|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 5
Sūkta 45
|
1. Info |
| To: | viśvedevās | |
| From: | sadāpṛṇa ātreya | |
| Metres: | 1st set of styles: nicṛttriṣṭup (4, 6, 7); bhurikpaṅkti (5, 9, 11); paṅktiḥ (1, 2); svarāṭpaṅkti (8, 10); virāṭtrisṭup (3) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
05.045.01 (Mandala. Sukta. Rik)
4.2.26.01 (Ashtaka. Adhyaya. Varga. Rik)
05.04.001 (Mandala. Anuvāka. Rik)
Samhita Devanagari Accented
वि॒दा दि॒वो वि॒ष्यन्नद्रि॑मु॒क्थैरा॑य॒त्या उ॒षसो॑ अ॒र्चिनो॑ गुः ।
अपा॑वृत व्र॒जिनी॒रुत्स्व॑र्गा॒द्वि दुरो॒ मानु॑षीर्दे॒व आ॑वः ॥
Samhita Devanagari Nonaccented
विदा दिवो विष्यन्नद्रिमुक्थैरायत्या उषसो अर्चिनो गुः ।
अपावृत व्रजिनीरुत्स्वर्गाद्वि दुरो मानुषीर्देव आवः ॥
Samhita Transcription Accented
vidā́ divó viṣyánnádrimuktháirāyatyā́ uṣáso arcíno guḥ ǀ
ápāvṛta vrajínīrútsvárgādví dúro mā́nuṣīrdevá āvaḥ ǁ
Samhita Transcription Nonaccented
vidā divo viṣyannadrimukthairāyatyā uṣaso arcino guḥ ǀ
apāvṛta vrajinīrutsvargādvi duro mānuṣīrdeva āvaḥ ǁ
Padapatha Devanagari Accented
वि॒दाः । दि॒वः । वि॒ऽस्यन् । अद्रि॑म् । उ॒क्थैः । आ॒ऽय॒त्याः । उ॒षसः॑ । अ॒र्चिनः॑ । गुः॒ ।
अप॑ । अ॒वृ॒त॒ । व्र॒जिनीः॑ । उत् । स्वः॑ । गा॒त् । वि । दुरः॑ । मानु॑षीः । दे॒वः । आ॒व॒रित्या॑वः ॥
Padapatha Devanagari Nonaccented
विदाः । दिवः । विऽस्यन् । अद्रिम् । उक्थैः । आऽयत्याः । उषसः । अर्चिनः । गुः ।
अप । अवृत । व्रजिनीः । उत् । स्वः । गात् । वि । दुरः । मानुषीः । देवः । आवरित्यावः ॥
Padapatha Transcription Accented
vidā́ḥ ǀ diváḥ ǀ vi-syán ǀ ádrim ǀ uktháiḥ ǀ ā-yatyā́ḥ ǀ uṣásaḥ ǀ arcínaḥ ǀ guḥ ǀ
ápa ǀ avṛta ǀ vrajínīḥ ǀ út ǀ sváḥ ǀ gāt ǀ ví ǀ dúraḥ ǀ mā́nuṣīḥ ǀ deváḥ ǀ āvarítyāvaḥ ǁ
Padapatha Transcription Nonaccented
vidāḥ ǀ divaḥ ǀ vi-syan ǀ adrim ǀ ukthaiḥ ǀ ā-yatyāḥ ǀ uṣasaḥ ǀ arcinaḥ ǀ guḥ ǀ
apa ǀ avṛta ǀ vrajinīḥ ǀ ut ǀ svaḥ ǀ gāt ǀ vi ǀ duraḥ ǀ mānuṣīḥ ǀ devaḥ ǀ āvarityāvaḥ ǁ
05.045.02 (Mandala. Sukta. Rik)
4.2.26.02 (Ashtaka. Adhyaya. Varga. Rik)
05.04.002 (Mandala. Anuvāka. Rik)
Samhita Devanagari Accented
वि सूर्यो॑ अ॒मतिं॒ न श्रियं॑ सा॒दोर्वाद्गवां॑ मा॒ता जा॑न॒ती गा॑त् ।
धन्व॑र्णसो न॒द्यः१॒॑ खादो॑अर्णाः॒ स्थूणे॑व॒ सुमि॑ता दृंहत॒ द्यौः ॥
