhyam ǁ
Padapatha Transcription Nonaccented
saḥ ǀ hi ǀ kṣatrasya ǀ manasasya ǀ citti-bhiḥ ǀ eva-vadasya ǀ yajatasya ǀ sadhreḥ ǀ
ava-tsārasya ǀ spṛṇavāma ǀ raṇva-bhiḥ ǀ śaviṣṭham ǀ vājam ǀ viduṣā ǀ cit ǀ ardhyam ǁ
05.044.11 (Mandala. Sukta. Rik)
4.2.25.01 (Ashtaka. Adhyaya. Varga. Rik)
05.03.123 (Mandala. Anuvāka. Rik)
Samhita Devanagari Accented
श्ये॒न आ॑सा॒मदि॑तिः क॒क्ष्यो॒३॒॑ मदो॑ वि॒श्ववा॑रस्य यज॒तस्य॑ मा॒यिनः॑ ।
सम॒न्यम॑न्यमर्थयं॒त्येत॑वे वि॒दुर्वि॒षाणं॑ परि॒पान॒मंति॒ ते ॥
Samhita Devanagari Nonaccented
श्येन आसामदितिः कक्ष्यो मदो विश्ववारस्य यजतस्य मायिनः ।
समन्यमन्यमर्थयंत्येतवे विदुर्विषाणं परिपानमंति ते ॥
Samhita Transcription Accented
śyená āsāmáditiḥ kakṣyó mádo viśvávārasya yajatásya māyínaḥ ǀ
sámanyámanyamarthayantyétave vidúrviṣā́ṇam paripā́namánti té ǁ
Samhita Transcription Nonaccented
śyena āsāmaditiḥ kakṣyo mado viśvavārasya yajatasya māyinaḥ ǀ
samanyamanyamarthayantyetave vidurviṣāṇam paripānamanti te ǁ
Padapatha Devanagari Accented
श्ये॒नः । आ॒सा॒म् । अदि॑तिः । क॒क्ष्यः॑ । मदः॑ । वि॒श्वऽवा॑रस्य । य॒ज॒तस्य॑ । मा॒यिनः॑ ।
सम् । अ॒न्यम्ऽअ॑न्यम् । अ॒र्थ॒य॒न्ति॒ । एत॑वे । वि॒दुः । वि॒ऽसान॑म् । प॒रि॒ऽपान॑म् । अन्ति॑ । ते ॥
Padapatha Devanagari Nonaccented
श्येनः । आसाम् । अदितिः । कक्ष्यः । मदः । विश्वऽवारस्य । यजतस्य । मायिनः ।
सम् । अन्यम्ऽअन्यम् । अर्थयन्ति । एतवे । विदुः । विऽसानम् । परिऽपानम् । अन्ति । ते ॥
Padapatha Transcription Accented
śyenáḥ ǀ āsām ǀ áditiḥ ǀ kakṣyáḥ ǀ mádaḥ ǀ viśvá-vārasya ǀ yajatásya ǀ māyínaḥ ǀ
sám ǀ anyám-anyam ǀ arthayanti ǀ étave ǀ vidúḥ ǀ vi-sā́nam ǀ pari-pā́nam ǀ ánti ǀ té ǁ
Padapatha Transcription Nonaccented
śyenaḥ ǀ āsām ǀ aditiḥ ǀ kakṣyaḥ ǀ madaḥ ǀ viśva-vārasya ǀ yajatasya ǀ māyinaḥ ǀ
sam ǀ anyam-anyam ǀ arthayanti ǀ etave ǀ viduḥ ǀ vi-sānam ǀ pari-pānam ǀ anti ǀ te ǁ
05.044.12 (Mandala. Sukta. Rik)
4.2.25.02 (Ashtaka. Adhyaya. Varga. Rik)
05.03.124 (Mandala. Anuvāka. Rik)
Samhita Devanagari Accented
स॒दा॒पृ॒णो य॑ज॒तो वि द्विषो॑ वधीद्बाहुवृ॒क्तः श्रु॑त॒वित्तर्यो॑ वः॒ सचा॑ ।
उ॒भा स वरा॒ प्रत्ये॑ति॒ भाति॑ च॒ यदीं॑ ग॒णं भज॑ते सुप्र॒याव॑भिः ॥