Samhita Devanagari Nonaccented
वि सूर्यो अमतिं न श्रियं सादोर्वाद्गवां माता जानती गात् ।
धन्वर्णसो नद्यः खादोअर्णाः स्थूणेव सुमिता दृंहत द्यौः ॥
Samhita Transcription Accented
ví sū́ryo amátim ná śríyam sādórvā́dgávām mātā́ jānatī́ gāt ǀ
dhánvarṇaso nadyáḥ khā́doarṇāḥ sthū́ṇeva súmitā dṛṃhata dyáuḥ ǁ
Samhita Transcription Nonaccented
vi sūryo amatim na śriyam sādorvādgavām mātā jānatī gāt ǀ
dhanvarṇaso nadyaḥ khādoarṇāḥ sthūṇeva sumitā dṛṃhata dyauḥ ǁ
Padapatha Devanagari Accented
वि । सूर्यः॑ । अ॒मति॑म् । न । श्रिय॑म् । सा॒त् । आ । ऊ॒र्वात् । गवा॑म् । मा॒ता । जा॒न॒ती । गा॒त् ।
धन्व॑ऽअर्णसः । न॒द्यः॑ । खादः॑ऽअर्णाः । स्थूणा॑ऽइव । सुऽमि॑ता । दृं॒ह॒त॒ । द्यौः ॥
Padapatha Devanagari Nonaccented
वि । सूर्यः । अमतिम् । न । श्रियम् । सात् । आ । ऊर्वात् । गवाम् । माता । जानती । गात् ।
धन्वऽअर्णसः । नद्यः । खादःऽअर्णाः । स्थूणाऽइव । सुऽमिता । दृंहत । द्यौः ॥
Padapatha Transcription Accented
ví ǀ sū́ryaḥ ǀ amátim ǀ ná ǀ śríyam ǀ sāt ǀ ā́ ǀ ūrvā́t ǀ gávām ǀ mātā́ ǀ jānatī́ ǀ gāt ǀ
dhánva-arṇasaḥ ǀ nadyáḥ ǀ khā́daḥ-arṇāḥ ǀ sthū́ṇā-iva ǀ sú-mitā ǀ dṛṃhata ǀ dyáuḥ ǁ
Padapatha Transcription Nonaccented
vi ǀ sūryaḥ ǀ amatim ǀ na ǀ śriyam ǀ sāt ǀ ā ǀ ūrvāt ǀ gavām ǀ mātā ǀ jānatī ǀ gāt ǀ
dhanva-arṇasaḥ ǀ nadyaḥ ǀ khādaḥ-arṇāḥ ǀ sthūṇā-iva ǀ su-mitā ǀ dṛṃhata ǀ dyauḥ ǁ
05.045.03 (Mandala. Sukta. Rik)
4.2.26.03 (Ashtaka. Adhyaya. Varga. Rik)
05.04.003 (Mandala. Anuvāka. Rik)
Samhita Devanagari Accented
अ॒स्मा उ॒क्थाय॒ पर्व॑तस्य॒ गर्भो॑ म॒हीनां॑ ज॒नुषे॑ पू॒र्व्याय॑ ।
वि पर्व॑तो॒ जिही॑त॒ साध॑त॒ द्यौरा॒विवा॑संतो दसयंत॒ भूम॑ ॥
Samhita Devanagari Nonaccented
अस्मा उक्थाय पर्वतस्य गर्भो महीनां जनुषे पूर्व्याय ।
वि पर्वतो जिहीत साधत द्यौराविवासंतो दसयंत भूम ॥
Samhita Transcription Accented
asmā́ ukthā́ya párvatasya gárbho mahī́nām janúṣe pūrvyā́ya ǀ
ví párvato jíhīta sā́dhata dyáurāvívāsanto dasayanta bhū́ma ǁ
Samhita Transcription Nonaccented
asmā ukthāya parvatasya garbho mahīnām januṣe pūrvyāya ǀ
vi parvato jihīta sādhata dyaurāvivāsanto dasayanta bhūma ǁ
Padapatha Devanagari Accented
अ॒स्मै । उ॒क्थाय॑ । पर्व॑तस्य । गर्भः॑ । म॒हीना॑म् । ज॒नुषे॑ । पू॒र्व्याय॑ ।
वि । पर्व॑तः । जिही॑त । साध॑त । द्यौः । आ॒ऽविवा॑सन्तः । द॒स॒य॒न्त॒ । भूम॑ ॥
Padapatha Devanagari Nonaccented
अस्मै । उक्थाय । पर्वतस्य । गर्भः । महीनाम् । जनुषे । पूर्व्याय ।
वि । पर्वतः । जिहीत । साधत । द्यौः । आऽविवासन्तः । दसयन्त । भूम ॥
Padapatha Transcription Accented
asmái ǀ ukthā́ya ǀ párvatasya ǀ gárbhaḥ ǀ mahī́nām ǀ janúṣe ǀ pūrvyā́ya ǀ
ví ǀ párvataḥ ǀ jíhīta ǀ sā́dhata ǀ dyáuḥ ǀ ā-vívāsantaḥ ǀ dasayanta ǀ bhū́ma ǁ
Padapatha Transcription Nonaccented
asmai ǀ ukthāya ǀ parvatasya ǀ garbhaḥ ǀ mahīnām ǀ januṣe ǀ pūrvyāya ǀ
vi ǀ parvataḥ ǀ jihīta ǀ sādhata ǀ dyauḥ ǀ ā-vivāsantaḥ ǀ dasayanta ǀ bhūma ǁ
05.045.04 (Mandala. Sukta. Rik)
4.2.26.04 (Ashtaka. Adhyaya. Varga. Rik)
05.04.004 (Mandala. Anuvāka. Rik)
Samhita Devanagari Accented
सू॒क्तेभि॑र्वो॒ वचो॑भिर्दे॒वजु॑ष्टै॒रिंद्रा॒ न्व१॒॑ग्नी अव॑से हु॒वध्यै॑ ।
उ॒क्थेभि॒र्हि ष्मा॑ क॒वयः॑ सुय॒ज्ञा आ॒विवा॑संतो म॒रुतो॒ यजं॑ति ॥
Samhita Devanagari Nonaccented
सूक्तेभिर्वो वचोभिर्देवजुष्टैरिंद्रा न्वग्नी अवसे हुवध्यै ।
उक्थेभिर्हि ष्मा कवयः सुयज्ञा आविवासंतो मरुतो यजंति ॥
Samhita Transcription Accented
sūktébhirvo vácobhirdevájuṣṭairíndrā nvágnī́ ávase huvádhyai ǀ
ukthébhirhí ṣmā kaváyaḥ suyajńā́ āvívāsanto marúto yájanti ǁ
Samhita Transcription Nonaccented
sūktebhirvo vacobhirdevajuṣṭairindrā nvagnī avase huvadhyai ǀ
ukthebhirhi ṣmā kavayaḥ suyajńā āvivāsanto maruto yajanti ǁ
Padapatha Devanagari Accented
सु॒ऽउ॒क्तेभिः॑ । वः॒ । वचः॑ऽभिः । दे॒वऽजु॑ष्टैः । इन्द्रा॑ । नु । अ॒ग्नी इति॑ । अव॑से । हु॒वध्यै॑ ।
उ॒क्थेभिः । हि । स्म॒ । क॒वयः॑ । सु॒ऽय॒ज्ञाः । आ॒ऽविवा॑सन्तः । म॒रुतः॑ । यज॑न्ति ॥
Padapatha Devanagari Nonaccented
सुऽउक्तेभिः । वः । वचःऽभिः । देवऽजुष्टैः । इन्द्रा । नु । अग्नी इति । अवसे । हुवध्यै ।
उक्थेभिः । हि । स्म । कवयः । सुऽयज्ञाः । आऽविवासन्तः । मरुतः । यजन्ति ॥
Padapatha Transcription Accented
su-uktébhiḥ ǀ vaḥ ǀ vácaḥ-bhiḥ ǀ devá-juṣṭaiḥ ǀ índrā ǀ nú ǀ agnī́ íti ǀ ávase ǀ huvádhyai ǀ
ukthébhíḥ ǀ hí ǀ sma ǀ kaváyaḥ ǀ su-yajńā́ḥ ǀ ā-vívāsantaḥ ǀ marútaḥ ǀ yájanti ǁ
Padapatha Transcription Nonaccented
su-uktebhiḥ ǀ vaḥ ǀ vacaḥ-bhiḥ ǀ deva-juṣṭaiḥ ǀ indrā ǀ nu ǀ agnī iti ǀ avase ǀ huvadhyai ǀ