Samhita Devanagari Nonaccented
सदापृणो यजतो वि द्विषो वधीद्बाहुवृक्तः श्रुतवित्तर्यो वः सचा ।
उभा स वरा प्रत्येति भाति च यदीं गणं भजते सुप्रयावभिः ॥
Samhita Transcription Accented
sadāpṛṇó yajató ví dvíṣo vadhīdbāhuvṛktáḥ śrutavíttáryo vaḥ sácā ǀ
ubhā́ sá várā prátyeti bhā́ti ca yádīm gaṇám bhájate suprayā́vabhiḥ ǁ
Samhita Transcription Nonaccented
sadāpṛṇo yajato vi dviṣo vadhīdbāhuvṛktaḥ śrutavittaryo vaḥ sacā ǀ
ubhā sa varā pratyeti bhāti ca yadīm gaṇam bhajate suprayāvabhiḥ ǁ
Padapatha Devanagari Accented
स॒दा॒ऽपृ॒णः । य॒ज॒तः । वि । द्विषः॑ । व॒धी॒त् । बा॒हु॒ऽवृ॒क्तः । श्रु॒त॒ऽवित् । तर्यः॑ । वः॒ । सचा॑ ।
उ॒भा । सः । वरा॑ । प्रति॑ । ए॒ति॒ । भाति॑ । च॒ । यत् । ई॒म् । ग॒णम् । भज॑ते । सु॒प्र॒याव॑ऽभिः ॥
Padapatha Devanagari Nonaccented
सदाऽपृणः । यजतः । वि । द्विषः । वधीत् । बाहुऽवृक्तः । श्रुतऽवित् । तर्यः । वः । सचा ।
उभा । सः । वरा । प्रति । एति । भाति । च । यत् । ईम् । गणम् । भजते । सुप्रयावऽभिः ॥
Padapatha Transcription Accented
sadā-pṛṇáḥ ǀ yajatáḥ ǀ ví ǀ dvíṣaḥ ǀ vadhīt ǀ bāhu-vṛktáḥ ǀ śruta-vít ǀ táryaḥ ǀ vaḥ ǀ sácā ǀ
ubhā́ ǀ sáḥ ǀ várā ǀ práti ǀ eti ǀ bhā́ti ǀ ca ǀ yát ǀ īm ǀ gaṇám ǀ bhájate ǀ suprayā́va-bhiḥ ǁ
Padapatha Transcription Nonaccented
sadā-pṛṇaḥ ǀ yajataḥ ǀ vi ǀ dviṣaḥ ǀ vadhīt ǀ bāhu-vṛktaḥ ǀ śruta-vit ǀ taryaḥ ǀ vaḥ ǀ sacā ǀ
ubhā ǀ saḥ ǀ varā ǀ prati ǀ eti ǀ bhāti ǀ ca ǀ yat ǀ īm ǀ gaṇam ǀ bhajate ǀ suprayāva-bhiḥ ǁ
05.044.13 (Mandala. Sukta. Rik)
4.2.25.03 (Ashtaka. Adhyaya. Varga. Rik)
05.03.125 (Mandala. Anuvāka. Rik)
Samhita Devanagari Accented
सु॒तं॒भ॒रो यज॑मानस्य॒ सत्प॑ति॒र्विश्वा॑सा॒मूधः॒ स धि॒यामु॒दंच॑नः ।
भर॑द्धे॒नू रस॑वच्छिश्रिये॒ पयो॑ऽनुब्रुवा॒णो अध्ये॑ति॒ न स्व॒पन् ॥
Samhita Devanagari Nonaccented
सुतंभरो यजमानस्य सत्पतिर्विश्वासामूधः स धियामुदंचनः ।
भरद्धेनू रसवच्छिश्रिये पयोऽनुब्रुवाणो अध्येति न स्वपन् ॥
Samhita Transcription Accented
sutambharó yájamānasya sátpatirvíśvāsāmū́dhaḥ sá dhiyā́mudáńcanaḥ ǀ
bháraddhenū́ rásavacchiśriye páyo’nubruvāṇó ádhyeti ná svapán ǁ
Samhita Transcription Nonaccented