ukthebhiḥ ǀ hi ǀ sma ǀ kavayaḥ ǀ su-yajńāḥ ǀ ā-vivāsantaḥ ǀ marutaḥ ǀ yajanti ǁ
05.045.05 (Mandala. Sukta. Rik)
4.2.26.05 (Ashtaka. Adhyaya. Varga. Rik)
05.04.005 (Mandala. Anuvāka. Rik)
Samhita Devanagari Accented
एतो॒ न्व१॒॑द्य सु॒ध्यो॒३॒॑ भवा॑म॒ प्र दु॒च्छुना॑ मिनवामा॒ वरी॑यः ।
आ॒रे द्वेषां॑सि सनु॒तर्द॑धा॒माया॑म॒ प्रांचो॒ यज॑मान॒मच्छ॑ ॥
Samhita Devanagari Nonaccented
एतो न्वद्य सुध्यो भवाम प्र दुच्छुना मिनवामा वरीयः ।
आरे द्वेषांसि सनुतर्दधामायाम प्रांचो यजमानमच्छ ॥
Samhita Transcription Accented
éto nvádyá sudhyó bhávāma prá ducchúnā minavāmā várīyaḥ ǀ
āré dvéṣāṃsi sanutárdadhāmā́yāma prā́ńco yájamānamáccha ǁ
Samhita Transcription Nonaccented
eto nvadya sudhyo bhavāma pra ducchunā minavāmā varīyaḥ ǀ
āre dveṣāṃsi sanutardadhāmāyāma prāńco yajamānamaccha ǁ
Padapatha Devanagari Accented
एतो॒ इति॑ । नु । अ॒द्य । सु॒ऽध्यः॑ । भवा॑म । प्र । दु॒च्छुनाः॑ । मि॒न॒वा॒म॒ । वरी॑यः ।
आ॒रे । द्वेषां॑सि । स॒नु॒तः । द॒धा॒म॒ । अया॑म । प्राञ्चः॑ । यज॑मानम् । अच्छ॑ ॥
Padapatha Devanagari Nonaccented
एतो इति । नु । अद्य । सुऽध्यः । भवाम । प्र । दुच्छुनाः । मिनवाम । वरीयः ।
आरे । द्वेषांसि । सनुतः । दधाम । अयाम । प्राञ्चः । यजमानम् । अच्छ ॥
Padapatha Transcription Accented
éto íti ǀ nú ǀ adyá ǀ su-dhyáḥ ǀ bhávāma ǀ prá ǀ ducchúnāḥ ǀ minavāma ǀ várīyaḥ ǀ
āré ǀ dvéṣāṃsi ǀ sanutáḥ ǀ dadhāma ǀ áyāma ǀ prā́ńcaḥ ǀ yájamānam ǀ áccha ǁ
Padapatha Transcription Nonaccented
eto iti ǀ nu ǀ adya ǀ su-dhyaḥ ǀ bhavāma ǀ pra ǀ ducchunāḥ ǀ minavāma ǀ varīyaḥ ǀ
āre ǀ dveṣāṃsi ǀ sanutaḥ ǀ dadhāma ǀ ayāma ǀ prāńcaḥ ǀ yajamānam ǀ accha ǁ
05.045.06 (Mandala. Sukta. Rik)
4.2.27.01 (Ashtaka. Adhyaya. Varga. Rik)
05.04.006 (Mandala. Anuvāka. Rik)
Samhita Devanagari Accented
एता॒ धियं॑ कृ॒णवा॑मा सखा॒योऽप॒ या मा॒ताँ ऋ॑णु॒त व्र॒जं गोः ।
यया॒ मनु॑र्विशिशि॒प्रं जि॒गाय॒ यया॑ व॒णिग्वं॒कुरापा॒ पुरी॑षं ॥
Samhita Devanagari Nonaccented
एता धियं कृणवामा सखायोऽप या माताँ ऋणुत व्रजं गोः ।
यया मनुर्विशिशिप्रं जिगाय यया वणिग्वंकुरापा पुरीषं ॥
Samhita Transcription Accented
étā dhíyam kṛṇávāmā sakhāyó’pa yā́ mātā́m̐ ṛṇutá vrajám góḥ ǀ
yáyā mánurviśiśiprám jigā́ya yáyā vaṇígvaṅkúrā́pā púrīṣam ǁ
Samhita Transcription Nonaccented
etā dhiyam kṛṇavāmā sakhāyo’pa yā mātām̐ ṛṇuta vrajam goḥ ǀ
yayā manurviśiśipram jigāya yayā vaṇigvaṅkurāpā purīṣam ǁ
Padapatha Devanagari Accented
आ । इ॒त॒ । धिय॑म् । कृ॒णवा॑म । स॒खा॒यः॒ । अप॑ । या । मा॒ता । ऋ॒णु॒त । व्र॒जम् । गोः ।
यया॑ । मनुः॑ । वि॒शि॒ऽशि॒प्रम् । जि॒गाय॑ । यया॑ । व॒णिक् । व॒ङ्कुः । आप॑ । पुरी॑षम् ॥
Padapatha Devanagari Nonaccented
आ । इत । धियम् । कृणवाम । सखायः । अप । या । माता । ऋणुत । व्रजम् । गोः ।
यया । मनुः । विशिऽशिप्रम् । जिगाय । यया । वणिक् । वङ्कुः । आप । पुरीषम् ॥
Padapatha Transcription Accented
ā́ ǀ ita ǀ dhíyam ǀ kṛṇávāma ǀ sakhāyaḥ ǀ ápa ǀ yā́ ǀ mātā́ ǀ ṛṇutá ǀ vrajám ǀ góḥ ǀ
yáyā ǀ mánuḥ ǀ viśi-śiprám ǀ jigā́ya ǀ yáyā ǀ vaṇík ǀ vaṅkúḥ ǀ ā́pa ǀ púrīṣam ǁ
Padapatha Transcription Nonaccented
ā ǀ ita ǀ dhiyam ǀ kṛṇavāma ǀ sakhāyaḥ ǀ apa ǀ yā ǀ mātā ǀ ṛṇuta ǀ vrajam ǀ goḥ ǀ
yayā ǀ manuḥ ǀ viśi-śipram ǀ jigāya ǀ yayā ǀ vaṇik ǀ vaṅkuḥ ǀ āpa ǀ purīṣam ǁ
05.045.07 (Mandala. Sukta. Rik)
4.2.27.02 (Ashtaka. Adhyaya. Varga. Rik)
05.04.007 (Mandala. Anuvāka. Rik)
Samhita Devanagari Accented
अनू॑नो॒दत्र॒ हस्त॑यतो॒ अद्रि॒रार्च॒न्येन॒ दश॑ मा॒सो नव॑ग्वाः ।
ऋ॒तं य॒ती स॒रमा॒ गा अ॑विंद॒द्विश्वा॑नि स॒त्यांगि॑राश्चकार ॥
Samhita Devanagari Nonaccented
अनूनोदत्र हस्तयतो अद्रिरार्चन्येन दश मासो नवग्वाः ।
ऋतं यती सरमा गा अविंदद्विश्वानि सत्यांगिराश्चकार ॥
Samhita Transcription Accented
ánūnodátra hástayato ádrirā́rcanyéna dáśa māsó návagvāḥ ǀ
ṛtám yatī́ sarámā gā́ avindadvíśvāni satyā́ṅgirāścakāra ǁ
Samhita Transcription Nonaccented
anūnodatra hastayato adrirārcanyena daśa māso navagvāḥ ǀ
ṛtam yatī saramā gā avindadviśvāni satyāṅgirāścakāra ǁ
Padapatha Devanagari Accented
अनू॑नोत् । अत्र॑ । हस्त॑ऽयतः । अद्रिः॑ । आर्च॑न् । येन॑ । दश॑ । मा॒सः । नव॑ऽग्वाः ।
ऋ॒तम् । य॒ती । स॒रमा॑ । गाः । अ॒वि॒न्द॒त् । विश्वा॑नि । स॒त्या । अङ्गि॑राः । च॒का॒र॒ ॥
Padapatha Devanagari Nonaccented
अनूनोत् । अत्र । हस्तऽयतः । अद्रिः । आर्चन् । येन । दश । मासः । नवऽग्वाः ।
ऋतम् । यती । सरमा । गाः । अविन्दत् । विश्वानि । सत्या । अङ्गिराः । चकार ॥
Padapatha Transcription Accented
ánūnot ǀ átra ǀ hásta-yataḥ ǀ ádriḥ ǀ ā́rcan ǀ yéna ǀ dáśa ǀ māsáḥ ǀ náva-gvāḥ ǀ