sutambharo yajamānasya satpatirviśvāsāmūdhaḥ sa dhiyāmudańcanaḥ ǀ
bharaddhenū rasavacchiśriye payo’nubruvāṇo adhyeti na svapan ǁ
Padapatha Devanagari Accented
सु॒त॒म्ऽभ॒रः । यज॑मानस्य । सत्ऽप॑तिः । विश्वा॑साम् । ऊधः॑ । सः । धि॒याम् । उ॒त्ऽअञ्च॑नः ।
भर॑त् । धे॒नुः । रस॑ऽवत् । शि॒श्रि॒ये॒ । पयः॑ । अ॒नु॒ऽब्रु॒वा॒णः । अधि॑ । ए॒ति॒ । न । स्व॒पन् ॥
Padapatha Devanagari Nonaccented
सुतम्ऽभरः । यजमानस्य । सत्ऽपतिः । विश्वासाम् । ऊधः । सः । धियाम् । उत्ऽअञ्चनः ।
भरत् । धेनुः । रसऽवत् । शिश्रिये । पयः । अनुऽब्रुवाणः । अधि । एति । न । स्वपन् ॥
Padapatha Transcription Accented
sutam-bharáḥ ǀ yájamānasya ǀ sát-patiḥ ǀ víśvāsām ǀ ū́dhaḥ ǀ sáḥ ǀ dhiyā́m ǀ ut-áńcanaḥ ǀ
bhárat ǀ dhenúḥ ǀ rása-vat ǀ śiśriye ǀ páyaḥ ǀ anu-bruvāṇáḥ ǀ ádhi ǀ eti ǀ ná ǀ svapán ǁ
Padapatha Transcription Nonaccented
sutam-bharaḥ ǀ yajamānasya ǀ sat-patiḥ ǀ viśvāsām ǀ ūdhaḥ ǀ saḥ ǀ dhiyām ǀ ut-ańcanaḥ ǀ
bharat ǀ dhenuḥ ǀ rasa-vat ǀ śiśriye ǀ payaḥ ǀ anu-bruvāṇaḥ ǀ adhi ǀ eti ǀ na ǀ svapan ǁ
05.044.14 (Mandala. Sukta. Rik)
4.2.25.04 (Ashtaka. Adhyaya. Varga. Rik)
05.03.126 (Mandala. Anuvāka. Rik)
Samhita Devanagari Accented
यो जा॒गार॒ तमृचः॑ कामयंते॒ यो जा॒गार॒ तमु॒ सामा॑नि यंति ।
यो जा॒गार॒ तम॒यं सोम॑ आह॒ तवा॒हम॑स्मि स॒ख्ये न्यो॑काः ॥
Samhita Devanagari Nonaccented
यो जागार तमृचः कामयंते यो जागार तमु सामानि यंति ।
यो जागार तमयं सोम आह तवाहमस्मि सख्ये न्योकाः ॥
Samhita Transcription Accented
yó jāgā́ra támṛ́caḥ kāmayante yó jāgā́ra támu sā́māni yanti ǀ
yó jāgā́ra támayám sóma āha távāhámasmi sakhyé nyókāḥ ǁ
Samhita Transcription Nonaccented
yo jāgāra tamṛcaḥ kāmayante yo jāgāra tamu sāmāni yanti ǀ
yo jāgāra tamayam soma āha tavāhamasmi sakhye nyokāḥ ǁ
Padapatha Devanagari Accented
यः । जा॒गार॑ । तम् । ऋचः॑ । का॒म॒य॒न्ते॒ । यः । जा॒गार॑ । तम् । ऊं॒ इति॑ । सामा॑नि । य॒न्ति॒ ।
यः । जा॒गार॑ । तम् । अ॒यम् । सोमः॑ । आ॒ह॒ । तव॑ । अ॒हम् । अ॒स्मि॒ । स॒ख्ये । निऽओ॑काः ॥
Padapatha Devanagari Nonaccented
यः । जागार । तम् । ऋचः । कामयन्ते । यः । जागार । तम् । ऊं इति । सामानि । यन्ति ।
यः । जागार । तम् । अयम् । सोमः । आह । तव । अहम् । अस्मि । सख्ये । निऽओकाः ॥