ṛtám ǀ yatī́ ǀ sarámā ǀ gā́ḥ ǀ avindat ǀ víśvāni ǀ satyā́ ǀ áṅgirāḥ ǀ cakāra ǁ
Padapatha Transcription Nonaccented
anūnot ǀ atra ǀ hasta-yataḥ ǀ adriḥ ǀ ārcan ǀ yena ǀ daśa ǀ māsaḥ ǀ nava-gvāḥ ǀ
ṛtam ǀ yatī ǀ saramā ǀ gāḥ ǀ avindat ǀ viśvāni ǀ satyā ǀ aṅgirāḥ ǀ cakāra ǁ
05.045.08 (Mandala. Sukta. Rik)
4.2.27.03 (Ashtaka. Adhyaya. Varga. Rik)
05.04.008 (Mandala. Anuvāka. Rik)
Samhita Devanagari Accented
विश्वे॑ अ॒स्या व्युषि॒ माहि॑नायाः॒ सं यद्गोभि॒रंगि॑रसो॒ नवं॑त ।
उत्स॑ आसां पर॒मे स॒धस्थ॑ ऋ॒तस्य॑ प॒था स॒रमा॑ विद॒द्गाः ॥
Samhita Devanagari Nonaccented
विश्वे अस्या व्युषि माहिनायाः सं यद्गोभिरंगिरसो नवंत ।
उत्स आसां परमे सधस्थ ऋतस्य पथा सरमा विदद्गाः ॥
Samhita Transcription Accented
víśve asyā́ vyúṣi mā́hināyāḥ sám yádgóbhiráṅgiraso návanta ǀ
útsa āsām paramé sadhástha ṛtásya pathā́ sarámā vidadgā́ḥ ǁ
Samhita Transcription Nonaccented
viśve asyā vyuṣi māhināyāḥ sam yadgobhiraṅgiraso navanta ǀ
utsa āsām parame sadhastha ṛtasya pathā saramā vidadgāḥ ǁ
Padapatha Devanagari Accented
विश्वे॑ । अ॒स्याः । वि॒ऽउषि॑ । माहि॑नायाः । सम् । यत् । गोभिः॑ । अङ्गि॑रसः । नव॑न्त ।
उत्सः॑ । आ॒सा॒म् । प॒र॒मे । स॒धऽस्थे॑ । ऋ॒तस्य॑ । प॒था । स॒रमा॑ । वि॒द॒त् । गाः ॥
Padapatha Devanagari Nonaccented
विश्वे । अस्याः । विऽउषि । माहिनायाः । सम् । यत् । गोभिः । अङ्गिरसः । नवन्त ।
उत्सः । आसाम् । परमे । सधऽस्थे । ऋतस्य । पथा । सरमा । विदत् । गाः ॥
Padapatha Transcription Accented
víśve ǀ asyā́ḥ ǀ vi-úṣi ǀ mā́hināyāḥ ǀ sám ǀ yát ǀ góbhiḥ ǀ áṅgirasaḥ ǀ návanta ǀ
útsaḥ ǀ āsām ǀ paramé ǀ sadhá-sthe ǀ ṛtásya ǀ pathā́ ǀ sarámā ǀ vidat ǀ gā́ḥ ǁ
Padapatha Transcription Nonaccented
viśve ǀ asyāḥ ǀ vi-uṣi ǀ māhināyāḥ ǀ sam ǀ yat ǀ gobhiḥ ǀ aṅgirasaḥ ǀ navanta ǀ
utsaḥ ǀ āsām ǀ parame ǀ sadha-sthe ǀ ṛtasya ǀ pathā ǀ saramā ǀ vidat ǀ gāḥ ǁ
05.045.09 (Mandala. Sukta. Rik)
4.2.27.04 (Ashtaka. Adhyaya. Varga. Rik)
05.04.009 (Mandala. Anuvāka. Rik)
Samhita Devanagari Accented
आ सूर्यो॑ यातु स॒प्ताश्वः॒ क्षेत्रं॒ यद॑स्योर्वि॒या दी॑र्घया॒थे ।
र॒घुः श्ये॒नः प॑तय॒दंधो॒ अच्छा॒ युवा॑ क॒विर्दी॑दय॒द्गोषु॒ गच्छ॑न् ॥
Samhita Devanagari Nonaccented
आ सूर्यो यातु सप्ताश्वः क्षेत्रं यदस्योर्विया दीर्घयाथे ।