Padapatha Transcription Accented
yáḥ ǀ jāgā́ra ǀ tám ǀ ṛ́caḥ ǀ kāmayante ǀ yáḥ ǀ jāgā́ra ǀ tám ǀ ūṃ íti ǀ sā́māni ǀ yanti ǀ
yáḥ ǀ jāgā́ra ǀ tám ǀ ayám ǀ sómaḥ ǀ āha ǀ táva ǀ ahám ǀ asmi ǀ sakhyé ǀ ní-okāḥ ǁ
Padapatha Transcription Nonaccented
yaḥ ǀ jāgāra ǀ tam ǀ ṛcaḥ ǀ kāmayante ǀ yaḥ ǀ jāgāra ǀ tam ǀ ūṃ iti ǀ sāmāni ǀ yanti ǀ
yaḥ ǀ jāgāra ǀ tam ǀ ayam ǀ somaḥ ǀ āha ǀ tava ǀ aham ǀ asmi ǀ sakhye ǀ ni-okāḥ ǁ
05.044.15 (Mandala. Sukta. Rik)
4.2.25.05 (Ashtaka. Adhyaya. Varga. Rik)
05.03.127 (Mandala. Anuvāka. Rik)
Samhita Devanagari Accented
अ॒ग्निर्जा॑गार॒ तमृचः॑ कामयंते॒ऽग्निर्जा॑गार॒ तमु॒ सामा॑नि यंति ।
अ॒ग्निर्जा॑गार॒ तम॒यं सोम॑ आह॒ तवा॒हम॑स्मि स॒ख्ये न्यो॑काः ॥
Samhita Devanagari Nonaccented
अग्निर्जागार तमृचः कामयंतेऽग्निर्जागार तमु सामानि यंति ।
अग्निर्जागार तमयं सोम आह तवाहमस्मि सख्ये न्योकाः ॥
Samhita Transcription Accented
agnírjāgāra támṛ́caḥ kāmayante’gnírjāgāra támu sā́māni yanti ǀ
agnírjāgāra támayám sóma āha távāhámasmi sakhyé nyókāḥ ǁ
Samhita Transcription Nonaccented
agnirjāgāra tamṛcaḥ kāmayante’gnirjāgāra tamu sāmāni yanti ǀ
agnirjāgāra tamayam soma āha tavāhamasmi sakhye nyokāḥ ǁ
Padapatha Devanagari Accented
अ॒ग्निः । जा॒गा॒र॒ । तम् । ऋचः॑ । का॒म॒य॒न्ते॒ । अ॒ग्निः । जा॒गा॒र॒ । तम् । ऊं॒ इति॑ । सामा॑नि । य॒न्ति॒ ।
अ॒ग्निः । जा॒गा॒र॒ । तम् । अ॒यम् । सोमः॑ । आ॒ह॒ । तव॑ । अ॒हम् । अ॒स्मि॒ । स॒ख्ये । निऽओ॑काः ॥
Padapatha Devanagari Nonaccented
अग्निः । जागार । तम् । ऋचः । कामयन्ते । अग्निः । जागार । तम् । ऊं इति । सामानि । यन्ति ।
अग्निः । जागार । तम् । अयम् । सोमः । आह । तव । अहम् । अस्मि । सख्ये । निऽओकाः ॥
Padapatha Transcription Accented
agníḥ ǀ jāgāra ǀ tám ǀ ṛ́caḥ ǀ kāmayante ǀ agníḥ ǀ jāgāra ǀ tám ǀ ūṃ íti ǀ sā́māni ǀ yanti ǀ
agníḥ ǀ jāgāra ǀ tám ǀ ayám ǀ sómaḥ ǀ āha ǀ táva ǀ ahám ǀ asmi ǀ sakhyé ǀ ní-okāḥ ǁ
Padapatha Transcription Nonaccented
agniḥ ǀ jāgāra ǀ tam ǀ ṛcaḥ ǀ kāmayante ǀ agniḥ ǀ jāgāra ǀ tam ǀ ūṃ iti ǀ sāmāni ǀ yanti ǀ
agniḥ ǀ jāgāra ǀ tam ǀ ayam ǀ somaḥ ǀ āha ǀ tava ǀ aham ǀ asmi ǀ sakhye ǀ ni-okāḥ ǁ