रघुः श्येनः पतयदंधो अच्छा युवा कविर्दीदयद्गोषु गच्छन् ॥
Samhita Transcription Accented
ā́ sū́ryo yātu saptā́śvaḥ kṣétram yádasyorviyā́ dīrghayāthé ǀ
raghúḥ śyenáḥ patayadándho ácchā yúvā kavírdīdayadgóṣu gácchan ǁ
Samhita Transcription Nonaccented
ā sūryo yātu saptāśvaḥ kṣetram yadasyorviyā dīrghayāthe ǀ
raghuḥ śyenaḥ patayadandho acchā yuvā kavirdīdayadgoṣu gacchan ǁ
Padapatha Devanagari Accented
आ । सूर्यः॑ । या॒तु॒ । स॒प्तऽअ॑श्वः । क्षेत्र॑म् । यत् । अ॒स्य॒ । उ॒र्वि॒या । दी॒र्घ॒ऽया॒थे ।
र॒घुः । श्ये॒नः । प॒त॒य॒त् । अन्धः॑ । अच्छ॑ । युवा॑ । क॒विः । दी॒द॒य॒त् । गोषु॑ । गच्छ॑न् ॥
Padapatha Devanagari Nonaccented
आ । सूर्यः । यातु । सप्तऽअश्वः । क्षेत्रम् । यत् । अस्य । उर्विया । दीर्घऽयाथे ।
रघुः । श्येनः । पतयत् । अन्धः । अच्छ । युवा । कविः । दीदयत् । गोषु । गच्छन् ॥
Padapatha Transcription Accented
ā́ ǀ sū́ryaḥ ǀ yātu ǀ saptá-aśvaḥ ǀ kṣétram ǀ yát ǀ asya ǀ urviyā́ ǀ dīrgha-yāthé ǀ
raghúḥ ǀ śyenáḥ ǀ patayat ǀ ándhaḥ ǀ áccha ǀ yúvā ǀ kavíḥ ǀ dīdayat ǀ góṣu ǀ gácchan ǁ
Padapatha Transcription Nonaccented
ā ǀ sūryaḥ ǀ yātu ǀ sapta-aśvaḥ ǀ kṣetram ǀ yat ǀ asya ǀ urviyā ǀ dīrgha-yāthe ǀ
raghuḥ ǀ śyenaḥ ǀ patayat ǀ andhaḥ ǀ accha ǀ yuvā ǀ kaviḥ ǀ dīdayat ǀ goṣu ǀ gacchan ǁ
05.045.10 (Mandala. Sukta. Rik)
4.2.27.05 (Ashtaka. Adhyaya. Varga. Rik)
05.04.010 (Mandala. Anuvāka. Rik)
Samhita Devanagari Accented
आ सूर्यो॑ अरुहच्छु॒क्रमर्णोऽयु॑क्त॒ यद्ध॒रितो॑ वी॒तपृ॑ष्ठाः ।
उ॒द्ना न नाव॑मनयंत॒ धीरा॑ आशृण्व॒तीरापो॑ अ॒र्वाग॑तिष्ठन् ॥
Samhita Devanagari Nonaccented
आ सूर्यो अरुहच्छुक्रमर्णोऽयुक्त यद्धरितो वीतपृष्ठाः ।
उद्ना न नावमनयंत धीरा आशृण्वतीरापो अर्वागतिष्ठन् ॥
Samhita Transcription Accented
ā́ sū́ryo aruhacchukrámárṇó’yukta yáddharíto vītápṛṣṭhāḥ ǀ
udnā́ ná nā́vamanayanta dhī́rā āśṛṇvatī́rā́po arvā́gatiṣṭhan ǁ
Samhita Transcription Nonaccented
ā sūryo aruhacchukramarṇo’yukta yaddharito vītapṛṣṭhāḥ ǀ
udnā na nāvamanayanta dhīrā āśṛṇvatīrāpo arvāgatiṣṭhan ǁ
Padapatha Devanagari Accented
आ । सूर्यः॑ । अ॒रु॒ह॒त् । शु॒क्रम् । अर्णः॑ । अयु॑क्त । यत् । ह॒रितः॑ । वी॒तऽपृ॑ष्ठाः ।
उ॒द्ना । न । नाव॑म् । अ॒न॒य॒न्त॒ । धीराः॑ । आ॒ऽशृ॒ण्व॒तीः । आपः॑ । अ॒र्वाक् । अ॒ति॒ष्ठ॒न् ॥
Padapatha Devanagari Nonaccented
आ । सूर्यः । अरुहत् । शुक्रम् । अर्णः । अयुक्त । यत् । हरितः । वीतऽपृष्ठाः ।
उद्ना । न । नावम् । अनयन्त । धीराः । आऽशृण्वतीः । आपः । अर्वाक् । अतिष्ठन् ॥
Padapatha Transcription Accented
ā́ ǀ sū́ryaḥ ǀ aruhat ǀ śukrám ǀ árṇaḥ ǀ áyukta ǀ yát ǀ harítaḥ ǀ vītá-pṛṣṭhāḥ ǀ
udnā́ ǀ ná ǀ nā́vam ǀ anayanta ǀ dhī́rāḥ ǀ ā-śṛṇvatī́ḥ ǀ ā́paḥ ǀ arvā́k ǀ atiṣṭhan ǁ
Padapatha Transcription Nonaccented
ā ǀ sūryaḥ ǀ aruhat ǀ śukram ǀ arṇaḥ ǀ ayukta ǀ yat ǀ haritaḥ ǀ vīta-pṛṣṭhāḥ ǀ
udnā ǀ na ǀ nāvam ǀ anayanta ǀ dhīrāḥ ǀ ā-śṛṇvatīḥ ǀ āpaḥ ǀ arvāk ǀ atiṣṭhan ǁ
05.045.11 (Mandala. Sukta. Rik)
4.2.27.06 (Ashtaka. Adhyaya. Varga. Rik)
05.04.011 (Mandala. Anuvāka. Rik)
Samhita Devanagari Accented
धियं॑ वो अ॒प्सु द॑धिषे स्व॒र्षां ययात॑रं॒दश॑ मा॒सो नव॑ग्वाः ।
अ॒या धि॒या स्या॑म दे॒वगो॑पा अ॒या धि॒या तु॑तुर्या॒मात्यंहः॑ ॥
Samhita Devanagari Nonaccented
धियं वो अप्सु दधिषे स्वर्षां ययातरंदश मासो नवग्वाः ।
अया धिया स्याम देवगोपा अया धिया तुतुर्यामात्यंहः ॥
Samhita Transcription Accented
dhíyam vo apsú dadhiṣe svarṣā́m yáyā́tarandáśa māsó návagvāḥ ǀ
ayā́ dhiyā́ syāma devágopā ayā́ dhiyā́ tuturyāmā́tyáṃhaḥ ǁ
Samhita Transcription Nonaccented
dhiyam vo apsu dadhiṣe svarṣām yayātarandaśa māso navagvāḥ ǀ
ayā dhiyā syāma devagopā ayā dhiyā tuturyāmātyaṃhaḥ ǁ
Padapatha Devanagari Accented
धिय॑म् । वः॒ । अ॒प्ऽसु । द॒धि॒षे॒ । स्वः॒ऽसाम् । यया॑ । अत॑रन् । दश॑ । मा॒सः । नव॑ऽग्वाः ।
अ॒या । धि॒या । स्या॒म॒ । दे॒वऽगो॑पाः । अ॒या । धि॒या । तु॒तु॒र्या॒म॒ । अति॑ । अंहः॑ ॥
Padapatha Devanagari Nonaccented
धियम् । वः । अप्ऽसु । दधिषे । स्वःऽसाम् । यया । अतरन् । दश । मासः । नवऽग्वाः ।
अया । धिया । स्याम । देवऽगोपाः । अया । धिया । तुतुर्याम । अति । अंहः ॥
Padapatha Transcription Accented
dhíyam ǀ vaḥ ǀ ap-sú ǀ dadhiṣe ǀ svaḥ-sā́m ǀ yáyā ǀ átaran ǀ dáśa ǀ māsáḥ ǀ náva-gvāḥ ǀ
ayā́ ǀ dhiyā́ ǀ syāma ǀ devá-gopāḥ ǀ ayā́ ǀ dhiyā́ ǀ tuturyāma ǀ áti ǀ áṃhaḥ ǁ
Padapatha Transcription Nonaccented
dhiyam ǀ vaḥ ǀ ap-su ǀ dadhiṣe ǀ svaḥ-sām ǀ yayā ǀ ataran ǀ daśa ǀ māsaḥ ǀ nava-gvāḥ ǀ
ayā ǀ dhiyā ǀ syāma ǀ deva-gopāḥ ǀ ayā ǀ dhiyā ǀ tuturyāma ǀ ati ǀ aṃhaḥ ǁ